នារសៀលថ្ងៃទី២៦ ខែធ្នូ ឆ្នាំ២០២៤ លោក លី សារី អភិបាលរងខេត្តបានដឹកនាំក្រុមការងាររៀបចំបុណ្យបង្ហេីរខ្មែរឯកខ្មែរ និងខ្លែងសេរីចុះពិនិត្យទីតាំងនៅអាកាសយានដ្ឋានអន្តរជាតិសៀមរាប(ចាស់) ដេីម្បីត្រៀមប្រកួតខ្លែងខ្មែរឯកខ្មែរ និងខ្លែងសេរីដែលនឹងប្រព្រឹត្តទៅរយៈពេលបីថ្ងៃ ចាប់ពីថ្ងៃទី២៧ ដល់ថ្ងៃទី២៩ ខែធ្នូ ឆ្នាំ២០២៤។
សូមបញ្ជាក់ថា ការប្រកួតខ្លែងឯកខ្មែរ និងខ្លែងសេរីនេះ ត្រូវពិនិត្យលេី បច្ចេកទេសហោះ ខ្ពស់ល្អ ខ្លែងអត់រេ សោភ័ណភាពខ្លែង និងការក្រវីឯក និងតម្រូវឱ្យមានគ្នា ៣នាក់ មានអ្នករត់ខ្សែ មានអ្នកកាន់កន្ទុយ និងកាន់ខ្លែង។
រដ្ឋបាលខេត្តសៀមរាប សូមអំពាវនាវដល់ភ្ញៀវទេសចរជាតិ អន្តរជាតិអញ្ជេីញចូលរួមឱ្យបានច្រេីនកុះករ។
