នៅព្រឹកថ្ងៃអង្គារ ១១រោច ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១៣ ខែតុលា ឆ្នាំ២០២០ លោក ង៉ាន់ ភិរុណ អភិបាលរងខេត្ត តំណាង ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប បានអញ្ជើញចូលរួមជាគណៈអធិបតីក្នុងពិធិបើកសិក្ខាសាលាពិគ្រោះយោបល់ស្តីពី «ការត្រួតពិនិត្យអំពីការចំណាយ លើផ្នែកជីវៈចម្រុះ និងការវាយតម្លៃតម្រូវការហិរញ្ញវត្ថុ» ក្រោមអធិបតីភាពឯកឧត្តម ទិន ពន្លក រដ្ឋលេខាធិការក្រសួងបរិស្ថាន និងជាប្រធានគណៈកម្មាធិការគ្រប់គ្រងគម្រោងគំនិតផ្តួចផ្តើមហិរញ្ញប្បទានជីវៈចម្រុះ (BIOFIN) និងមានការអញ្ជើញចូលរួមពី ឯកឧត្តម លោកជំទាវ លោក លោកស្រី ប្រតិភូអមដំណើរ លោកស្រី នាយករងកម្មវិធីអភិវឌ្ឍន៍សហប្រជាជាតិ (UNDP) ប្រចាំកម្ពុជា និងមន្រ្តីជំនាញពាក់ព័ន្ធនានា។ក្នុងសិក្ខាសាលានេះផងដែរ លោក ង៉ាន់ ភិរុណ អភិបាលរងខេត្ត បានលើកឡើងថា ខេត្តសៀមរាប ពិតជាមានមោទនភាពណាស់ ដែលរាជរដ្ឋាភិបាល បានបង្កើតតំបន់ការពារធម្មជាតិចំនួន ៨ កន្លែង គ្របដណ្តប់លើផ្ទៃដីសរុបប្រមាណ ២៣៣,៦៨៨ ហិកតា រួមមាន ឧទ្យានជាតិព្រះជ័យវរ្ម័ន-នរោត្តម (ភ្នំគូលែន) តំបន់ការពារទេសភាពអង្គរ ដែនជម្រកសត្វព្រៃគូលែនព្រហ្មទេព ដែនជម្រកសត្វព្រៃបឹងពែរ ដែនជម្រកសត្វព្រៃភ្នំត្នោត-ភ្នំពក តំបន់ប្រើប្រាស់ច្រើនយ៉ាងបឹងទន្លេសាប តំបន់ការពារទេសភាពទំនាបខាងជើងទន្លេសាប តំបន់ស្នូលបឹងទន្លេឆ្មារ និងរបៀងអភិរក្សជីវៈចម្រុះឧត្តរ។ ក្រៅពីនេះ ខេត្តសៀមរាបមានបឹងទន្លេសាប ដែលជាប្រភពត្រី និងទីជម្រកសត្វ បក្សីទឹក ព្រមទាំងជីវៈចម្រុះដ៏សម្បូរបែបជាច្រើនទៀត។ លើសពីនេះ ភ្នំគូលែន ដែលជាប្រភពទឹកស្អាតយ៉ាងសំខាន់ ក៏បានដើរ តួនាទីយ៉ាងសកម្មក្នុងការជួយទ្រទ្រង់ និងផ្គត់ផ្គង់ទឹកសម្រាប់ការប្រើប្រាស់ក្នុងខេត្តសៀមរាប បន្ថែមលើទឹកក្រោមដីផងដែរ។ ដោយយល់ឃើញពីគុណតម្លៃដ៏ថ្លៃថ្លា នៃធនធានធម្មជាតិ ជាពិសេសជីវៈចម្រុះ និងប្រព័ន្ធអេកូឡូស៊ី និងការចូលរួមចំណែក ដល់និរន្តរភាព នៃធនធានទាំងនេះ អាជ្ញាធរខេត្តសៀមរាប និងមន្ទីរជំនាញពាក់ព័ន្ធ បាននិងកំពុងសហការយ៉ាងជិតស្និទ្ធជាមួយក្រសួងបរិស្ថាន ក្រុមប្រឹក្សាជាតិអភិវឌ្ឍន៏ ដោយចីរភាព វិស័យឯកជន គ្រឹះស្ថានសិក្សា និងអង្គការដៃគូអភិវឌ្ឍន៍ជាតិ និងអន្តរជាតិនានា ក្នុងការរៀបចំផែនការសកម្មភាពសម្រាប់គ្រប់គ្រងតំបន់ទាំងនោះឱ្យមានប្រសិទ្ធភាពខ្ពស់ និងបានដាក់បញ្ចូលផែនការអភិរក្សជីវៈចម្រុះ និងប្រព័ន្ធ អេកូឡូស៊ីទៅក្នុងផែនការអភិវឌ្ឍន៍តាមវិស័យនានាផងដែរ។ ជាមួយគ្នានេះ លោក អភិបាលរងខេត្ត បានបន្ថែមថា គម្រោង BIOFIN (ប៊ៃអូហ្វីន) គឺជាគម្រោងមួយ ដែលទទួលបានការឧបត្ថម្ភពីទីភ្នាក់ងារន័រវែសសម្រាប់កិច្ចសហប្រតិបត្តិការអភិវឌ្ឍន៍ Norad (ណូរ៉េដ) តាមរយៈកម្មវិធីអភិវឌ្ឍន៍សហប្រជាជាតិ (UNDP) ដែលមានគោលបំណងជួយឲ្យប្រទេសកម្ពុជាបញ្ចប់នូវការរៀបចំ និងការអនុវត្តដំណោះស្រាយហិរញ្ញវត្ថុជាអត្ថិភាពរបស់ខ្លួន ខណៈដែលប្រទេសកម្ពុជា គឺជាប្រទេសមួយក្នុងចំណោមប្រទេសផ្សេងៗទៀត ដែលបានអនុវត្តការវាយតម្លៃបង្កើត និងអនុវត្តនូវផែនការហិរញ្ញវត្ថុជីវចម្រុះរបស់ខ្លួន៕
សិក្ខាសាលាពិគ្រោះយោបល់ស្តីពី «ការត្រួតពិនិត្យអំពីការចំណាយលើផ្នែកជីវៈចម្រុះ និងការវាយតម្លៃតម្រូវការហិរញ្ញវត្ថុ»
- 544
- ដោយ អ៊ុក ពិស្តារ
អត្ថបទទាក់ទង
-
សូមអបអរសាទរវិស័យអប់រំ នៃខេត្តសៀមរាបទទួលបានជ័យលាភី ក្នុងសន្និបាតក្រសួងអប់រំ យុវជន និងកីឡាឆ្នាំសិក្សា២០២២-២០២៣ និងលើកទិសដៅឆ្នាំសិក្សា២០២៣-២០២៤
- 544
- ដោយ vannak
-
កិច្ចប្រជុំ ស្តីពីការចុះពិនិត្យការអភិវឌ្ឍ និងការគ្រប់គ្រងនៅតាមបណ្តាមន្ទីរពេទ្យបង្អែកខេត្តសៀមរាប
- 544
- ដោយ vannak
-
វគ្គបណ្តុះបណ្តាលតម្រង់ទិសគ្រូបង្គោលថ្នាក់ជាតិ និងថ្នាក់រាជធានីខេត្ត សម្រាប់រៀបចំផ្សព្វផ្សាយច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម
- 544
- ដោយ vannak
-
សិក្ខាសាលាផ្សព្វផ្សាយផលិតផលឥណទាន (កម្ចី) ដល់សមាជិកសហគមន៍ គម្រោងប្រកួតប្រជែងខ្សែច្រវាក់តម្លៃ និងលើកកម្ពស់សុវត្ថិភាពកសិកម្ម
- 544
- ដោយ vannak
-
សិក្ខាសាលាផ្សព្វផ្សាយស្តីពី “ពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ ពន្ធលើអចលនទ្រព្យ ពន្ធលើដីធ្លីមិនបានប្រើប្រាស់ និងពន្ធលើចំណេញមូលធន”
- 544
- ដោយ vannak
-
រដ្ឋបាលខេត្តសៀមរាប សូមជូនដំណឹងដល់បណ្តាក្រុមហ៊ុន/សហគ្រាស (គិតទាំងសហគ្រាសឯកត្តបុគ្គល) ទាំងអស់ ដែលបានចុះបញ្ជីត្រឹមត្រូវក្នុងព្រះរាជាណាចក្រកម្ពុជា ឱ្យបានជ្រាបថា រដ្ឋបាលខេត្តសៀមរាប មានធ្វើការ ដេញថ្លៃជាសាធារណៈ ជូនរដ្ឋបាលខេត្តសៀមរាប លើការផ្គត់ផ្គង់ទំនិញ ឆ្នាំ២០២៤។ ព័ត៌មានលម្អិតសូមអានសេចក្តីជូនដំណឹងដូចខាងក្រោម៖
- 544
- ដោយ vannak
-
រដ្ឋបាលខេត្តសូមជូនដំណឹង ស្តីពីការរៀបចំពិធីបុណ្យចូលឆ្នាំថ្មីប្រពៃណីជាតិ “សៀមរាបសង្ក្រាន្ត” ព.ស២៥៦៧-២៥៦៨ គ.ស២០២៤រយៈពេល ៤ថ្ងៃ ចាប់ពីថ្ងៃទី១៣ ដល់ ថ្ងៃទី១៦ ខែមេសា ឆ្នាំ២០២៤ នៅសួនច្បារព្រះរាជដំណាក់ខេត្តសៀមរាប និងនៅសងខាងដងស្ទឹងសៀមរាប ចាប់ពីស្ពានអតីតមន្ទីរទេសចរណ៍ខេត្ត រហូតដល់ស្ពានវត្តដំណាក់។
- 544
- ដោយ vannak
-
រដ្ឋបាលខេត្តនិងសហភាពសហព័ន្ធយុវជនកម្ពុជាខេត្តសៀមរាបក្រុងពលីបួងសួងសុំសេចក្តីសុខ ដេីម្បីរៀបចំព្រឹត្តិការណ៍សៀមរាបសង្ក្រាន្ត
- 544
- ដោយ vannak
-
មន្ទីរវប្បធម៌ និងវិចិត្រសិល្បៈរៀបចំទិវាវប្បធម៌ជាតិ ៣មីនា លើកទី២៦ ឆ្នាំ២០២៤ ក្រោមប្រធានបទ «យុវជន ដើម្បីវប្បធម៌ជាតិ»
- 544
- ដោយ vannak
-
ពិធីបិទការបោះជំរុំអាស៊ាន កម្ពុជា ថៃ និងម៉ាឡេស៊ី របស់សមាគមទ្រទ្រង់ព្រះធម៌កម្ពុជា
- 544
- ដោយ vannak