ថ្ងៃអង្គារ ៤កេីត ខែកត្តិក ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២០ ខែតុលា ឆ្នាំ២០២០ លោក ង៉ាន់ភិរុណ អភិបាលរងខេត្ត នៃគណៈអភិបាលខេត្ត និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកបន្ទាយស្រី បានអញ្ជេីញចូលរួមក្នុងកិច្ចប្រជុំបូកសរុបលទ្ធផលការងារប្រចាំត្រីមាសទី៣ និងលេីកទិសដៅបន្តត្រីមាសទី៤ សម្រាប់អនុវត្តឆ្នាំ២០២០របស់ក្រុមការងារថ្នាក់ជាតិចុះមូលដ្ឋានខេត្តសៀមរាប ដឹកនាំដោយ ឯកឧត្តម សោម សុគន្ធ រដ្ឋលេខាធិការក្រសួងវប្បធម៌ និងវិចិត្រសិល្ប: និងជាប្រធានក្រុមការងារថ្នាក់ជាតិចុះមូលដ្ឋានស្រុកបន្ទាយស្រី និងមានការអញ្ជេីញចូលរួមពីឯកឧត្តម លោកជំទាវ លោក លោកស្រី អនុប្រធាន សមាជិក សមាជិកា នៃក្រុមការងារថ្នាក់ជាតិចុះមូលដ្ឋានស្រុក និងអាជ្ញាធរស្រុក ឃុំ ព្រមទាំងអ្នកពាក់ព័ន្ធនានា៕កិច្ចប្រជុំនេះ ឯកឧត្តម លោក លោកស្រី សមាជិក សមាជិកា នៃអង្គប្រជុំ បានធ្វេីការពិភាក្សាយ៉ាងផុលផុស និងសម្រេចបានលទ្ធផលដូចខាងក្រោម ៖១.ឯកភាពធ្វេីការកែសម្រួលសមាភាពក្រុមការងារថ្មីដែលបានធ្វេីការផ្លាស់ប្តូរ និងទទួលបានតួនាទីនិងភារកិច្ចថ្មី ដេីម្បីពង្រឹងប្រសិទ្ធភាពការងារអោយកាន់តែល្អប្រសេីរថែមទៀត៕២.រៀបចំធ្វេីវេទិកាសាធារណ:នៅតាមឃុំក្នុងស្រុកបន្ទាយស្រីអោយបាន ១ ឬ ២លេីក មុនចុងឆ្នាំ២០២០នេះ៕៣.រៀបចំកិច្ចប្រជុំបូកសរុបលទ្ធផលការងារប្រចាំឆ្នាំ២០២០ និងលេីកទិសដៅបន្តឆ្នាំ២០២១ និងអំឡុងខែធ្នូ ឆ្នាំ២០២០ខាងមុខ៕
