រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ក្របខ័ណ្ឌអភិវឌ្ឍន៍ខេត្ត

ដោយ Thap Kakadaចំនួនទស្សនា (746)

ទិដ្ឋភាពទូទៅ

ខេត្ដសៀមរាប ជាខេត្ដមួយក្នុងចំណោមរាជធានី ខេត្ដទាំង ២៥ នៃព្រះរាជាណាចក្រកម្ពុជា មានព្រំប្រទល់ ខាងជើង ជាប់នឹងខេត្ដឧត្ដរមានជ័យនិងព្រះវិហារ ខាងត្បូងជាប់នឹងខេត្ដបាត់ដំបងនិងបឹងទន្លេសាប ខាងលិចជាប់នឹង ខេត្ដបន្ទាយមានជ័យ និងខាងកើតជាប់នឹងខេត្ដកំពង់ធំនិងព្រះវិហារ មានចំងាយប្រមាណ ៣១៤គីឡូម៉ែត្រ ពីរាជធានី ភ្នំពេញតាមបណ្តោយផ្លូវជាតិលេខ៦។

ខេត្តសៀមរាប មាន៖

– ផ្ទៃដីសរុបប្រមាណ១០.២៩៩,៤៣ គីឡូម៉ែត្រក្រឡា

– ស្រុកមានចំនួន ១២  និងក្រុង ១ ឃុំចំនួន ៨៧ សង្កាត់ ១៣ និងភូមិចំនួន ៨៧៦ (គិតត្រឹមឆ្នាំ២០១៩)

– ចំនួនគ្រួសារ ២៣២.២២០ គ្រួសារ

– ប្រជាពលរដ្ឋសរុប ១ ០៩៦ ២៤៨នាក់ ស្រ្តី ៥៥៦ ០៧២នាក់

– កម្លាំងពលកម្មជាសក្តានុពលចាប់ពីអាយុ ១៨-៣៥ ឆ្នាំមានចំនួន ៦៥៩ ៤៧៥នាក់ ស្រី ៣៣៨ ៣១៣នាក់

– កំណើនប្រជាពលរដ្ឋប្រចាំឆ្នាំ ១,៦៩% ដង់ស៊ីតេ ១០៦,៤៣នាក់/គីឡូម៉ែត្រការ៉េ

– ប្រជាពលរដ្ឋប្រកបរបរកសិកម្ម ទេសចរណ៍

– កម្ពស់ទឹកភ្លៀងជាមធ្យម ១០៩០,៨១ មម/១ឆ្នាំ

– អាកាសធាតុ   ២៣ – ៣៩ អង្សាសេ

ចក្ខុវិស័យ

រដ្ឋបាលខេត្តចូលរួមយ៉ាងសកម្មក្នុងការអនុវត្តនូវគោលនយោបាយរបស់រាជរដ្ឋាភិបាលកម្ពុជាសំដៅកាត់បន្ថយភាពក្រីក្រ​ ​តាមរយៈការបង្កើនគុណភាព​ ​និងប្រសិទ្ធភាពនៃការផ្តល់សេវាសាធារណៈ​ ​ពង្រឹងការអនុវត្តច្បាប់​ ​និងលិខិតបទដ្ឋាននានា​ ​ព្រមទាំងថែរក្សា​ឱ្យ​បាននូវសម្បត្តិវប្បធម៌​ ​និងប្រពៃណីរបស់ជាតិ​ ​

ទិដ្ឋភាពទូទៅគោលបំណងអភិវឌ្ឍន៍

រដ្ឋបាល​ខេត្ត​សៀមរាប​ ​ត្រូវ​យកចិត្តទុកដាក់​ជា​ចម្បង​លើ​វិ​ស​័​យ​ ​និង​សកម្មភាព​ជា​អាទិភាព​ ​ដែល​រួម​មាន​តាម​ផ្នែក​ដូច​ខាងក្រោម​៖​

  • ផ្នែកសេដ្ឋកិច្ច ខេត្តនឹងជំរុញ​ផលិតភាព​ដំណាំ​កសិកម្ម​មានការ​វិវឌ្ឍ​ន៍​កើន​ឡើង​ ជំរុញ​ផលិតកម្ម​សត្វ​របស់​ប្រជាកសិករ​ ​អោយ​មានការ​កើន​ឡើង​អាច​ធានា​ការ​ផ្គត់ផ្គង់​ទី​ផ្សារ​ ទប់​ស្កាត់​ការ​ផ្ទុះ​ជំងឺ​ឡើង​លើ​សត្វ​ចិញ្ចឹម​បណ្តា​មកពី​អាកាសធាតុ​ប្រែប្រួល​ ផលិតផល​ដែល​ផលិត​ក្នុង​ខេត្ត​មិន​មានការ​ប្រកួត​ ​ប្រជែង​ជាមួយ​ផលិតផល​នាំចូល​ បង្កើន​សេដ្ឋកិច្ច​គ្រួសារ​តាមរយៈ​ប្រកបរបរ​ ​អាជីវកម្ម​ខ្នាត​តូច​ ​និង​ការ​បណ្តុះបណ្តាល​ជំនាញ​វិជ្ជាជីវៈ​ កែ​លម្អ​ហេ​ដ្ឋា​រចនា​ស​ម្ព័ន្ធ​ផ្លូវ​-​ថ្នល់​ឲ្យបាន​សមស្រប​។
  • ផ្នែក​សង្គមកិច្ច​ ពង្រឹង​ ​និង​ពង្រីក​គុណភាព​អប់រំ​ចំណេះ​ដឹង​ទូទៅ​ ​និង​ការ​បណ្តុះបណ្តាល​វិជ្ជាជីវៈ​លើក​ក​ម្ពស់​គុណភាព​ ​ប្រសិទ្ធ​ភាព​ ​និង​សមធម៌​នៃ​សេវា​សុខាភិបាល​ លើក​ក​ម្ពស់​សិទ្ធិ​កុមារ​ ​សិទ្ធិ​ជន​ពិការ​ ​និង​សិទ្ធិ​ប្រជាពលរដ្ឋ​ទូទៅ​ ពង្រឹងការលើកកម្ពស់តម្លៃវប្បធម៌ និងសីលធម៌ក្នុងសង្គមអោយប្រសើរឡើង
  • ផ្នែក​គ្រប់គ្រង​ដីធ្លី​ ​ធនធានធម្មជាតិ​ ​បរិស្ថាន​ ​ការ​ប្រែប្រួល​អាកាសធាតុ​ ​និង​គ្រោះ​មហន្តរាយ​ ពង្រឹង​ច្បាប់​ភូមិបាល​ ​និង​ជំរុញ​ការ​ចុះបញ្ជី​ដីធ្លី​ជា​លក្ខណៈ​ប្រព័ន្ធ​ជូន​ប្រជាពលរដ្ឋ​ ​និង​ទប់​ស្កាត់​ការ​សាងសង់​សំណង់​ខុសច្បាប់​ លើក​ក​ម្ពស់​ការ​គ្រប់គ្រង​ ​ថែទាំ​ ​និង​ទប់​ស្កាត់​បទល្មើស​ធនធានធម្មជាតិ​ ​បង្កើន​ការ​យកចិត្តទុកដាក់​ក្នុង​ការ​ទប់​ស្កាត់​ ​និង​លុបបំបាត់​ការ​ធ្វើអាជីវកម្ម​រ៉ែ​ ​និង​ថាមពល​ផ្សេងៗ​ ​បង្កើន​ការ​គ្រប់គ្រង​សំណល់​រឹង​ ​រាវ​ ​និង​ការ​បំពុល​បរិស្ថាន​។
  • ផ្នែក​រដ្ឋបាល​ ​និង​សន្តិសុខ​សណ្តាប់ធ្នាប់​សាធារណៈ ​ពង្រឹង​ការ​អនុវត្ត​គោល​ការ​អភិបាល​កិច្ច​ល្អ​របស់​រដ្ឋបាល​ខេត្ត​ ពង្រឹង​ការ​អនុវត្ត​ច្បាប់​ ​និង​លិខិត​បទដ្ឋាន​គតិយុត្ត​នានា បន្ត​ថែរក្សា​ ​និង​ពង្រឹង​បន្ថែម​លើ​ការងារ​សន្តិសុខ​ ​សណ្តាប់ធ្នាប់​សាធារណៈ​ ​និង​ថែរក្សា​សុខ​សុវត្ថិភាព​ជូន​ដល់​ប្រជាពលរដ្ឋ បន្ត​ការ​បោស​ស​ម្អា​ត​មីន​ ​និង​យុទ្ធ​ភ័ណ្ឌ​មិនទាន់​ផ្ទុះ​ និងរៀបចំ​សោភ័ណ​ភាព​ ​និង​សុវត្ថិភាព​ក្នុង​ទីក្រុង​តាមរយៈ​ការ​អនុវត្ត​នូវ​ផែនការ​មេ​ទីក្រុង​ឆ្លាតវៃ​។​

យុទ្ធសាស្ត្រអភិវឌ្ឍន៍

  • ខេត្តយកចិត្តទុកដាក់ស្តារ និងអភិវឌ្ឍហេដ្ឋារចនាសម្ព័ន្ធផ្លូវថ្នល់ លើកស្ទួយវិស័យកសិកម្ម កសិ-ឧស្សាហកម្ម ការចិញ្ចឹមសត្វ វារីវប្បកម្ម ទេសចរណ៍ សេវាកម្ម លើកទឹកចិត្ត និងទាក់ទាញអ្នកវិនិយោគឯកជនដែលជាដៃគូរអភិវឌ្ឍន៍ដ៏សំខាន់ឱ្យមកវិនិយោគនៅក្នុងខេត្ត។
  • លើកកម្ពស់សេវាសុខាភិបាល អប់រំចំណេះដឹងទូទៅ អប់រំកាយនិងកីឡា គាំទ្រយ៉ាងសកម្មទាន់ពេលវេលាចំពោះជនងាយរងគ្រោះ និងពង្រឹងការប្រតិបត្តិ ព្រះពុទ្ធសាសនា និងពាហិរសានាឱ្យស្របតាមវិន័យសាសនារៀងៗខ្លួន។
  • យកចិត្តទុកដាក់រៀបចំប្លង់គោលប្រើប្រាស់ដីធ្លីឱ្យបានច្បាស់លាស់នៅទូទាំងខេត្ត ពង្រឹងការគ្រប់គ្រងការសាងសង់នូវសំណង់ផ្សេងៗឱ្យបានម៉ឺងម៉ាត់ ពង្រឹងការអនុវត្តវិធានការណ៍ក្នុងការការពារធនធានព្រៃឈើ និងធម្មជាតិដទៃទៀត ជំរុញការដាំដុះព្រៃឈើឡើងវិញ ទប់ស្កាត់សកម្មភាពដែលនាំដល់ការបំពុលបរិស្ថាននានា និងជំរុញសកម្មភាពបោសសម្អាតមីន និងយុទ្ធភ័ណ្ណមិនទាន់ផ្ទុះដែលកប់ក្នុងដី។
  • យកចិត្តទុកដាក់កែទម្រង់ប្រព័ន្ធរដ្ឋបាលសាធារណៈកាន់តែមានភាពងាយស្រួល លើកកម្ពស់ការយកចិត្តទុកដាក់ពីសុវត្ថិភាព ផាសុខភាព ការលើកទឹកចិត្ត និងវិន័យការងារមន្រ្តីរាជការនៅទូទាំងខេត្ត និងមានវិធានការណ៍ច្បាស់លាស់ក្នុងការបង្ការទប់ស្កាត់ និងបង្រ្កាបរាល់បទល្មើសនានាដែលកើតមានឡើងក្នុងខេត្តទាន់ពេលវេលា ស្នើភាព និងតម្លាភាព។

បទយកការណ៏សង្ខេប

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 3 ថ្ងៃមុន