នាថ្ងៃទី២៧ ខែធ្នូ ឆ្នាំ២០២៤នេះ នៅបន្ទប់ប្រជុំធំសាលាខេត្តលោក សុខ ថុល អភិបាលរងខេត្តតំណាងឯកឧត្តម ប្រាក់ សោភ័ណ អភិបាល នៃគណៈអភិបាលខេត្តបានចូលរួមពិធីបេីកវគ្គបណ្តុះបណ្តាលស្តីពីកិច្ចការលេខាធិការដ្ឋានក្រុមការងាររាជរដ្ឋាភិបាលចុះមូលដ្ឋានដល់ក្រសួង ស្ថាប័ន រាជធានី ខេត្តក្រោមអធិបតីភាពឯកឧត្តម រាជ សុភទ្ទ រដ្ឋលេខាធិការក្រសួងមហាផ្ទៃ និងជាអនុប្រធានលេខាធិការដ្ឋានក្រុមការងាររាជរដ្ឋាភិបាលតំណាងឯកឧត្តម សក់ សេដ្ឋា ទេសរដ្ឋមន្ត្រីទទួលបេសកកម្មពិសេស និងជាប្រធានលេខាធិការដ្ឋានក្រុមការងាររាជរដ្ឋាភិបាល ដោយមានការចូលរួមពីឯកឧត្តម លោកជំទាវ លោក លោកស្រីតាតំណាងក្រសួង ស្ថាប័ន រាជធានី ខេត្តសរុប ១៥០រូប។
លោក សុខ ថុល អភិបាលរងខេត្តបានសម្តែងការស្វាគមន៍យ៉ាងកក់ក្តៅចំពោះវត្តមានដ៏ខ្ពស់ខ្ពស់ឯកឧត្តម រាជ សុភទ្ទ និងឯកឧត្តម លោកជំទាវ លោក លោកស្រីទាំងអស់ដែលបានអញ្ជេីញចូលរួមក្នុងវគ្គបណ្តុះបណ្តាលនេះ។ លោក បានបន្តថានៅក្នុងឆ្នាំ២០២៤ ក្នុងរយៈពេល១១ខែនេះ ខេត្តសៀមរាបទទួលបានភ្ញៀវទេសចរសរុបប្រមាណ ២ ៨៦៥ ៤៨៨ នាក់ កើនឡើងប្រមាណ ៣០% ក្នុងភ្ញៀវទេសចរជាតិមានចំនួនប្រមាណ ១ ៩៦៧ ១៥០នាក់ កើនឡើងប្រមាណ ៣០,៧៧% និងភ្ញៀវទេសចរអន្តរជាតិមានចំនួន ៨៩៨ ៣៣៩ នាក់ កើនឡើង ២៨,៣៣%។ រដ្ឋបាលខេត្តបានសហការជាមួយក្រសួង ស្ថាប័ន មន្ទីរ អង្គភាព ពាក់ព័ន្ធ និង សហភាពសព័ន្ធយុវជនកម្ពុជាបានរៀបចំព្រឹត្តការណ៍សំខាន់ៗ និង បុណ្យជាតិ កិច្ចប្រជុំ ថ្នាក់ជាតិ អន្តរជាតិជាច្រើនផងដែរ។
លោក បានបន្តថារដ្ឋបាលខេត្តបាននឹងកំពុងសិក្សាការរៀបចំអភិវឌ្ឍន៍តំបន់វត្តរាជបូណ៌ ទៅជាតំបន់ទេសចរវប្បធម៌ ប្រវត្តិសាស្ត្រ ប្រពៃណី និងពាណិជ្ជកម្ម ការកែលម្អស្ទឹងសៀមរាប ទៅជាតំបន់ទេសចរណ៍ថ្មីផ្សារភ្ជាប់ជាមួយផ្សារចុងសប្ដាហ៍ និងការរៀបចំវិថីម្ហូបអាហារ (Street Food) និងកំពុងដំឡើងកន្លែងបាញ់ទឹកតាមចង្វាក់ភ្លេងផងដែរផងដែរ។
ជាមួយគ្នានេះ វគ្គបណ្តុះបណ្តាលបានអនុវត្តទៅតាមកម្មវិធីដែលបានគ្រោងទុក ដោយមានការធ្វេីបទបង្ហាញចំនួន ៣ មានជាអាទិ៍ :-បទបង្ហាញលើប្រធានបទស្តីពីតួនាទី ភារកិច្ច និងរបៀបរបបការងាររបស់ក្រុមការងាររាជរដ្ឋាភិបាល ចុះមូលដ្ឋាន និងលេខាធិការដ្ឋានក្រុមការងាររាជរដ្ឋាភិបាលចុះមូលដ្ឋាន ដោយលោក ម៉ា និរិទ្ធ អនុប្រធានអង្គភាពតាមដាន ត្រួតពិនិត្យ និងវាយតម្លៃ-បទបង្ហាញលើប្រធានបទស្តីពីការរៀបចំវេទិកាសាធារណៈនៅមូលដ្ឋាន និងការត្រៀមរៀបចំ កិច្ចប្រជុំរបស់ក្រុមការងាររាជរដ្ឋាភិបាលចុះមូលដ្ឋាន ដោយលោក ម៉ា និរិទ្ធ-បទបង្ហាញលើប្រធានបទស្តីពីការរៀបចំរបាយការណ៍បូកសរុបលទ្ធផលការងារចុះមូលដ្ឋាន ដោយឯកឧត្តម យូ ម៉ានិត នាយករងខុទ្ទកាល័យប្រធានលេខាធិការដ្ឋាន ក.រ.ម និងជាប្រធាន អង្គភាពតាមដាន ត្រួតពិនិត្យ និងវាយតម្លៃបន្ទាប់ពីស្តាប់បទបង្ហាញ សមាជិក សមាជិកានៃវគ្គបានលេីកជាសំណួរពាក់ព័ន្ធ ការប្តូរសមាសភាពរាជរដ្ឋាភិបាលេីតាមរយៈនិងរបៀណា ការបូកសរុបរបាយការណ៍នូវតួលេខក្រមការងារចុះក្រុង ស្រុក និងទម្រង់របាយការណ៍ បញ្ហាប្រឈមដែលត្រូវដាក់ចូលទម្រង់ឧបសម្ព័ន្ធ។ ជាមួយនឹងបទបង្ហាញនេះ សមាជិក សមជិកាបានសួរនូវបញ្ហាមួយចំនួនដែលបានជួបប្រទះកន្លងមក ហេីយក្រមការងារក៏បានឆ្លេីយតបរាល់សំណួរដែលបានលេីកឡេីងផងដែរ។
