កាលពីព្រឹកថ្ងៃព្រហស្បតិ៍ ៦កើត ខែកក្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២២ ខែតុលា ឆ្នាំ២០២០ លោកជំទាវ ទាង អេង ទៀសីហា អនុប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប បានអញ្ជើញទទួលអំណោយពីសប្បុរជននៅទីស្នាក់ការសាខាកាកបាទក្រហមកម្ពុជា ខេត្តសៀមរាប ដើម្បីជួយទ្រទ្រង់សកម្មភាពមនុស្សធម៌ក្នុងពេលដែលកំពុងជួបនូវវបត្តិជំនន់ទឹកភ្លៀង ក្នុងភូមិសាស្ត្រមួយចំនួននៃខេត្តសៀមរាប។មានប្រសាសន៍នាកឱកាសនោះ លោកជំទាវ ទាង អេង ទៀសីហា អនុប្រធានគណៈកម្មាធិការសាខា តំណាងឯកឧត្តម ទៀ សីហា ប្រធានគណៈកម្មាធិការសាខា បានថ្លែងអំណរគុណយ៉ាងជ្រាលជ្រៅបំផុតចំពោះទឹកចិត្តដ៏សប្បុរសរបស់ សប្បុរសជន ដែលបានចូលរួមចំណែកក្នុងសកម្មភាពមនុស្សធម៌ គឺបញ្ជាក់ពី ទឹកចិត្តដ៏ប្បុរសធម៌ចំពោះបងប្អូនប្រជាពលរដ្ឋរងគ្រោះ និងងាយរងគ្រោះបំផុត។ ក្នុងកាយវិកាដ៏មនុស្សធម៌នេះ គឺជាការចូលរួមរបស់សប្បុរសជនជាមួយសកម្មភាពមនុស្សធម៌របស់កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ជាជំនួយការឱ្យអាជ្ញាធរសាធារណៈលើវិស័យមនុស្សធម៌។ សាខាកាកបាទក្រហមកម្ពុជា ខេត្តសៀមរាប នឹងប្រើប្រាស់នូវអំណោយ និងថវិកាទាំងនេះ ឱ្យចំគោលដៅមនុស្សធម៌ ដោយមិនប្រកាន់ ពូជសាសន៍ ពណ៌សម្បុរ និងនិន្នាការនយោបាយណាមួយឡើយ ស្របតាមគោលការណ៍គ្រឹះទាំង៧ប្រការរបស់ចលនាអន្តរជាតិកាកបាទក្រហម អឌ្ឍចន្ទក្រហម។លោកជំទាវក៏សូមជូនពរដល់សប្បុរសជន ព្រមទាំងក្រុមគ្រួសារ សូមជួបប្រទះនូវសេចក្ដីសុខ សេចក្ដីចម្រើនតរៀងទៅ។អំណោយដែលទទួលសរុបមាន៖- ថវិកាប្រាក់រៀល ៣២,១១០,០០០(សាមសិបពីរលានមួយសែនមួយម៉ឺន)រៀល និង៦,៤៥០(ប្រាំមួយពាន់បួនរយហាសិប)ដុល្លារអាមេរិក- អង្ករ ១២តោន២០០គីឡូក្រាម- មី ៣៨០កេស-ទឹកបរិសុទ្ធ ៣០០កេស-មុង ១០០- ភួយ ៥០០- ធុងសំរាម ២០- ឆ័ត្រ ៤៕