កាលពីថ្ងៃទី២៤ ខែកញ្ញា ឆ្នាំ២០២០នេះ ឯកឧត្តម ទៀ សីហា អភិបាលនៃគណៈអភិបាលខេត្តបានអមដំណើរឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល និងជាប្រធានគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ ដើម្បីចុះពិនិត្យមើលទីតាំងសម្រាប់សាងសង់មន្ទីរពិសោធន៍តំបន់ ក្នុងមន្ទីរពេទ្យបង្អែកខេត្តសៀមរាប។ការចុះពិនិត្យទីតាំងសម្រាប់សាងសង់មន្ទីរពិសោធន៍តំបន់ ស្ថិតក្នុងមន្ទីរពេទ្យបង្អែកខេត្តសៀមរាប គឺសម្រាប់ត្រៀមរៀបចំអគារ ដើម្បីបំពាក់នូវម៉ាស៊ីនពិសោធន៍ PCR ឱ្យមានលក្ខណៈជាមន្ទីរពិសោធន៍ស្តង់ដារ ក្នុងការពិនិត្យធ្វើតេស្ដរកមេរោគកូវីដ-១៩ និងរកមេរោគនៃជំងឺឆ្លងផ្សេងៗទៀត៕