នាព្រឹកថ្ងៃអាទិត្យ ១៣រោច ខែស្រាពណ៍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១ ខែកញ្ញា ឆ្នាំ២០២៤ នៅអាកាសយានដ្ឋានសៀមរាបចាស់ លោក ង៉ូវ សេងកាក់ អភិបាលរងខេត្ត តំណាងឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប បានចូលរួមក្នុងព្រឹត្តិការណ៍សាកល្បង សម្រាប់ការត្រៀមរៀបចំព្រឹត្តិការណ៍ ព្រីហ្កាំបល ៣០០០ រ៉ាល់លី នៅព្រះរាជាណាចក្រកម្ពុជា ( Pre-Gumball 3000 Rally in Cambodia) ក្រោមអធិបតីភាពឯកឧត្តម សុខ សូកេន រដ្ឋមន្រ្តីក្រសួងទេសចរណ៍ ។ ការរៀបចំព្រឹត្តិការណ៍នេះបានការសម្របសម្រួលដោយក្រសួងទេសចរណ៍ រដ្ឋបាលខេត្តសៀមរាបសហការជាមួយក្រុមហ៊ុន ជីប ម៉ុង និងស្ថាប័នពាក់ព័ន្ធនានា ដោយមានការបើកបរសាកល្បង (Drag Race) រថយន្ត Gumball 3000 ចំនួនប្រមាណ 60 គ្រឿង ប្រកបដោយជោគជ័យ និងមានការចូលរួមទស្សនាពីភ្ញៀវបរទេស និងខ្មែរ បងប្អូនប្រជាពលរដ្ឋ ជាច្រើននាក់ផងដែរ ។ព្រឹត្តិការណ៍ហ្កាំប៊ល ៣០០០ រ៉ាល់លី នឹងរៀបចំឡើងជាផ្លូវការនៅថ្ងៃទី១៥-១៧ ខែកញ្ញា ឆ្នាំ២០២៤ ខាងមុខនេះ នៅរាជធានីភ្នំពេញ រយៈពេល ០១ថ្ងៃ និងមកខេត្តសៀមរាបរយៈពេល០២ថ្ងៃ នៅថ្ងៃទី១៦-១៧ ខែកញ្ញា ឆ្នាំ២០២៤ ។ រាល់ថវិកាដែលទទួលបាន ពីព្រឹត្តិការណ៍នេះ នឹងត្រូវបរិច្ចាគទៅកាន់មន្ទីរពេទ្យកុមារអង្គរនៅខេត្តសៀមរាប។