រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

សិក្ខាសាលាផ្សព្វផ្សាយរបាយការណ៍ជាតិ ស្តីពីការពិនិត្យជាសកលតាមការកំណត់ (Universal Periodic Review-UPR)

ដោយ អ៊ុក ពិស្តារចំនួនទស្សនា (10)

នៅថ្ងៃទី២០ ខែតុលា ឆ្នាំ២០២០ ឯកឧត្តម កុយ សង សមាជិក្រុមប្រឹក្សាខេត្តតំណាងប្រធានក្រុមប្រឹក្សាខេត្ត និងលោកស្រី យូ សុភា អភិបាលរងខេត្ត ជាតំណាងដ៏ខ្ពង់ខ្ពស់ ឯកឧត្តម ទៀ សីហា អភិបាលនៃគណៈអភិបាលខេត្តសៀមរាបបានអញ្ជើញចូលរួមបើកសិក្ខាសាលាផ្សព្វផ្សាយរបាយការណ៍ជាតិ ស្តីពីការពិនិត្យជាសកល តាមកាលកំណត់ (Universal Periodic Review-UPR) នៅសណ្ឋាគារអឹមព្រីស ខេត្តសៀមរាប ក្រោមអធិបតី ឯកឧត្តម កែវ រ៉េមី រដ្ឋមន្រ្តីប្រតិភូអមនាយករដ្ឋមន្រ្តី និងជាប្រធានគណៈកម្មាធិការសិទ្ធិមនុស្សកម្ពុជា និងមានការអញ្ជើញចូលរួមពីក្រសួងស្ថាប័ន និងមន្ទីរអង្គភាពជុំវិញខេត្តផងដែរ។ សិក្ខាសាលានេះរៀបចំឡើង ក្នុងន័យផ្សព្វផ្សាយដល់ថ្នាក់ដឹកនាំខេត្ត ក្រុង-ស្រុក មន្ទីរ-អង្គភាពនានាជុំវិញខេត្ត កម្លាំងប្រដាប់អាវុធ ចៅក្រម អយ្យការ ពន្ធនាគារ ជាពិសេសអ្នកនាំពាក្យតាមអង្គភាពនីមួយៗ បានជ្រាបអំពីខ្លឹមសារនៃរបាយការណ៍ជាតិ ស្តីពីការពិនិត្យជាសកលតាម ការកំណត់ ដំណើរការនៃការរៀបចំរបាយការណ៍ជាតិ ជាពិសេសកិច្ចខំប្រឹងប្រែងរបស់រាជរដ្ឋបាល ក្នុងការលើកលើកកម្ពស់ស្ថានភាពសិទ្ធិ មនុស្សលើគ្រប់វិស័យនៅកម្ពុជា។ លោកស្រី អភិបាលរងខេត្តសៀមរាប មានមតិស្វាគមន៍ថាការរៀបចំសិក្ខាសាលានេះឡើង គឺពិតជាបានឆ្លុះបញ្ចាំងឱ្យឃើញយ៉ាងពិតប្រាកដនូវកត្តាសុខសន្តិភាពរបស់ប្រទេសជាតិ ដែលបានទាក់ទាញអ្នកវិនិយោគទុនបរទេស ចូលមកវិនិយោគនៅកម្ពុជា កាន់តែមាន ចំនួនច្រើនឡើងពីមួយឆ្នាំទៅមួយឆ្នាំ។ លោកស្រីបានបន្តទៀតថា រាជរដ្ឋាភិបាល ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា កម្ពុជាបានទទួលនូវសន្តិភាព និងការអភិវឌ្ឍរីកចម្រើនជាបន្តបន្ទាប់គួរជាទីមោទនៈ ជាមួយនោះសិទ្ធិសេរីភាពគ្រប់បែបយ៉ាង។ និយាយជារួម បើគ្មានសន្តិភាព កុំនិយាយដល់ការអភិវឌ្ឍ ហើយបើសិនគ្មានការអភិវឌ្ឍ កុំនិយាយដល់ការរក្សាសន្តិភាព ព្រោះវាគង់តែបាត់បង់នៅពេលណាមួយជាក់ជាមិនខាន ទាំង២នេះត្រូវតែដើរទៅជាមួយគ្នា។ ឥឡូវនេះ សូមសួរថា តើនរណាហ៊ានទៅវិនិយោគនៅអ៊ីរ៉ាក់ នៅស៊ីរី នៅលីប៊ី នៅយេមេន ដែលមានស្ថានភាព ដូចប្រទេសកម្ពុជាក្នុងទសវត្សរ៍ ៧០ និង ៨០ ដែលមានសង្គ្រាមវឹកវរ ប៉ុន្តែនៅពេលដែលកម្ពុជា ចាប់ពីគ្មានភ្ញៀវទេសចររហូតមានឡើងដល់ជាងប្រាំលាននាក់ ក្នុងឆ្នាំ២០១៩ តើបានមកដោយសារអ្វី? នេះមកពីសន្តិភាព ហើយមកពីការអភិវឌ្ឍ ដែលយើងបាន និងពង្រីកហេដ្ឋារចនាសម្ព័ន្ធ ដូចជាព្រលានយន្តហោះ សណ្ឋាគារ។ល។

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 17 ម៉ោងមុន