នារសៀលថ្ងៃចន្ទ ២រោច ខែកត្តិក ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី​០២ ខែវិច្ឆិកា ឆ្នាំ​២០២០ ឯកឧត្តម អុិន ចន្ថា រដ្ឋលេខាធិការ និងជាប្រធានលេខាធិការដ្ឋានគ្រប់គ្រងគ្រោះមហន្ករាយ នៃក្រសួងអភិវឌ្ឍន៍ជនបទ និងឯកឧត្តមបណ្ឌិត ជ្រុន ថេរ៉ាវ៉ាត រដ្ឋលេខាធិការ និងជាអនុប្រធានលេខាធិការដ្ឋាន និងជាតំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្រ្តីក្រសួងអភិវឌ្ឍន៍ជនបទ អមដំណើរដោយលោក ស្រិុន ពុទ្ធ្ធី ប្រធាននាយកដ្ឋានផ្គត់ផ្គង់ទឹកជនបទ និងលោក ខេង ញ៉ុល ប្រធានមន្ទីរអភិវឌ្ឍន៍ជនបទខេត្តសៀមរាប ព្រមទាំងមន្រ្តីជំនាញបច្ចេកទេសមួយចំនួនទៀត បានចុះត្រួតពិនិត្យ និងវាយតម្លៃ ផលប៉ះពាល់ហេដ្ឋារចនាសម្ព័ន្ធជនបទ ដោយសារគ្រោះជំនន់ទឹកភ្លៀង។ជាមួយនឹងការចុះពិនិត្យនេះ ក្រុមការងារបានពិនិត្យលើការប៉ះពាល់ដូចជា ផ្លូវ អណ្ដូងទឹក និងបង្គន់គ្រួសារ ដែលស្ថិតនៅភូមិបុសតាត្រាវ ឃុំស្វាយចេក ស្រុកអង្គរធំ និងភូមិតាលាវ ឃុំតាសោម ស្រុកអង្គរជុំ ខេត្តសៀមរាប ដើម្បីវាយតម្លៃនិងធ្វើការជួសជុល សាងសង់ឡើងវិញជូនប្រជាពលរដ្ឋ៕