ពិធីបើកពិព័រណ៍អប់រំនៃស្នាដៃរបស់សិស្សានុសិស្ស ឆ្នាំសិក្សា២០២២-២០២៣ របស់សាលារៀនវេសហ្គេតអន្តរជាតិសាខាទី២ នៅផ្លូវ៣០ម៉ែត្រ
លោកស្រី ម៉ននី រង្សី បានធ្វេីការកោតសរសើរចំពោះស្នាដៃក្មួយៗសិស្សនុសិស្សជា ពិសេសក្មួយៗតូចៗ ដែលបានព្យាយាមសហការគ្នានៅក្នុងស្រាវជ្រាវ និងស្វែងរកនូវគំនិតឆ្នៃប្រឌិត ក្នុងបង្កើតឧបករណ៍ និងសម្ភារៈប្រើប្រាស់ ជាច្រើនថ្មីហើយមានសភាពប្លែកផងដែរ។ លោកស្រី ក៏បានធ្វេីការកោតសរសើរដល់អាណាព្យាបាល់សិស្សដែលតែងតែខិតខំប្រឹងធ្វើការ និងជំរុញឱ្យកូនៗខិតខំរៀនសូត្រ និងទទួលបាននូវចំណេះដឹងមាននូវសមត្តភាព និងក្លាយទៅជាមនុស្សល្អក្នុងសង្គម រួមទាំងអភិវឌ្ឍន៍ខ្លួនអោយទាន់តាមបច្ចេកវិទ្យាទំនើបស្របតាមយុគសម័យ ៤.០ ផងដែរ។
លោកស្រីក៏បានផ្ដាំផ្ញើរទៅដល់សាលា ធ្វើយ៉ាងណាឱ្យការងារអប់រំដល់សិស្សានុសិស្សមានគុណភាពល្អ សំដៅដល់ចីរភាពឱ្យកាន់តែល្អប្រសេីរឡេីងថែមទៀត ដោយធានានូវគុណភាពស្ដង់ដារខ្ពស់មានចីរភាព ប្រសិទ្ធភាព និងឧត្តមភាព ប្រកួតប្រជែងនៅក្នុងតំបន់ និងពិភពលោក។
សូមបញ្ជាក់ផងដែរថា កម្មវិធីនេះមានការចូលរួមយ៉ាងច្រើនពីសិស្សានុសិស្សដើម្បីទស្សនាស្នាដៃពិព័រណ៍របស់សិស្សនៃសាលាវេសហ្គេតអន្តរជាតិ ដែលសរុបចំនួន៤៥ក្រុម ដោយចម្រាញ់យកតែក្រុមមានការឆ្នៃនូវគំនិតឆ្នៃប្រឌិតថ្មី និងប្លែក នៅក្នុងការទស្សនាពិព័រណ៍នោះផងដែរ៕
អត្រាប្តូរប្រាក់
សង្គ្រោះបន្ទាន់ និងហេតុការណ៍ចាំបាច់
លេខអគ្គិភ័យ
666
លេខសង្គ្រោះគ្រោះថ្នាក់ចរារចរណ៍
119
លេខទទួលព័ត៌មាន(ប៉ូលីស)
117