រដ្ឋបាលខេត្តសៀមរាប

Siemreap Administration
ស្វែងរក

ផ្លូវមួយចំនួនត្រូវបានបិទចរាចរ ដើម្បីសម្រួលដល់ដំណើរការសាងសង់បណ្តាញលូទឹកកខ្វល់ ទឹកស្អាត អគ្គិសនី និងខ្សែកាប្តិ៍

  • 79
  • ដោយ vannak

គិតត្រឹមថ្ងៃទី១៩ ខែកុម្ភៈ ឆ្នាំ២០២១ ក្រុមការងារស្ថាបនាផ្លូវថ្នល់ទាំង៣៨ខ្សែ ក្នុងក្រុងសៀមរាប បាននឹងកំពុងសាងសង់មមាញឹកយ៉ាងសស្រាក់សស្រាំ ដើម្បីសាងសង់ផ្លូវទាំងនេះឱ្យរួចរាល់តាមផែនការគម្រោងទុក រយៈពេល១៣ខែ។ជាមួយនឹងការស្ថាបនាផ្លូវទាំងនេះ រដ្ឋបាលខេត្តសូមការយោគយល់ពីបងប្អូនប្រជាពលរដ្ឋដែលធ្វើចរាចរណ៍នៅតាមដងផ្លូវក្នុងក្រុង ពិសេស​ផ្លូវទាំង៣៨ខែ្ស ដែលកំពុងសាងសង់​ហើយត្រូវបានបិទចរាចរណ៍ជាបណ្តោះអាសន្ន ដើម្បីសម្រួលដល់ដំណើរការសាងសង់ រៀបចំដាក់បណ្តាញលូទឹកភ្លៀង និង លូទឹកកខ្វល់ ទឹកស្អាត បណ្តាញអគ្គិសនី និង ខ្សែកាប្តិ៍។ ដូចនេះសូមសាធារណជន មេត្តាយោគយល់ ចំពោះការបិទផ្លូវ ឬបិទចរាចរណ៍ជាដំណាក់កាល និងដោយអន្លើៗ អាស្រ័យដោយតម្រូវការសាងសង់ឲ្យបានលឿន ឆាប់រហ័ស និងប្រកបដោយគុណភាព។ ខណៈពេលនេះ កំណាត់ផ្លូវមួយចំនួន ដែលបានបិទចរាចរទាំងស្រុង ឬបិទដោយកំណាត់ផ្លួវ រួមមាន:១.ផ្លូវ​WN06 វិថី​ព្រះ​នរោត្តម​សីហមុនី​ ចាប់​ពី​ផ្លូវ​ជាតិ​លេខ​ ៦​ ស្តុបសាខា​ ដល់ផ្លូវបំបែកត្រពាំងសេះ​ សង្កាត់​គោកចក​ (ក្រោយ​ស្តាតចាស់​ ក្រោយសណ្ឋាគារ​សូហ្វ៊ីតែល​អង្គរ​ និងក្រោយមន្ទីរពេទ្យកុមារគន្ធាុបុប្ផារ​ )។ ២. ផ្លូវ​ B101 ចាប់​ពី​ផ្លូវ​អាចារ្យ​ ហែម​ ចៀវ​ កាត់តាមមន្ទីរទេសចរណ៍ចាស់​ មហា​សណ្ឋាគារ​អង្គរ​ ដល់វិថីព្រះនរោត្តមសីហមុនី​ (ខាងជេីងជាប់របងសណ្ឋាគារវិចតូរៀ)។ ៣.ផ្លូវ​ពីស្ទឹងសៀមរាប​ ផ្សារ​វត្តពោធិ៍លង្ការ​ កាត់តាមស្ដុប​ស្ដាតចាស់​ ភោជនីយដ្ឋាន​ម្ល់ស្បូវ​ ដល់វត្តគោកប៉ាទ្រី​ (ចំណុចខាងលិច​ និងខាងកេីតស្ដុបស្ដាតចាស់)។ ៤.កំណាត់ផ្លូវទៅបៀលប្រាយចាប់ពីរង្វង់មូលនាគបាញ់ទឹករហូតដល់ផ្លូវក្រវាត់ក្រុងដោយឡែកក្រៅពីនេះ កំណាត់ផ្លូវបានបិទខ្លះត្រូវបានបិទរយៈពេលខ្លី ឬផ្នែកណាមួយ តែមានផ្លូវដែលអាចបញ្ចៀសចរាចរណ៍បាន ៕

អត្ថបទទាក់ទង