ស្រុកសូទ្រនិគមលាតសន្ធឹងយ៉ាងធំលើផ្ទៃបឹងទន្លេសាប និងជាទីតាំងរបស់សហគមនៅលើទឹកធំជាងគេបំផុតតាមមាត់បឹងទន្លេសាប គឺកំពង់ឃ្លាំង។ ភូមិដែលគួរឲ្យគយគន់ដ៏ធំនេះទទួលបានប្រជាប្រិយភាពកាន់តែច្រើនពីភ្ញៀវទេសចរដែលចង់ទស្សនាផ្ទះនៅតំបន់លិចទឹកដែលមានជើងសរសរខ្ពស់ៗ និងទូកស្អាតៗនៅលើបឹងដ៏ធំអស្ចារ្យនេះ ព្រៃលិចទឹក សត្វស្លាប របៀបនៃការនេសាទត្រីនៅទីនេះ។ លើសពីនេះនៅរដូវប្រាំងភ្ញៀវទេសចរ អាចជិះកង់មើលព្រៃលិចទឹក មើលចំការសណ្តែកបាយដ៏ធំល្វឹងល្វឺយដាច់កន្ទុយភ្នែក។ សម្រាប់ភ្ញៀវទេសចរណ៍ដែលចង់ដកបទពិសោធន៍ បន្ថែមអាចស្នាក់នៅផ្ទះស្នាក់បែបសាមញ្ញ ផ្ទះស្នាក់ស្អាតៗផងដែរ។
ក្រៅពីសហគមន៍កំពង់ឃ្លាំងនេះ សហគមន៍ខ្នារពោធិ៍មានការរៀបចំស្វាគមន៍ភ្ញៀវទេសចរណ៍ស្នាក់នៅ ផ្ទះស្នាក់ក្នុងសហគមន៍មួយបែបផ្សេងទៀតនៅក្នុងខេត្តសៀមរាប ហើយក៏អាចដើរកំសាន្តក្នុងភូមិ ស្វែងយល់ពីការប្រកបរបចិញ្ចឹមជីវិតរបស់អ្នកភូមិ ចូលរួមជាមួយនឹងពិធីប្រពៃណី ទំនៀមទំលាប់ប្រចាំតំបន់ និងរីករាយជាមួយនឹងអាហារពេលល្ងាចនៅកណ្តាលវាលស្រែ ក្បែរមាត់បឹងធម្មជាតិដ៏ធំ ក្នុងបរិយាកាសដ៏រ៉ូមែនទិក។ លើសពីនេះ លោកអ្នកអាចធ្វើដំណើរតាមរទេះគោ ទៅមើលប្រាសាទបន្ទាយអំពិលដែលនៅឆ្ងាយ មានភ្ញៀវទេសចរទៅទស្សនាតិចតួចណាស់បើប្រៀបធៀបនឹងប្រាសាទអង្គរដែលល្បីល្បាញ។
ក្រៅពីទេសចរណ៍ ស្រុកនេះល្បីឈ្មោះខាងការផលិតត្រីងៀត ត្រីប្រឡាក់ និងប្រហុកត្រីដ៏ឈ្ងុញ។ ផលិតកម្មស្រូវក៏ជាធាតុសំខាន់សម្រាប់សេដ្ឋកិច្ចក្នុងស្រុកនេះដែរ ហើយក៏សូមអរគុណដល់ត្រើយទន្លេដ៏វែង ដែលអាចឲ្យអ្នកស្រុកប្រកបរបរដាំស្រូវដោយគ្មានការលិចទឹក និងទទួលបានផលលើសពីម្តងក្នុងមួយឆ្នាំ។
