នាព្រឹកថ្ងៃទី១៩ ខែតុលា ឆ្នាំ២០២០នេះ ឯកឧត្តម ទៀ សីហា អភិបាល នៃគណៈអភិបាលខេត្តសៀមរាបបានអនុញ្ញាតឲ្យក្រុមការងារសភាពាណិជ្ជកម្មកម្ពុជា និងសភាពាណិជ្ជកម្មមណ្ឌលសៀមរាប ឧត្តរមានជ័យ ដែលដឹកនាំដោយលោកឧកញ៉ា ហ៊ុយ ភៀវ ជួបសម្តែងការគួរសម និងសុំអនុសាសន៍គន្លឹះខ្លះៗ ដើម្បីដាក់បញ្ជូលទៅក្នុងសៀវភៅមគ្គុទ្ទេសក៍វិនិយោគខេត្តសៀមរាប ឧត្តរមានជ័យ។ ជាមួយគ្នានេះ សភាភាពាណិជ្ជកម្មកម្ពុជា សហការជាមួយសភាពាណិជ្ជកម្មមណ្ឌលសៀមរាប ឧត្តរមានជ័យបានធ្វើបទបង្ហាញជូនអង្គប្រជុំ ដើម្បីសុំការជួយពិនិត្យ និងផ្តល់យោបល់បន្ថែមមុននឹងធ្វើការបោះពុម្ពសៀវភៅនេះ ដើម្បីធ្វើការផ្សព្វផ្សាយអំពីសក្តានុពលវិនិយោគនៅក្នុងខេត្តទាំងពីរនេះ ហើយនឹងធ្វើការចងក្រងជា២ភាសា គឺភាសាខ្មែរ និងភាសាអង់គ្លេសបន្ទាប់ពីបានការគាំទ្រពីអង្គប្រជុំ។នៅក្នុងជំនួបពិភាក្សានេះដែរឯកឧត្តម ទៀ សីហា បានមានប្រសាសន៍លើកឡើងថា ការរៀបចំចងក្រងសៀវភៅមគ្គុទ្ទេសក៍ វិនិយោគខេត្តសៀមរាប ឧត្តរមានជ័យ ជាជំហានថ្មីមួយ ដែលនឹងនាំឲ្យទាំងអ្នកវិនិយោគបរទេស និងវិនិយោគក្នុងស្រុក បានដឹងអំពីសក្តានុពលរបស់ខេត្ត។ ឯកឧត្តមបន្តថា ខេត្តសៀមរាប ជាខេត្តដែលមានសក្តានុពលខ្លាំងលើវិស័យទេសចរណ៍ ដូច្នេះការបោះពុម្ពសៀវភៅមគ្គុទ្ទេសក៍វិនិយោគនេះ គួររំលេចឲ្យបានច្រើនអំពីវិស័យនានាដែលផ្សាភ្ជាប់ជាមួយវិស័យទេសចរណ៍។ ក្នុងនោះដែរឯកឧត្តមអភិបាលខេត្ត ក៏បានលើកនូវគន្លឹះល្អៗមួយចំនួន ធ្វើជាមូលដ្ឋានគ្រឹះក្នុងការចងក្រសៀវភៅនេះឡើង ឲ្យប្រកបទៅដោយស៊ីជម្រៅក្នុងវិស័យពាណិជ្ជកម្ម និង វិនិយោគនៅខេត្តទាំងពីរ ដើមី្បផ្តល់ផលប្រយោជន៍ដល់ប្រជាកសិករខ្មែរយើង ហើយឯកឧត្តមសូមធ្វើការគាំទ្រទាំងស្រុងផងដែរ។ក្នុងនាមអនុប្រធានសភាពាណិជ្ជកម្មកម្ពុជា និង ជាប្រធានសភាពាណិជ្ជកម្មមណ្ឌលសៀមរាប ឧត្តរមានជ័យ លោកឧកញ៉ាហ៊ុយ ភៀវ បានថ្លែងថា សៀវភៅមគ្គុទេសក៍វិនិយោគខេត្តសៀមរាប-ឧត្តរមានជ័យនឹងជួយផ្សព្វផ្សាយអំពីសក្តានុពលដល់អ្នកវិនិយោគ អំពីចំនុចសំខាន់ដែលខេត្តទាំងពីរមាន ដើម្បីទាក់ទាញការចាប់អារម្មណ៍បណ្តាក់ទុនវិនិយោគបន្ថែមបង្កើនកំលាំងសេដ្ឋកិច្ច និងជីវភាពប្រជាជនយើង ។ លោកឧកញ៉ា បន្តថាសម្រាប់ខេត្តសៀមរាប វិស័យទេសចរណ៍ និងវិស័យកសិកម្ម បានដើរតួយ៉ាងចម្បងសម្រាប់សេដ្ឋកិច្ចក្នុងខេត្តសៀមរាប។ ប៉ុន្តែការចងក្រងឯកសារ សម្រាប់ការផ្សព្វផ្សាយ ឬទិន្នន័យជាក់លាក់អំពីសក្តានុពលខេត្ត ហាក់នៅមានចំនួនតិចនៅឡើយ ហើយជួនកាល យើងពិបាកស្វែងរកព័ត៌មានទាំងអស់នោះដែរ ដើម្បីផ្សព្វផ្សាយ ដល់អ្នកវិនិយោគក្រៅប្រទេស ។សភាពាណិជ្ជកម្មកម្ពុជា ដែលដឹកនាំដោយអ្នកឧកញ៉ា គិត ម៉េង បានបោះមួយជំហានទៅមុខបន្ថែមទៀត ដោយបានបង្កើតឲ្យមានការរៀបរៀង នូវសៀវភៅមគ្គុទេសក៍វិនិយោគនៅតាមបណ្តាខេត្តនានាក្នុងប្រទេសកម្ពុជា។ ការបោះជំហានថ្មីនេះ ត្រូវបានគេរំពឹងថា ជាកម្លាំងចលករថ្មីមួយក្នុងការទាក់ទាញអ្នកវិនិយោគថ្មីៗទាំងក្នុងនិងក្រៅប្រទេស ។ គោលដៅចម្បងនៃការរៀបរៀង និងបោះផ្សាយសៀវភៅ មគ្គុទ្ទេសក៍វិនិយោគនេះឡើង គឺដើម្បីទុកជាឯកសារគោលសម្រាប់វិនិយោគិន និងធុរជនទាំងក្នុងនិងក្រៅប្រទេសដែលមានបំណង ប្រកបអាជីវកម្មនៅខេត្តសៀមរាប ឬឧត្តរមានជ័យ បានធ្វើការសិក្សាស្រាវជ្រាវអំពីវិស័យសក្តានុពល ក៏ដូចជាស្វែងរកដៃគូ វិនិយោគផងដែរ៕
សៀវភៅមគ្គុទេ្ទសក៍វិនិយោគខេត្តសៀមរាប ឧត្តរមានជ័យ នឹងបង្ហាញពីសក្តានុពល ដើម្បីឲ្យអ្នកវិនិយោគបោះទុកវិនិយោគថ្មីៗបន្ថែមទៀត
- 687
- ដោយ អ៊ុក ពិស្តារ
អត្ថបទទាក់ទង
-
សូមអបអរសាទរវិស័យអប់រំ នៃខេត្តសៀមរាបទទួលបានជ័យលាភី ក្នុងសន្និបាតក្រសួងអប់រំ យុវជន និងកីឡាឆ្នាំសិក្សា២០២២-២០២៣ និងលើកទិសដៅឆ្នាំសិក្សា២០២៣-២០២៤
- 687
- ដោយ vannak
-
កិច្ចប្រជុំ ស្តីពីការចុះពិនិត្យការអភិវឌ្ឍ និងការគ្រប់គ្រងនៅតាមបណ្តាមន្ទីរពេទ្យបង្អែកខេត្តសៀមរាប
- 687
- ដោយ vannak
-
វគ្គបណ្តុះបណ្តាលតម្រង់ទិសគ្រូបង្គោលថ្នាក់ជាតិ និងថ្នាក់រាជធានីខេត្ត សម្រាប់រៀបចំផ្សព្វផ្សាយច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម
- 687
- ដោយ vannak
-
សិក្ខាសាលាផ្សព្វផ្សាយផលិតផលឥណទាន (កម្ចី) ដល់សមាជិកសហគមន៍ គម្រោងប្រកួតប្រជែងខ្សែច្រវាក់តម្លៃ និងលើកកម្ពស់សុវត្ថិភាពកសិកម្ម
- 687
- ដោយ vannak
-
សិក្ខាសាលាផ្សព្វផ្សាយស្តីពី “ពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ ពន្ធលើអចលនទ្រព្យ ពន្ធលើដីធ្លីមិនបានប្រើប្រាស់ និងពន្ធលើចំណេញមូលធន”
- 687
- ដោយ vannak
-
រដ្ឋបាលខេត្តសៀមរាប សូមជូនដំណឹងដល់បណ្តាក្រុមហ៊ុន/សហគ្រាស (គិតទាំងសហគ្រាសឯកត្តបុគ្គល) ទាំងអស់ ដែលបានចុះបញ្ជីត្រឹមត្រូវក្នុងព្រះរាជាណាចក្រកម្ពុជា ឱ្យបានជ្រាបថា រដ្ឋបាលខេត្តសៀមរាប មានធ្វើការ ដេញថ្លៃជាសាធារណៈ ជូនរដ្ឋបាលខេត្តសៀមរាប លើការផ្គត់ផ្គង់ទំនិញ ឆ្នាំ២០២៤។ ព័ត៌មានលម្អិតសូមអានសេចក្តីជូនដំណឹងដូចខាងក្រោម៖
- 687
- ដោយ vannak
-
រដ្ឋបាលខេត្តសូមជូនដំណឹង ស្តីពីការរៀបចំពិធីបុណ្យចូលឆ្នាំថ្មីប្រពៃណីជាតិ “សៀមរាបសង្ក្រាន្ត” ព.ស២៥៦៧-២៥៦៨ គ.ស២០២៤រយៈពេល ៤ថ្ងៃ ចាប់ពីថ្ងៃទី១៣ ដល់ ថ្ងៃទី១៦ ខែមេសា ឆ្នាំ២០២៤ នៅសួនច្បារព្រះរាជដំណាក់ខេត្តសៀមរាប និងនៅសងខាងដងស្ទឹងសៀមរាប ចាប់ពីស្ពានអតីតមន្ទីរទេសចរណ៍ខេត្ត រហូតដល់ស្ពានវត្តដំណាក់។
- 687
- ដោយ vannak
-
រដ្ឋបាលខេត្តនិងសហភាពសហព័ន្ធយុវជនកម្ពុជាខេត្តសៀមរាបក្រុងពលីបួងសួងសុំសេចក្តីសុខ ដេីម្បីរៀបចំព្រឹត្តិការណ៍សៀមរាបសង្ក្រាន្ត
- 687
- ដោយ vannak
-
មន្ទីរវប្បធម៌ និងវិចិត្រសិល្បៈរៀបចំទិវាវប្បធម៌ជាតិ ៣មីនា លើកទី២៦ ឆ្នាំ២០២៤ ក្រោមប្រធានបទ «យុវជន ដើម្បីវប្បធម៌ជាតិ»
- 687
- ដោយ vannak
-
ពិធីបិទការបោះជំរុំអាស៊ាន កម្ពុជា ថៃ និងម៉ាឡេស៊ី របស់សមាគមទ្រទ្រង់ព្រះធម៌កម្ពុជា
- 687
- ដោយ vannak