នៅរសៀលថ្ងៃច័ន្ទ ទី៥ ខែតុលា ឆ្នាំ២០២០ លោក ពៅ ពិសិដ្ឋ អភិបាលរងខេត្ត តំណាងឯកឧត្តម ទៀ សីហា អភិបាល នៃគណៈអភិបាលខេត្ត អញ្ជើញចូលរួមក្នុងពិធីបើកសិក្ខាសាលាពិគ្រោះយោបល់ ដើម្បីប្រមូលធាតុចូលក្នុងការរៀបចំ កម្មវិធីអភិវឌ្ឍន៍វិស័យឯកជនដែលគ្រោងនិងចាប់អនុវត្តឆ្នាំ ២០២២ នៅខេត្តសៀមរាប ។ អង្គសិក្ខាសាលានារសៀលនេះក៏មានការអញ្ជើញចូលរួមពី លោកបណ្ឌិត ស្តែហ្វាន់ ហាន់ សែលម៉ាន់ ប្រធានកម្មវិធីRED IV &MSME និងលោក យូហ្គិន លេមប៊ឺត ប្រធានសមាសភាអភិបាលកិច្ចមូលដ្ឋាន កម្មវិធីអភិវឌ្ឍន៍សេដ្ឋកិច្ចមូលដ្ឋាន និងសហការី លោក នាយករងរដ្ឋបាលសាលាខេត្ត លោក លោកស្រី ប្រធាន-អនុប្រធានមន្ទីរ អង្គភាពនានា តំណាងសភាពាណិជ្ជកម្មខេត្តសៀមរាប ឧត្តរមានជ័យ សហក្រិនវ័យក្មេង វិទ្យាស្ថានពហុបច្ចេកទេសអង្គរ និងពហុបច្ចេកទេសភូមិភាគតេជោសែនសៀមរាប សមាគមសណ្ឋាគារ ទេសចរណ៍ និងភោជនីយដ្ឋាន ភ្ញៀវកិត្តិយសជាតិ-អន្តរជាតិ ដែលអង្គសិក្ខាសាលារៀបចំនៅសណ្ឋាគារសោម៉ាទេវីខេត្តសៀមរាប ។គោលបំណងនៃអង្គសិក្ខាសាលា ដើម្បីប្រមូលនូវធាតុចូលពីអ្នកពាក់ព័ន្ធក្នុងការរៀបចំឯកសារសំណើកម្មវិធីថ្មីរបស់ទីភ្នាក់អាល្លឺម៉ង់សម្រាប់កិច្ចសហប្រតិបត្តិការអភិវឌ្ឍន៍ (GIZ) ដែលនឹងផ្តោតលើ “ការអភិវឌ្ឍនវិស័យឯកជន” ដែលនឹងដាក់ជូនទៅក្រសួងសហប្រតិបត្តិការសេដ្ឋកិច្ច និង អអភិវឌ្ឍន៍នៃសាធារណៈរដ្ឋសហព័ន្ធអាល្លឺម៉ង សម្រាប់ការអនុវត្តចាប់ពីខែមករា ឆ្នាំ២០២២ ខាងមុខ។