នៅថ្ងៃអង្គារ ទី២៥ ខែមីនា ឆ្នាំ២០២៥ នៅបន្ទប់ប្រជុំលេខ០១ សាលាខេត្ត លោក ស៊ុន ចំណាន នាយករងរដ្ឋបាលសាលាខេត្តតំណាងរដ្ឋបាលខេត្តបានជួបសំណេះសំណាល និងរៀបចំធ្វេីបទឧទ្ទេសនាមស្តីពីការគ្រប់គ្រងរដ្ឋបាលខេត្ត និងសក្តានុពលវិនិយោគខេត្តសៀមរាប ដល់ប្រតិភូនិស្សិតសាលាពហុបច្ចេកទេស TEMASEK នៃប្រទេសសិង្ហបុរី ដឹកនាំដោយលោក Desmond Lim នាយករងសាលាពហុបច្ចេកទេស TEMASEK នៃប្រទេសសិង្ហបុរី។
បន្ទាប់ពីធ្វេីបទបង្ហាញរបស់រដ្ឋបាលខេត្តចំនួនពីររួចមក ប្រតិភូនិស្សិតសាលាបានលេីកឡេីងនូវសំណួរដែលពាក់ព័ន្ធនឹងការគ្រប់គ្រងរដ្ឋបាល ការងារអប់រំ និងការងារទីក្រុងឆ្លាតវៃ ដេីម្បីជាការដកពិសោធន៍នាថ្ងៃក្រោយ។
លោក នាយករងសាលាពហុបច្ចេកទេស TEMASEK នៃប្រទេសសិង្ហបុរី បានថ្លែងអំណរគុណចំពោះការទទួលស្វាគមន៍យ៉ាងកក់ក្តៅ និងបានធ្វេីបទបង្ហាញនាពេលនេះ។ ក្នុងឱកាសបំពេញទស្សនកិច្ចសិក្សានេះ ប្រតិភូក៏បានទៅទស្សនាសាលារៀននៅឃុំជប់តាត្រា ស្រុកអង្គរធំ ហេីយក៏បានផ្តល់អំណោយដោយឧបត្ថម្ភអគារសិក្សាមួយខ្នង ពីរបន្ទប់ ដេីម្បីឱ្យសិស្សានុសិស្សនៅទីនោះ។ ឆ្លៀតក្នុងឱកាសចុះសិក្សានេះ លោក និងប្រតិភូបានចូលទស្សនាប្រាសាទអង្គវត្ត ហេីយប្រតិភូទាំងអស់បានស្ញប់ស្ងែងយ៉ាងខ្លាំងចំពោះប្រាសាទអង្គវត្តរបស់យេីងផងដែរ។
លោក នាយករងរដ្ឋបាល បានថ្លែងអំណរគុណចំពោះប្រតិភូសាលាពហុបច្ចេកទេស TEMASEK នៃប្រទេសសិង្ហបុរី ដែលបានចុះទស្សនកិច្ចសិក្សានាពេលនេះ។ លោក នាយករងរដ្ឋបាលឆ្លេីយតបទៅនឹងការលេីកឡេីងរបស់ប្រតិភូ ដោយបច្ចុប្បន្ននៅកម្ពុជាបាននឹងកំពុងកំណែទម្រង់ និងប្រតិភូនូវមុខងារដល់រដ្ឋបាលថ្នាក់ក្រោមជាតិ ពិសេសសុខាភិបាល និងវិស័យអប់រំ។ ចំពោះការទប់ស្កាត់នូវបរិបទកូវីដ-១៩ អាជ្ញាធរខេត្តបានធ្វេីការបិទខ្ទប់នៅតាមតំបន់ ពិសេសការយកអ្នកឆ្លងទៅព្យាបាលទាន់ពេលវេលា។ ដោយការលេីកឡេីងអំពីភាពអស្ចារ្យនៃប្រាសាទអង្គរវត្ត លោក បានស្នេីដល់ប្រតិភូជួយផ្សព្វផ្សាយនូវតំបន់ទេសចរណ៍របស់ខេត្តសៀមរាបទៅដល់ប្រជាជន និងប្រទេសហិង្ហបុរីឱ្យមកទស្សនានូវប្រាង្គប្រាសាទរបស់កម្ពុជា។
