រដ្ឋបាលខេត្តសៀមរាប
Siemreap Administrationរដ្ឋបាលខេត្តនាំយកទេយ្យវត្ថុ ជាបច្ច័យ និងគ្រឿងឧបភោគបរិភោគប្រគេនដល់ព្រះសង្ឃចំនួន ៣វត្តនៅស្រុកស្វាយលើ
លោក អៀង ពិសិដ្ឋ អភិបាលនៃគណៈអភិបាលស្រុកស្វាយលើ បានឲ្យដឹងថា វត្តចំនួន ៣ ស្ថិតនៅ ឃុំកន្ទួត ឃុំតាសៀម ឃុំខ្នងភ្នំ មានព្រះសង្ឃគង់នៅចំនួន ៣៥អង្គ តាជីយាយជី ២៩ នាក់ បានជួបការខ្វះខាត ក្នុងបរិបទកូវីដ-១៩។
ក្នុងនាមឯកឧត្តម ទៀ សីហា អភិបាលនៃគណៈអភិបាលខេត្ត លោក ពៅ ពិសិដ្ឋ បានបញ្ជាក់ថាក្រោមការខិតខំប្រឹងប្រែងរបស់ប្រមុខនៃរាជរាជរដ្ឋាភិបាល ស្ថាប័នជំនាញពាក់ព័ន្ធ ព្រមទាំងការលះបង់របស់កងទ័ពអាវសជួរមុខ អាជ្ញាធរដែនដី រួមទាំងការចូលរួមសហការដោយប្រជាពលរដ្ឋ ដែលប៉ុន្មានថ្ងៃចុងក្រោយនេះ ឃើញថា កម្ពុជាកាត់បន្ថយបាននូវចំនួនឆ្លងកូវីដ-១៩ ហើយចំនួននៃអ្នកជាសះស្បើយ ក៏បានបង្ហាញនៅក្នុងតារាងតួរលេខប្រចាំថ្ងៃផងដែរ ដែលនេះគឺជាមោទនភាពរបស់កម្ពុជា សម្រាប់កាត់ផ្តាច់ព្រឹត្តិការណ៍សហគមន៍២០កុម្ផៈ២០២១ សំដៅឆ្ពោះទៅរក ការងើបឈរឡើងវិញនៃកំណើនសេដ្ឋកិច្ចកម្ពុជា ក្រោមការត្រៀមទុកដោយយន្តការនៃយុទ្ធសាស្រ្ត កែប្រែវិបត្តិកូវីដ ឲ្យក្លាយជាឳកាសនៃការអភិវឌ្ឍន៍។
គួរបញ្ជាក់ផងដែរថា កម្មវិធីប្រគេនទេយ្យទាន មានចង្ហាន់បិណ្ឌបាតជាដើមនេះ ត្រូវបានរដ្ឋបាលខេត្តបានរៀបចំឡើងសម្រាប់បណ្តាវត្តចំនួន៣០ និងទីអាស្រមចំនួន៦ ដែលជួបការកំបាកខ្លាំង ស្ថិតនៅតាមបណ្តាមូលដ្ឋានស្រុកទាំង១១ទូទាំងខេត្ត លើកលែងតែក្រុងសៀមរាប ។ ពិធីវេរប្រគេនចំពោះព្រះសង្ឃនូវបិណ្ឌបាតទាននៅវត្តក្នុងឃុំទាំងពីររបស់ស្រុកស្វាយលើ ក្នុងការបម្រើដល់វិស័យព្រះពុទ្ធសាសនា បានទទួលភោជនភ័ស្តុនេះ ។
លោក អភិបាលរងខេត្ត ក៏បានសំណូមពរដល់ព្រះសង្ឃគ្រប់វត្ត ក៏ដូចអាជ្ញាធរឃុំ ភូមិ បង្កើនការយកចិត្តអប់រំ ផ្សព្វផ្សាយបន្តដល់ប្រជាពុទ្ធបរិស័ទ នូវវិធានការ ៣កុំ ៣ការពារ និង ២ចូលរួម របស់រាជរដ្ឋាភិ បាល និងសេចក្តីណែនាំវិធានការរបស់ក្រសួងសុខាភិបាល ពីព្រោះថា កូវិដវាមិនភ្លេចយើងទេ មានតែយើងទេភ្លេចកូវិដ ។
ទេយ្យទាន គ្រឿងឧបភោគបរិភោគ និង សម្ភារៈ រួមទាំងបច្ចយ័បានវេរប្រគេនដល់វត្តនីមួយៗ រួមមាន អង្ករចាប់ពី ២៥០គីឡូក្រាម ដល់ ៣០០គីឡូក្រាម រួមមាន មី ,ទឹកសុទ្ធ ,ទឹកត្រី ,ទឹកស៊ីអ៊ីវ , ត្រីខ , ស្ករស ,ទឹកដោះគោ ភេសជ្ជៈជាដើម និងអាល់កុលសម្រាប់ប្រើប្រាស់ក្នុងវិធានអនាម័យ រួមទាំងបច្ច័យ វត្តនីមួយៗ ទទួលបាន ២លាន១សែនរៀលផងដែរ៕
ព័ត៌មានថ្មីៗ
ព័ត៌មានជាប់ទាក់ទង
ថ្ងៃព្រហស្បតិ៍, 17 ខែមិថុនា 2021
ថ្ងៃពុធ, 16 ខែមិថុនា 2021
ថ្ងៃពុធ, 16 ខែមិថុនា 2021
ថ្ងៃពុធ, 16 ខែមិថុនា 2021
ថ្ងៃពុធ, 16 ខែមិថុនា 2021
ថ្ងៃពុធ, 16 ខែមិថុនា 2021
ថ្ងៃពុធ, 16 ខែមិថុនា 2021
ថ្ងៃព្រហស្បតិ៍, 10 ខែមិថុនា 2021