នៅព្រឹកថ្ងៃទី២៦ ខែតុលា ឆ្នាំ២០២០ លេខាធិការដ្ឋាននៃគណៈកម្មាធិការប្រយុទ្ឋប្រឆាំងអំពើជួញដូរមនុស្សខេត្តសៀមរាប (គ.ខ.ប.ជ) បានរៀបចំកិច្ចប្រជុំប្រចាំខែតុលា ឆ្នាំ២០២០ ក្រោមកិច្ចដឹកនាំរបស់ លោកស្រី យូ សុភា អភិបាលរងខេត្ត និងជាប្រធានលេខាធិការដ្ឋាន គ.ខ.ប.ជ ខេត្តសៀមរាប ព្រមទាំងមានការអញ្ជើញចូលរួមពីលោក លោកស្រី សមាជិក សមាជិកា លេខាធិការដ្ឋាន គ.ខ.ប.ជ ពីមន្ទីរអង្គភាពពាក់ព័ន្ធ ព្រមទាំងតំណាងអង្គការ ដៃគូពាក់ព័ន្ឋសរុប៥៥នាក់ ស្រី ៣២នាក់។ អង្គប្រជុំបានពិនិត្យទៅលើកំណត់ហេតុ និងត្រួតពិនិត្យលើផែនការដែលអង្គប្រជុំបានដាក់ចេញកាលពីកិច្ចប្រជុំប្រចាំត្រីមាសទី៣ ឆ្នាំ២០២០ កន្លងទៅ និងបានពិភាក្សាលើបញ្ហាប្រឈមមួយចំនួន ដែលក្រុមការងារបានអនុវត្តសកម្មភាពប្រយុទ្ធប្រឆាំងអំពើជួញដូរមនុស្ស តាមគ្រប់រូបភាព ដោយមានការចូលរួមសហការពីគ្រប់ភាគីពាក់ព័ន្ឋទាំងអស់ នៅតាមមូលដ្ឋានភូមិ ឃុំ ដូចជាធ្វេីការផ្សព្វផ្សាយច្បាប់ ស្តីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ ច្បាប់ពាក់ព័ន្ឋនានា គោលនយោបាយភូមិ-ឃុំមានសុវត្ថិភាព វេទិកាសាធារណៈ ច្បាប់ទប់ស្កាត់អំពើហិង្សាក្នុងគ្រួសារ និងកិច្ចការពារជនរងគ្រោះ ការធ្វើចំណាកស្រុកដោយសុវត្ថិភាព ស្ប៉តអប់រំ ការផ្សាយតាមវិទ្យុ ទូរទស្សន៍ ជាដើម។ល។ បន្ថែមពីនេះ ក៏មានការស៊ើបអង្កេត និងបង្ក្រាបបទល្មើស ដើម្បីយកទៅផ្តន្ទាទោសតាមនីតិវិធីច្បាប់បានរាល់ករណីផងដែរ ពិសេសការស្រាវជ្រាវស្វែងរកចាប់និងឃាត់ខ្លួនមេខ្យល់ ។ នៅក្នុងកិច្ចប្រជុំនេះផងដែរ ក៏បានលើកយកបញ្ហាជាច្រើនមកពិភាក្សា ដើម្បីស្វែងរកដំណោះស្រាយរួមគ្នា សម្រាប់ការពារជនរងគ្រោះ និងងាយរងគ្រោះ ដោយអំពើហិង្សាទាក់ទងនឹងយេនឌ័រ ឬការរំលោភបំពានផ្សេងៗ ដែលពាក់ព័ន្ធទៅនឹងច្បាប់ស្តីពី ការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ។ កិច្ចប្រជុំបានធ្វើការពិភាក្សា និងទទួលបានលទ្ធបានដូចខាងក្រោម ៖ ១. ពិនិត្យលើរបាយការណ៍ប្រចាំខែតុលា និងរបាយការណ៍រយៈពេល១០ខែ នៃសកម្មភាពរបស់លេខាធិការដ្ឋាន ប្រយុទ្ធប្រឆាំងអំពើជួញដូរមនុស្សខេត្តសៀមរាប។២. ពិនិត្យ និងពិភាក្សាលើប្រព័ន្ធបញ្ជូន និងទទួលជនរងគ្រោះដោយអំពើជួញដូរមនុស្ស រវាងមន្ទីរអង្គភាពពាក់ព័ន្ធ និងអង្គការដៃគូជាតិ អន្តរជាតិក្នុ ងការបញ្ជូនជនរងគ្រោះទៅមន្ទីរសង្គមកិច្ច (មន្ទីរសង្គមកិច្ចជាអ្នកគ្រប់គ្រងទិន្នន័យរួម ហើយត្រូវធ្វើការបែងចែកអំពីប្រភេទនៃជនរងគ្រោះឱ្យបានត្រឹមត្រូវ) ។៣. ការជំរុញឱ្យមន្ទីរសង្គមកិច្ចអតីតយុទ្ធជន និងយុវនីតិសម្បទាខេត្ត លើការគ្រប់គ្រងមណ្ឌលសុវត្ថិភាព សម្រាប់ជនរងគ្រោះ និងគ្រប់គ្រងប្រព័ន្ធនៃការធ្វើសមាហរណកម្មជនរងគ្រោះត្រឡប់មកគ្រួសារ ឬនៅសហគមន៍វិញ ។៤. ការបើកវគ្គបណ្តុះបណ្តាលដល់មន្រ្តីនគរបាល នៅតាមប៉ុស្តិ៍ឃុំ សង្កាត់នៅទូទាំងខេត្ត អំពីច្បាប់ស្តីពីអនីតិជន។៥. ជំរុញលើការអនុវត្តការងារទៅតាមយន្តការ និងតាមនីតិវិធីរដ្ឋបាល ឬតាមលក្ខខ័ណ្ឌពិសេសណាមួយ ក្នុងន័យជំរុញការបម្រើការផ្តល់សេវាជួយជនរងគ្រោះឱ្យបានទាន់ពេលវេលា។៦. ពិភាក្សាលើបញ្ហាប្រឈមនៃការបាត់បង់ការងារធ្វើនៅក្នុងខេត្តនិងបានជំរុញលើការបណ្តុះបណ្តាលជំនាញវិជ្ជាជីវៈ។៧. ជំរុញឱ្យមន្ទីរការងារ និងបណ្តុះបណ្តាលវិជ្ជាជីវៈខេត្ត ពិនិត្យទៅលើស្ថានភាពរបស់ពលករដែលទើបត្រឡប់មកពីក្រៅប្រទេស អំពីការទទួលការបណ្តុះបណ្តាលជំនាញវិជ្ជាជីវៈ និងការទទួលបានការងារធ្វើនៅក្នុងប្រទេសតាមរយៈការិយាល័យមជ្ឈមណ្ឌលការងារខេត្តសៀមរាប។៨. ការិយាល័យមជ្ឈមណ្ឌលការងារខេត្តសៀមរាប បានធ្វើការផ្គូផ្គងការងារជូនបងប្អូនប្រជាពលរដ្ឋ ដែលជាពលករទលបត្រឡប់មកពីក្រៅប្រទេស ឪពុករបស់កុមារដើរសុំទាន និងប្រជាពលរដ្ឋដែលបានបាត់បងការងារធ្វើ ក្នុងស្ថានភាពកូវីដ១៩ ដែលលេខាធិការដ្ឋាន គ.ខ.ប.ជ បានបញ្ជូនឈ្មោះទៅ ចំនួន ០៤នាក់ និងបានស្នើឱ្យពិនិត្យបន្ថែមនូវពលរដ្ឋចំនួន០១នាក់ ទៀត ដែលបានបំពេញទម្រង់ក្នុងការស្វែងរកការងារធ្វើកន្លងមក។៩. ពិភាក្សាលើបញ្ហាអំពើហិង្សាក្នុងគ្រួសារ ដែលបានកើតឡើងតាមមូលដ្ឋាន ដែលជាមូលហេតុអាចធ្វើឱ្យប្រជាពលរដ្ឋធ្វើចំណាកស្រុក។១០. បានពិភាក្សាលើបញ្ហាប្រឈមមួយចំនួន បន្ថែមទៀតពាក់ព័ន្ធនឹងការប្រយុទ្ធប្រឆាំងអំពើជួញដូរមនុស្ស។១១. អង្គការសកម្មភាពដើម្បីកុមារ (APLE) បានធ្វើការបង្ហាញអំពីបណ្តាញរាយការណ៍ពិសេសតាមប្រព័ន្ធអ៊ីនធឺណិត ពាក់ព័ន្ធនឹងការរំលោភបំពានផ្លូវភេទលើកុមារតាមប្រព័ន្ធអនឡាញ៕
លេខាធិការដ្ឋាន នៃគណៈកម្មាធិការប្រយុទ្ឋប្រឆាំងអំពើជួញដូរមនុស្សខេត្ត បានរៀបចំកិច្ចប្រជុំត្រួតពិនិត្យការងារ ប្រចាំខែតុលា ឆ្នាំ២០២០
- 529
- ដោយ អ៊ុក ពិស្តារ
អត្ថបទទាក់ទង
-
សូមអបអរសាទរវិស័យអប់រំ នៃខេត្តសៀមរាបទទួលបានជ័យលាភី ក្នុងសន្និបាតក្រសួងអប់រំ យុវជន និងកីឡាឆ្នាំសិក្សា២០២២-២០២៣ និងលើកទិសដៅឆ្នាំសិក្សា២០២៣-២០២៤
- 529
- ដោយ vannak
-
កិច្ចប្រជុំ ស្តីពីការចុះពិនិត្យការអភិវឌ្ឍ និងការគ្រប់គ្រងនៅតាមបណ្តាមន្ទីរពេទ្យបង្អែកខេត្តសៀមរាប
- 529
- ដោយ vannak
-
វគ្គបណ្តុះបណ្តាលតម្រង់ទិសគ្រូបង្គោលថ្នាក់ជាតិ និងថ្នាក់រាជធានីខេត្ត សម្រាប់រៀបចំផ្សព្វផ្សាយច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម
- 529
- ដោយ vannak
-
សិក្ខាសាលាផ្សព្វផ្សាយផលិតផលឥណទាន (កម្ចី) ដល់សមាជិកសហគមន៍ គម្រោងប្រកួតប្រជែងខ្សែច្រវាក់តម្លៃ និងលើកកម្ពស់សុវត្ថិភាពកសិកម្ម
- 529
- ដោយ vannak
-
សិក្ខាសាលាផ្សព្វផ្សាយស្តីពី “ពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ ពន្ធលើអចលនទ្រព្យ ពន្ធលើដីធ្លីមិនបានប្រើប្រាស់ និងពន្ធលើចំណេញមូលធន”
- 529
- ដោយ vannak
-
រដ្ឋបាលខេត្តសៀមរាប សូមជូនដំណឹងដល់បណ្តាក្រុមហ៊ុន/សហគ្រាស (គិតទាំងសហគ្រាសឯកត្តបុគ្គល) ទាំងអស់ ដែលបានចុះបញ្ជីត្រឹមត្រូវក្នុងព្រះរាជាណាចក្រកម្ពុជា ឱ្យបានជ្រាបថា រដ្ឋបាលខេត្តសៀមរាប មានធ្វើការ ដេញថ្លៃជាសាធារណៈ ជូនរដ្ឋបាលខេត្តសៀមរាប លើការផ្គត់ផ្គង់ទំនិញ ឆ្នាំ២០២៤។ ព័ត៌មានលម្អិតសូមអានសេចក្តីជូនដំណឹងដូចខាងក្រោម៖
- 529
- ដោយ vannak
-
រដ្ឋបាលខេត្តសូមជូនដំណឹង ស្តីពីការរៀបចំពិធីបុណ្យចូលឆ្នាំថ្មីប្រពៃណីជាតិ “សៀមរាបសង្ក្រាន្ត” ព.ស២៥៦៧-២៥៦៨ គ.ស២០២៤រយៈពេល ៤ថ្ងៃ ចាប់ពីថ្ងៃទី១៣ ដល់ ថ្ងៃទី១៦ ខែមេសា ឆ្នាំ២០២៤ នៅសួនច្បារព្រះរាជដំណាក់ខេត្តសៀមរាប និងនៅសងខាងដងស្ទឹងសៀមរាប ចាប់ពីស្ពានអតីតមន្ទីរទេសចរណ៍ខេត្ត រហូតដល់ស្ពានវត្តដំណាក់។
- 529
- ដោយ vannak
-
រដ្ឋបាលខេត្តនិងសហភាពសហព័ន្ធយុវជនកម្ពុជាខេត្តសៀមរាបក្រុងពលីបួងសួងសុំសេចក្តីសុខ ដេីម្បីរៀបចំព្រឹត្តិការណ៍សៀមរាបសង្ក្រាន្ត
- 529
- ដោយ vannak
-
មន្ទីរវប្បធម៌ និងវិចិត្រសិល្បៈរៀបចំទិវាវប្បធម៌ជាតិ ៣មីនា លើកទី២៦ ឆ្នាំ២០២៤ ក្រោមប្រធានបទ «យុវជន ដើម្បីវប្បធម៌ជាតិ»
- 529
- ដោយ vannak
-
ពិធីបិទការបោះជំរុំអាស៊ាន កម្ពុជា ថៃ និងម៉ាឡេស៊ី របស់សមាគមទ្រទ្រង់ព្រះធម៌កម្ពុជា
- 529
- ដោយ vannak