កំណាត់ផ្លូវជាច្រើនខ្សែទាំងផ្លូវជាតិ ផ្លូវខេត្តនិងផ្លូវលំនានានៅក្នុងខេត្តសៀមរាបល្អស្អាតបែបនេះ គឺក្រោមការយកចិត្តទុកដាក់ខ្ពស់ពីឯកឧត្តម ទៀ សីហា អភិបាលខេត្តបានជំរុញដល់មន្ទីរសាធារណការនិងដឹកជញ្ជូនខេត្តសៀមរាប និងអ្នកពាក់ព័ន្ធជាសេនាធិការ ដើម្បីធ្វើការជួសជុល ស្ថាបនា កៀរសម្រួល ជួសជុលជាប្រចាំ។ជាក់ស្តែងគិតមកដល់ពេលនេះ ក្រុមការងារនៃមន្ទីរសាធារណការ និងដឹកជញ្ជូនខេត្តសៀមរាប បានកំពង់ និងបន្តសកម្មភាពថែទាំផ្លូវ កៀរសម្រួល ជួសជុល និងថែទាំផ្លូវ មានដូចខាងក្រោម៖ 1-បានបន្តធ្វើការសម្អាតដី និងលាបថ្នាំឃើបឡើងវិញ ការងារថែទាំប្រចាំផ្លូវជាតិលេខ63 ចន្លោះគ.ម00 ដល់គ.ម01 ស្ថិតក្នុងសង្កាត់ស្វាយដង្គុំ ក្រុងសៀមរាប។2-បានធ្វើការភ្ជួរ និងកៀរកិនបង្ហាប់ដីល្បាយថ្ម ការងារថែទាំប្រចាំផ្លូវខេត្តលេខ2676 ស្ថិតក្នុងភូមិអន្លង់ត្បាល់ ឃុំកន្ទួត ស្រុកស្វាយលើ។3-បានបន្តធ្វើការភ្ជួរ និងកៀរកិនបង្ហាប់ដីល្បាយថ្ម ការងារថែទាំប្រចាំផ្លូវខេត្តលេខ2644 ស្ថិតក្នុងភូមិចាន់ហៀរ ឃុំបេងមាលា ស្រុកស្វាយលើ។4-បានបន្តធ្វើការជួសជុលស្នាមប្រេះលើផ្លូវ ការងារថែទាំប្រចាំផ្លូវខេត្តលេខ265B ចន្លោះគ.ម08 ដល់គ.ម09 ស្ថិតក្នុងភូមិចែកខ្សាច់ ឃុំអន្លង់សំណរ ស្រុកជីក្រែង។5-បានបន្តធ្វើការភ្ជួរ កៀរកិនបង្ហាប់ដីល្បាយថ្ម ការងារថែទាំប្រចាំផ្លូវខេត្តលេខ265A ស្ថិតក្នុងភូមិគោក ឃុំជីក្រែង ស្រុកជីក្រែង។6-បានបន្តធ្វើការជួសជុលសំបុកមាន់ និងស្នាមប្រេះលើផ្លូវ ការងារថែទាំប្រចាំផ្លូវជាតិលេខ67 ចន្លោះគ.ម27 ដល់គ.ម28 ស្ថិតក្នុងស្រុកបន្ទាយស្រី។7-បានបញ្ចប់ការងារគូសគំនូសសញ្ញាចរាចរណ៍ និងរៀបដុំបេតុងចែកទ្រូងផ្លូវ លើកំណាត់ផ្លូវសម្តេចវិបុលបញ្ញា សុខ អាន ស្ថិតក្នុងភូមិទ្រាំង សង្កាត់ស្លក្រាម ក្រុងសៀមរាប៕