ព្រឹកថ្ងៃចន្ទ ទី១០ ខែសីហា ឆ្នាំ២០២០ គណៈកម្មាធិការគ្រប់គ្រងគម្រោង បានចុះពិនិត្យការដ្ឋានសាងសង់ផ្លូវបេតុងចំនួន ១ខ្សែ ប្រវែង ២១៦ ម៉ែត្រ និងទទឹង ៨ម៉ែត្រ (ផ្លូវខាងកើតក្លឹបកំសាន្តភីងផារាដាយ)ស្ថិតភូមិវត្តដំណាក់ ដោយប្រើប្រាស់កញ្ចប់ថវិកាមូលនិធិឃុំ សង្កាត់ និងទុនចូលរួមរបស់ប្រជាពលរដ្ឋតាមដងផ្លូវ ៥០ បូក ៥០% ។ គម្រោងសាងសង់ផ្លូវ ១ខ្សែនេះ កំពុងដំណើរការជាបណ្តើរៗ ហើយគ្រោងនឹងបញ្ចប់ការដ្ឋានសាងសង់ក្នុងរយៈពេលដ៍ខ្លីខាងមុខនេះ។ លោក សាម ឡន ចៅសង្កាត់សាលាកំរើក ក៏សូមអំពាវនាវជាថ្មីម្តងទៀតដល់បងប្អូនប្រជាពលរដ្ឋដែលរស់នៅអាស្រ័យផលលើដងផ្លូវនេះ សូមមានការយោគយល់ អធ្យាស្រ័យ ចំពោះការធ្វើដំណើរលើដងផ្លូវទាំងនេះ។រដ្ឋបាលសង្កាត់ សូមថ្លែងអំណរគុណដល់បងប្អូនប្រជាពលរដ្ឋ ដែលបានចូលរូមទាំងថវិកាផ្ទាល់ខ្លួន និងផលប៉ះពាល់ក្នុងការអនុវត្តន៍គម្រោងឲ្យទទួលបានជោគជ័យ៕
