នៅព្រឹកថ្ងៃចន្ទ ១រោច ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៦ ខែធ្នូ ឆ្នាំ២០២៤ នៅសាលប្រជុំស្នងការដ្ឋាននគរបាលខេត្ត លោក សំកុល សុចិត្រា អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប អញ្ជើញចូលរួមកិច្ចប្រជុំផ្សព្វផ្សាយផែនការអនុវត្តលេខ ០០៣ផក របស់ក្រសួងមហាផ្ទៃ ស្តីពីការត្រួតពិនិត្យវត្តមានស្នាក់នៅរបស់ជនបរទេសក្នុងព្រះរាជាណាចក្រកម្ពុជា និងប្រកាសសមាសភាពក្រុមប្រតិបត្តិការត្រួតពិនិត្យជនបរទេស ក្នុងភូមិសាស្រ្តខេត្តសៀមរាប ក្រោមអធិបតីភាពដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក កែម សារិន អគ្គនាយករង នៃអគ្គនាយកដ្ឋានអន្តោប្រវេសន៍ និងមន្ត្រីជំនាញរបស់ក្រសួងមហាផ្ទៃ ព្រមទាំងមានការចូលរួមពីស្នងការរង អភិបាលរងក្រុង ស្រុកទទួលបន្ទុល អធិការ និងមន្ត្រីនគរបាល។
បន្ទាប់ពីលោកឧត្តមសេនីយ៍ទោ ហួត សុធី ស្នងការគនរបាលខេត្តបានធ្វេីសេចក្តីរាយការណ៍អំពីសិត្ថិជនអន្តោរប្រវេសន្ត និងផ្សព្វផ្សាយផែនការអនុវត្តលេខ ០០៣ផក របស់ក្រសួងមហាផ្ទៃ។ លោក សំកុល សុចិត្រា បានស្វាគមន៍យ៉ាងកក់ក្តៅចំពោះថ្នាក់ដឹកនាំក្រសួងមហាផ្ទៃ និងលោក លោកស្រីដែលបានចូលរួមការផ្សព្វផ្សាយនេះ។ លោក អភិបាលរងខេត្តបានបន្តថា ដេីម្បីអនុវត្តតាមផែនការលេខ០០៣ផក របស់ក្រសួងមហាផ្ទៃ សូមមន្ត្រីពាក់ព័ន្ធត្រូវយកចិត្តទុកដាក់ស្តាប់នូវបទបង្ហាញរបស់ក្រុមការងារជំនាញ ដែលនឹងបង្ហាញនារសៀលនេះ។ ជាមួយគ្នានេះ សូមក្រុង ស្រុកត្រូវសហការឱ្យបានល្អជាមួយក្រុមការងារនៅពេលចុះស្រង់សិត្ថិ និងជនបរទេសាអន្តោរប្រវេសន្ត។
ឯកឧត្តម ឧត្តមសេនីយ៍ឯក កែម សារិន បានថ្លែងអំណរគុណចំពោះរដ្ឋបាលខេត្តនិងស្នងការនរគបាលខេត្តដែលបានរៀបចំកិច្ចប្រជុំផ្សព្វផ្សាយផែនការរបស់ក្រសួងមហាផ្ទៃនាពេកនេះ។ ឯកឧត្តម អគ្គនាយករងបានជំរុញដល់មន្ត្រីជំនាញទាំងអស់ត្រូវផ្សព្វផ្សាយដល់ម្ចាស់សណ្ឋាគារ ផ្ទះសំណាក់ និងម្ចាស់ផ្ទះជួលអំពការប្រេីប្រាស់នូវប្រព័ន្ធ Foreigners Presence in Cambodia System (FPCS) ឱ្យបានត្រឹមត្រូវ ពិសេសចៀសវាងការចុះប្រព័ន្ធស្ទួនបន្តទៀត។ ទន្ទឹមនឹងនេះ សូមមន្ត្រីជំនាញត្រូវរៀបចំផែនការចុះស្រង់សិត្ថិជនបរទេសអន្តោរប្រវេសន្តឱ្យបានគ្រប់កន្លែងដែលជនបរទេសអន្តោរប្រវេសន្តរស់នៅ និងអធិការក្រុង ស្រុកក៏ត្រូវរៀបចំនិងជំរុញការងារគ្រប់គ្រងជនបរទេសអន្តោរប្រវេសន្តឱ្យកាន់តែល្អប្រសេីរថែមទៀត៕
