រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

រដ្ឋបាលខេត្តស្នើឱ្យមន្ទីរ អង្គភាពទាំងអស់បន្តសហការគ្នាក្នុងផ្តល់សេវាសាធារណៈឱ្យឆាប់រហ័សនិងទាន់ពេលវេលាជូនប្រជាពលរដ្

ដោយ អ៊ុក ពិស្តារចំនួនទស្សនា (11)

នៅថ្ងៃព្រហស្បតិ៍ ទី២២ ខែតុលា ឆ្នាំ២០២០ នៅរដ្ឋបាលខេត្ត​សៀមរាប​ បានរៀបចំកិច្ចប្រជុំគណៈកម្មាធិការសម្របសម្រួលបច្ចេកទេសរបស់ក្រុមប្រឹក្សាខេត្ត​ ដឹកនាំដោយ​ លោក​ ង៉ាន់​ ភិរុណ​អភិបាល​រងខេត្ត​ និងជាប្រធានគណៈកម្មាធិការសម្របសម្រួលបច្ចេកទេស​របស់ក្រមប្រឹក្សាខេត្ត និងមានរួមពី​ ឯកឧត្ដម​ សមាជិក​ក្រុមប្រឹក្សាខេត្ត​ នាយករងរដ្ឋបាល​អគ្គនាយក​រង​អាជ្ញាធរជាតិអប្សរា​ លោក​ លោកស្រី​ អភិបាល​ អភិបាល​រងក្រុង​ ស្រុក​ ប្រធាន​-អនុប្រធាន​មន្ទីរ​-អង្គភាព​​ និងមន្ត្រី​ជំនាញ​ពាក់ព័ន្ធ​ សរុបចំនួន​ ៦៣/៦៩នាក់។ កិច្ចប្រជុំនេះបានពិនិត្យ​ ពិភាក្សា​ និងផ្ដល់យោបល់លេីរបៀបវារៈចំនួន ៦ ដែលពាក់ព័ន្ធនឹងមន្ទីរបរិស្ថានខេត្ត មន្ទីររ៉ែនិងថាមពលខេត្ត និងការដោះស្រាយលើបញ្ជីសំណួរ-សំណូមពរ ដែលបានលើកឡើងក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត អាណត្តិទី៣ ឆ្នាំ២០១៩។ ក្រោយពីអនុម័តលើរបៀបវារៈទាំងនេះ អង្គប្រជុំបានពិភាក្សា និងផ្តល់យោបល់គ្នាយ៉ាងផុលផុស។ ជាមួយគ្នានេះ លោក ង៉ាន់ ភិរុណ អភិបាលរងខេត្តបានជំរុញឱ្យមន្ទីរបរិស្ថានខេត្តនិងមន្ទីររ៉ែនិងថាមពលខេត្ត ព្រមទាំងអ្នកពាក់ព័ន្ធត្រូវសហការគ្នាក្នុងការផ្តល់សេវាជូនប្រជាពលរដ្ឋឱ្យបានទាន់ពេល ដោយក្នុងនោះមន្ទីរជំនាញនីមួយៗត្រូវអនុវត្តការងារយ៉ាងយូរ១៣ថ្ងៃការងារ ហើយត្រូវបញ្ជូនឯកសារដែលស្នើសុំទាំងនោះមកដល់ច្រកចេញ-ចូលរបស់រដ្ឋបាលខេត្ត។ ដោយឡែក ចំពោះបញ្ហាការកាប់រុករានទន្ទ្រានដីរដ្ឋក្នុងតំបន់មជ្ឈមណ្ឌលស្រាវជ្រាវ និងអភិរក្សកេសរកូល សុខ អាន ភ្នំគូលែន និងឧទ្យានជាតិព្រះជ័យវរ្ម័ន-នរោត្តម “ភ្នំគូលែន” លោក អភិបាលរងខេត្តស្នើឱ្យគណៈបញ្ជាការឯកភាពរដ្ឋបាលស្រុកត្រូវធ្វើការទប់ស្កាត់ការកាប់ទន្ទ្រានវាតយកដីរដ្ឋបន្តទៀត ហើយស្រុកត្រូវរៀបចំការដាំកូនឈើស្តារឡើងវិញ ដើម្បីរៀបចំតំបន់នេះជាតំបន់ទេសចរណ៍បន្ថែមទៀត។ទន្ទឹមនឹងនេះ អង្គប្រជុំបានពិភាក្សាដោះស្រាយលើបញ្ជីសំណួរ-សំណូមពរ ដែលបានលើកឡើងក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត អាណត្តិទី៣ ឆ្នាំ២០១៩ ដោយក្នុងអង្គប្រជុំបានសម្រេចលុបសំណួរ សំណូមពរចំនួន ២៧សំណួរ សំណូមពរផងដែរ។លោក អភិបាលរងខេត្តបានផ្តាំផ្ញើ ដោយជំរុញឱ្យមន្ទីរ អង្គភាពពាក់ព័ន្ធទាំងអស់ត្រូវបន្តសហការគ្នាក្នុងការផ្តល់សេវាសាធារណៈជូនបងប្អូនប្រជាពលរដ្ឋឱ្យបានល្អប្រសើរនិងទាន់ពេលវេលាដែលបានកំណត់។ក្រៅពីនេះ លោក ក៏បានជំរុញឲ្យអាជ្ញាធរស្រុកដែលជួបបញ្ហាគ្រោះជំនន់ទឹកភ្លៀងត្រូវសហការជាមួយមន្ទីរជំនាញពាក់ព័ន្ធក្នុងការបេីកមុខទឹក​ កាយប្រឡាយ​ រកវិធីសាស្ដ្របញ្ជៀសទឹក​ និងជួយរំដោះ​សង្គ្រោះ​បងប្អូន​ប្រជាពលរដ្ឋ​ឲ្យរួចផុតពីគ្រោះដោយជំនន់ទឹកភ្លៀង ទន្ទឹម​នឹង​នេះ​ លោកក៏បានណែនាំឱ្យមន្ត្រី​ជំនាញ​ និងបងប្អូនប្រជាពលរដ្ឋទាំងអស់ត្រូវថែរក្សាសុខភាព​ រក្សាអនាម័យ​ល្អក្នុងការរស់នៅប្រចាំថ្ងៃ​ ដេីម្បីជៀសផុតពីការឆ្លងនៃជំងឺកូវីដ​ ១៩។ ម្យ៉ាងទៀត គណៈបញ្ជាការឯកភាពរដ្ឋបាលក្រុង ស្រុក បន្តជួយសង្គ្រោះប្រជាពលរដ្ឋក្នុងអំឡុងពេលជំនន់ទឹកភ្លៀងដោយរកទីទួលសុវត្ថិភាព ហើយក៏ត្រូវណែនាំដល់បងប្អូនប្រជាពលរដ្ឋត្រូវរក្សាអនាម័យ និងត្រូវប្រុងប្រយ័ត្នខ្ពស់ចំពោះបញ្ហាសត្វអាសិរពិសដែលអាចមានក្នុងអំឡុងពេលជំនន់ទឹកភ្លៀងនេះ៕

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 17 ម៉ោងមុន