រដ្ឋបាលខេត្តសៀមរាប

Siemreap Administration
ស្វែងរក

ព្រឹត្តិការណ៍ ជំនួបម៉ូតូ និងយានយន្ត ក្លាយជាទេសចរណ៍ថ្មីដ៏ទាក់ទាញនៅកម្ពុជា

  • 13
  • ដោយ vannak

នៅក្នុងសកម្មភាពការប្រកួតប្រណាំងរថយន្ត និង ម៉ូតូ នៅរសៀលថ្ងៃទី ២៦ ខែឧសភា ឆ្នាំ២០២៤ នៅអាកាស យានដ្ឋានអន្តរជាតិសៀមរាបចាស់ ឯកឧត្តម គុជ បញ្ញាសា រដ្ឋលេខាធិការ ក្រសួងទេសចរណ៍និងលោកជំទាវ និងលោក សំកុល សុចិត្រា អភិបាលរងខត្តតំណាងឯកឧត្តម ប្រាក់ សោភ័ណ អភិបាល នៃគណៈអភិបាលខេត្ត ចូលរួមក្នុងការប្រកួតរថយន្តនិងម៉ូតូ នៃព្រឹត្តិការណ៍ ជំនួបម៉ូតូនិងយានយន្ត ក្រោមប្រធានបទ (ជំនួបយានយន្ត ជម្រុញទេសចរណ៍) ។ លោក សំកុល សុចិត្រា ក៏បានលើកឡើងដែរថា ការផ្តួចផ្តើមរៀបចំ កម្មវិធី ជំនួបម៉ូតូនិងយាយន្ត(CAR and BIKE Festival) ក្នុងគោលបំណងជំរុញការផ្សព្វផ្សាយវិស័យទេសចរណ៍កម្ពុជា ហើយក៏ជាឱកាសដ៏ល្អ ដើម្បីជួយបង្កើនការផ្សព្វផ្សាយពីសក្តានុពលទេសចរណ៍សម្រាប់ខេត្តសៀមរាប នៅក្នុងដំណាក់កាល នៃការស្តារនិងលើកស្ទួយវិស័យទេសចរណ៍កម្ពុជា ក្រោមប្រធានបទ “ជំនួបយានយន្ត ជំរុញទេសចរណ៍។ លោកបន្តថា ស្របតាមអនុសាសន៍ដឹកនាំដ៏ខ្ពង់ខ្ពស់របស់ សម្តេចបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា រាជរដ្ឋាភិបាលកម្ពុដឹក បានដាក់ចេញនូវកម្មវិធី “ទស្សនាសៀមរាប ឆ្នាំ២០២៤” ដើម្បីចូលរួមស្តារ និងលើក ស្ទួយវិស័យទេសចរណ៍ក្នុងខេត្តនេះឱ្យមានសន្ទុះឡើងវិញ។ ឯកឧត្តម ទៀ ស្យាម អនុប្រធានសហព័ន្ធកីឡាយានយន្តកម្ពុជា បានមានប្រសាសន៍ថា ក្រៅពីការទាក់ទាញអ្នកទេសចរណ៍ ការរៀបចំព្រឹត្តការណ៍នេះ ក៏មានគោលបំណងចង់ឱ្យអ្នកដែលស្រលាញ់យានយន្តឱ្យពួកគាត់ប្រឹងប្រែងហ្វឹកហ្វឺនខ្លួនឱ្យទៅជាកីឡាករក្នុងទីលាន ជាជាងការលេងនៅលើដងផ្លូវសាធារណៈដែលនាំមកនូវភាពរំខាន និងគ្រោះថ្នាក់ដល់អ្នកដទៃ។ ឯកឧត្តមបានបន្តថា(ការលេងយានយន្តនៅលើទីលាន វាបានផ្តល់នូវកិត្តិយស ដូច្នេះយើងគួរធ្វើខ្លួនក្លាយជាកីឡាករ) មានអាជីព ដោយបានឆ្លងកាត់កាបង្វឹក បង្រៀនពីគ្រូទៀតផង ។ ឯកឧត្តម ក៏បានសាទរផងដែរ ចំពោះបងប្អូនប្រជាពលរដ្ឋខ្មែរ និង ភ្ញៀវទេសចរអន្តរជាតិ បានចូលមកទស្សនា ក្នុងការប្រកួតរថយន្តនិងម៉ូតូ នៃព្រឹត្តិការណ៍ ជំនួបម៉ូតូនិងយានយន្ត ក្រោមប្រធានបទ (ជំនួបយានយន្ត ជម្រុញទេសចរណ៍)នាពេលនេះ បានបង្ហាញអំពីការបង្កើតនូវកញ្ចប់ផលិតផលទេសចរណ៍ថ្មីសម្រាប់ទាក់ទាញទាំងអ្នកទេសចរបរទេស និង ទេសចរក្នុងស្រុកចូលមកខេត្តសៀមរាប ស្របតាមអនុសាសន៍ដឹកនាំដ៏ខ្ពង់ខ្ពស់របស់ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា រាជរដ្ឋាភិបាលកម្ពុជា បានដាក់ចេញនូវកម្មវិធី (ទស្សនាសៀមរាបឆ្នាំ២០២៤) ដើម្បីចូលរួមស្តារ និងលើកស្ទួយវិស័យទេសចរណ៍ក្នុងខេត្តនេះឲ្យមានសន្ទុះឡើងវិញ។ ឯកឧត្តម ទៀ ស្យាម ក៏បានសំណូមពរដល់ប្រជាពលរដ្ឋកម្ពុជា សូមចូលរួមជំរុញវិស័យកីឡានៅកម្ពុជាឱ្យកាន់តែមានសន្ទុះឡើង សំខាន់វិស័យកីឡាដ៏ទំនើបនេះ នៅកម្ពុជាយើងមិនទាន់មានភាពរីកចម្រើននៅឡើយ ដូច្នេះចូលយើងគ្រប់គ្នាគាំទ្រវិស័យកីឡាយានយន្តនេះ ដើមី្បឲ្យកម្ពុជាយើង មានកីឡាករខ្លាំង ចូលរួមប្រកួតនៅថ្នាក់តំបន់ និង អន្តរជាតិ ក្នុងការលើកកម្ពស់កិត្តិយសប្រទេសជាតិយើង។ ក្នុងព្រឹត្តិការណ៍ជំនួបម៉ូតូនិងយានយន្តនេះ(CAR and BIKE Festival) នេះ គឺក្នុងគោលបំណងជម្រុញការផ្សព្វផ្សាយវិស័យ ទេសចរណ៍កម្ពុជា ហើយក៏ជាឱកាសដ៏ល្អ ដើម្បីជួយបង្កើនការផ្សព្វផ្សាយពីសក្តានុពលទេសចរណ៍សម្រាប់ខេត្តសៀមរាប នៅក្នុងដំណាក់កាល នៃការស្តារនិងលើកស្ទួយវិស័យទេសចរណ៍កម្ពុជា ក្រោមប្រធានបទ (ជំនួបយានយន្ត ជម្រុញទេសចរណ៍ ) ឲ្យកាន់តែមានការអភិវឌ្ឍរីកចម្រើនពីមួយឆ្នាំទៅមួយឆ្នាំ និងបានចូលរួមចំណែកលើកកម្ពស់ជីវភាពរស់នៅ និងកាត់បន្ថយភាពក្រីក្ររបស់ប្រជាពលរដ្ឋ បានយ៉ាងល្អប្រសើរ៕

អត្ថបទទាក់ទង