ថ្ងៃអង្គារ ៨កើតខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៨ ខែកក្កដា ឆ្នាំ២០២០ ខណ្ឌរដ្ឋបាលជលផល នៃមន្ទីរកសិកម្មរុក្ខាប្រមាញ់និងនេសាទខេត្តសៀមរាប សហការជាមួយអាជ្ញាធរស្រុកពួក បានរៀបចំពីធីដាំកូនឈើព្រៃលិចទឹកចំនួន ៦ ០០០ដើម នៅកន្លែងខាងត្បូងបឹងអភិរក្សត្រពាំងច្រាំង ស្ថិតក្នុងសហគមន៍នេសាទកែវពណ៌ឃុំកែវពណ៌ ស្រុកពួក ខេត្តសៀមរាប លើផ្ទៃដីសរុបចំនួន ១០ហិកតាដែលមានកូនឈើព្រៃលិចទឹកប្រភេទកូនរំាង កូនផ្ទោល កូនកន្សែង តាអួរ កូនត្រស់ ក្រោមអធិបតីភាពលោក ស៊ីន ចាន់ថុល អភិបាលនៃគណ:អភិបាលស្រុកពួក និងមានចូលរួមសរុបចំនួន ២៤៦អង្គ នាក់ ក្នុងនោះស្រ្ដី ៨៦នាក់ ។ការដាំឈើព្រៃលិចទឹកចំនួន៦ ០០០ដើម នៅបឹងអភិរក្សត្រពាំងច្រាំងនេះ ក្នុងគោលបំណងស្តារតំបន់ព្រៃលិចទឹកឡើងវិញដើម្បីផ្តល់ជាជំរកត្រីពងនៅរដូវវស្សា និងជៀសវាងការទន្ទ្រានយកដីធ្វើជាកម្មសិទ្ធ។ជាមួយគ្នានេះ អាជ្ញាខេត្ត ក៏ដូចជាគណៈបញ្ជាការឯកភាពរដ្ឋបាលស្រុកសូមធ្វើការអំពាវនាវដល់បងប្អូនប្រជាពលរដ្ឋសូមឈប់កាប់ទន្ទ្រានព្រៃលិចទឹក ក៏ដូចជាព្រៃឈើទាំងអស់ ហើយបែជាមកចូលរួមក្នុងការថែរក្សានិងបន្តដាំដុះបន្ថែមទៀត ដើម្បីទុកជាប្រយោជន៍ដល់ក្មេងៗជំនាន់ក្រោយ ពិសេសជាជំរកត្រីពងផងដែរ។ ម្យ៉ាងវិញទៀត ប្រសិនជាបងប្អូននៅតែបន្តល្មើសនិងបន្តកាប់ទន្ទ្រាននោះ អាជ្ញាធរគ្រប់លំដាប់ថ្នាក់នឹងចាត់វិធានកាតទៅតាមផ្លូវច្បាប់៕