រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ពិធីចែកសម្ភារដល់ប្រជាសហគមន៍ព្រៃឈេីនៅចំការពូជឈេីធ្នង់ចំនួន​ ៣សហគមន៍​ ស្ថិតក្នុងស្រុកស្វាយលេី

ដោយ អ៊ុក ពិស្តារចំនួនទស្សនា (47)

នៅព្រឹកថ្ងៃសុក្រ​ ១០កេីត​ ខែពិសាខ​ ឆ្នាំជូត​ ទោស័ក​ ពស​ ២៥៦៣​ ត្រូវនឹងថ្ងៃទី០១ ខែឧសភា​ ឆ្នាំ២០២០ លោក​ ង៉ាន់ ភិរុណ អភិបាលរងខេត្ត​ តំណាងឯកឧត្តម​ ទៀ​ សីហា​ អភិបាល​ នៃគណ:អភិបាលខេត្តសៀមរាប​ បានអញ្ជេីញចូលរួម​ក្នុងពិធីចែកសម្ភារដល់ប្រជាសហគមន៍ព្រៃឈេីនៅចំការពូជឈេីធ្នង់ចំនួន​ ៣សហគមន៍​ គឺ​ សហគមន៍ព្រៃខ្លុង​ សហគមន៍ព្រៃធ្នង់​ និងសហគមន៍តាច្រាញ់​ ស្ថិតក្នុងឃុំតាសៀម​ ស្រុកស្វាយលើ​ ខេត្តសៀមរាប​ ដោយមានការអញ្ជេីញចូលរួម​ពីលោក​ ស្នងការរង​ នៃស្នងការដ្ឋាននគរបាលខេត្ត​ លោក​ ប្រធានក្រុមប្រឹក្សាស្រុកស្វាយលេី​ លោក​ លោកស្រី​ សមាជិក​ សមាជិកាក្រុមប្រឹក្សាស្រុក​ លោក​ អភិបាលស្រុកស្វាយលេី​ លោក​ ប្រធាន​ អនុមន្ទីរកសិកម្ម​ រុក្ខាប្រមាញ់​ និងនេសាទ​ លោក​ អភិបាលរងស្រុកប្រាសាទបាគង​ លោក​ នាយ​ នាយរងខណ្ឌរដ្ឋបាលព្រៃឈេីសៀមរាប​ លោក​ នាយក​ នាយរងសង្កាត់ព្រៃឈេី​ កងកម្លាំងប្រដាប់អារុធទាំង៣​ តំណាងមន្ទីរបរិស្ថាន មន្រ្តីជំនាញពាក់ព័ន្ធនានា​ និងតំណាងសហគមន៍ព្រៃឈេីទាំង៣។

ក្នុងពិធីនេះ​ លោក​ អភិបាលរងខេត្ត​ បានមានមតិសំណេះសំណាល​ ណែនាំដល់បងប្អូនប្រជាសហគមន៍អោយចូលរួមទប់ស្កាត់ជំងឺកូវី​ ១៩​ ​(COVID-19) និងណែនាំដល់សហគមន៍អោយបន្តការសហការគ្នាក្នុងការការពារព្រៃសហគមន៍​អោយបានគង់វង្ស​ ដេីម្បីជាប្រយោជន៍សាធារណះ​ ក៏ដូចជាការរក្សាបាននូវបរិស្ថានបៃតង​។

ជាមួយគ្នានោះដែរ​ លោក អភិបាលរង ក៏បាននាំយកអំណោយរបស់ ឯកឧត្តម ទៀ សីហា អភិបាលនៃគណៈអភិបាលខេត្ត ដែលរួមមាន វិទ្យុទាក់ទងចំនួន​ ៩គ្រឿង​ អាវ​ ៦០​ ស្លាក​ហាមឈូកឆាយទន្រ្ទានដីព្រៃសហគមន៍ចំនួន ៣០០ស្លាក​ និងថវិកាចំនួន ១,២០០,០០០រៀល ដោយក្នុងមួយសហគមន៍ទទួលបានវិទ្យាទាក់ទងចំនួន​ ៣គ្រឿង​ អាវ​ ២០​ ស្លាកសញ្ញាចំនួន​ ១០០ស្លាក​ ថវិកាចំនួន ៤០០,០០០រៀល និងបានឧបត្ថម្ភថវិកាដល់កងកម្លាំងប្រដាប់អាវុធទាំង៣ចំនួន ១,២០០,០០០រៀល ដោយក្នុងមួយអង្គភាពទទួលបានថវិកាចំនួន ៤០០,០០០រៀល ព្រមទាំងបានចូលរួមដាំកូនឈេី​ ចុះពិនិត្យដេីមឈេីពូជ និងថតរូប​អនុស្សាវរីយ៍ផងដែរ។

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 2 ថ្ងៃមុន