រដ្ឋបាលខេត្តសៀមរាប

Siemreap Administration
ស្វែងរក

គណៈកម្មាធិការគ្រប់គ្រងគ្រោះមហន្តរាយខេត្តសៀមរាប ជួបពិភាក្សា និងចែករំលែកពីការប្រើប្រាស់ប្រព័ន្ធឱ្យដឹងមុន EWS 1294 លើការងារគ្រប់គ្រងគ្រោះមហន្តរាយ ជូនគណៈប្រតិភូអញ្ជើញមកពីប្រទេសឡាវ

  • 198
  • ដោយ vannak
កាលពីថ្ងៃទី១៥ ខែមីនា ឆ្នាំ២០២៣ នៅសាលប្រជុំសាលាខេត្តសៀមរាប គណៈកម្មាធិការគ្រប់គ្រងគ្រោះមហន្តរាយខេត្តសៀមរាបដែលដឹកនាំដោយលោក អ៉ឹង គឹមលាង អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប បានដឹកនាំមន្ត្រីលេខាធិការដ្ឋាន នៃគណៈកម្មាធិការគ្រប់គ្រងគ្រោះមហន្តរាយខេត្តសៀមរាប ដើម្បីជួបពិភាក្សា និងចែករំលែកពីការប្រើប្រាស់ប្រព័ន្ធឱ្យដឹងមុន EWS 1294 លើការងារគ្រប់គ្រងគ្រោះមហន្តរាយ ជូនគណៈប្រតិភូអញ្ជើញមកពីប្រទេសឡាវ ដែលដឹកនាំដោយ លោក Viengxai MANIVONG អគ្គនាយករងនាយកដ្ឋានឧតុនិយម និងជលសាស្ត្រ នៃក្រសួងធនធានធម្មជាតិ និងបរិស្ថានឡាវ និងគណៈប្រតិភូក្រសួង-ស្ថានប័នពាក់ព័ន្ធឡាវ រួមមានក្រសួងធនធានធម្មជាតិ និងបរិស្ថាន ក្រសួងការបរទេស និងក្រសួងសង្គមកិច្ច នៃប្រទេសឡាវ ព្រមទាំងដោយមានការចូលរួមពីគណៈកម្មាធិការជាតិគ្រប់គ្រងគ្រោះមហន្តរាយ និងអង្គការដៃគូ ភីភលអ៊ីននីត (PIN) ។
នៅក្នុងជំនួបនេះ គណៈកម្មាធិការគ្រប់គ្រងគ្រោះមហន្តរាយខេត្តសៀមរាប បានធ្វើបទបង្ហាញពីការប្រើប្រាស់ប្រព័ន្ធឱ្យដឹងមុន EWS 1294 ក្នុងការងារគ្រប់គ្រងគ្រោះមហន្តរាយ ដើម្បីចែករំលែកបទពិសោធន៍អំពីការអនុវត្តគម្រោងការប្រើប្រាស់ឧបករណ៍វាស់កម្ពស់ទឹកសេនស័រ និងប្រព័ន្ធប្រកាសឱ្យដឹងមុន 1294 នៅក្នុងខេត្តសៀមរាប ប្រព័ន្ធឱ្យដឹងមុន EWS 1294 ក្រោមការងារគ្រប់គ្រងរបស់គណៈកម្មាធិការជាតិគ្រប់គ្រងគ្រោះមហន្តរាយ និងការឧបត្ថម្ភគាំទ្រពីអង្គការដៃគូ ភីភលអ៊ីននីត (PIN)។

អត្ថបទទាក់ទង