កាលពីថ្ងៃសៅរ៍ ទី០១ ខែមិថុនា ឆ្នាំ២០២៤ លោក ង៉ូវ សេងកាក់ អភិបាលរងខេត្ត តំណាងឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប បានចូលរួម និងចែករំលែក និងផ្ដល់បច្ចុប្បន្នភាពត៌មាន ផលិតផលថ្មីៗ ដែលទាក់ទងនឹងវិស័យទេសចរណ៍ក្នុងប្រទេស ជាពិសេសនៅក្នុងខេត្តសៀមរាប នៅក្នុងកម្មវិធី “ជួបជុំនិងបង្កើនទំនាក់ទំនងលើកទី៦” (TA Club Event) នៅលើកនេះបានធ្វើអោយមានទំនាក់ទំនងកាន់តែ ជិតស្និតរវាងប្រតិបត្តិករទេសចរណ៍ ក្នុងការធ្វើអោយប្រសើរឡើងទាំងគុណភាពនិងដំណោះស្រាយដែលបាននឹងកំពុងអនុវត្តលើអាជីវកម្មប្រចាំថ្ងៃ ។