រដ្ឋបាលខេត្តសៀមរាប

Siemreap Administration
ស្វែងរក

ថ្នាក់ដឹកនាំខេត្ត និងគណ:ប្រតិភូខេត្តចូលគោរពវិញ្ញាណក្ខន្ធ សពលោកជំទាវ ពៅ សូត្រ ប៉ែន សេរី

  • 310
  • ដោយ vannak
នៅរសៀលថ្ងៃទី៥ ខែមីនា ឆ្នាំ២០២២ ឯកឧត្តម អ៊ាន ឃុន ប្រធានក្រុមប្រឹក្សាខេត្ត និងលោកស្រី យូ សុភា អភិបាលរងខេត្ត តំណាង ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប បានដឹកនាំគណ:ប្រតិភូ ដែលមាន ឯកឧត្តម លោកជំទាវ សមាជិក សមាជិកាក្រុមប្រឹក្សាខេត្ត នាយករដ្ឋបាលខេត្ត នាយកទីចាត់ការ លោក លោកស្រី ជាថ្នាក់ដឹកនាំ មន្ទីរ អង្គភាពជុំវិញខេត្ត ចូលរួមដាក់កម្រងផ្កាគោរពវិញ្ញាណក្ខន្ធ និងចូលរួមរំលែកទុក្ខ ជាមួយក្រុមគ្រួសារឯកឧត្តម ប៉ែន សេរី សមាជិកក្រុមប្រឹក្សាខេត្តសៀមរាប ដែលលោកជំទាវ ពៅ សូត្រ ប៉ែន សេរី បានទទួលមរណភាព កាលពីថ្ងៃសុក្រ ២កើត ខែផល្គុន ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៤ ខែមីនា ឆ្នាំ២០២២ វេលាម៉ោង ០៨ និង ៥០នាទីយប់ ក្នុងជន្មាយុ ៦៥ ឆ្នាំ ដោយរោគគាពាធ ដែលប្រារព្ធពិធីបុណ្យតាមប្រពៃណីទំនៀមទំលាប់ នៅគេហដ្ឋាន នៃសព ស្ថិតក្នុងភូមិស្លក្រាម សង្កាត់ស្លក្រាម ក្រុងសៀមរាប ខេត្តសៀមរាប។
ឯកឧត្តម អ៊ាន ឃុន ប្រធានក្រុមប្រឹក្សាខេត្ត លោកស្រី យូ សុភា អភិបាលរងខេត្ត បានសម្តែងនូវក្តីសោកស្តាយអាឡោះអាឡៃយ៉ាងក្រៃលែងចំពោះមរណភាពរបស់ លោកជំទាវ គឺជាការបាត់បង់ភរិយា មាតា ជីដូន ដែលប្រកបដោយព្រហ្មវិហារធម៍មួយរូប ដែលបានបីបាច់ថែរក្សា និងអប់រំទូន្មានកូនចៅប្រកបដោយគន្លងធម៌ និងបានប្រគល់នូវលិខិតចូលរួមរំលែកទុក្ខ ក្នុងនាមរដ្ឋបាលខេត្ត និងបច្ច័យចំនួន ៤លានរៀល និងថវិការបស់សមាគមជាតិក្រុមប្រឹក្សារាជធានី ខេត្ត ចំនួន ៣លានរៀល ដើមី្បចូលរួមក្នុងពិធីបុណ្យសព សម្រាប់គ្រួសារយកទៅប្រើប្រាស់ក្នុងពិធីបុណ្យនេះផងដែរ៕














+5


201So Moneyserey, Reach Ren និង 199 ផ្សេងទៀត

មតិ 4
ចែករំលែក 38

ចូលចិត្ត



មតិ


ចែករំលែក

អត្ថបទទាក់ទង