នាព្រឹកថ្ងៃទី១៩ខែតុលាឆ្នាំ២០២០នេះ នៅមន្ទីរប្រៃសណីយ៍និងទូរគមនាគមន៍ខេត្តសៀមរាបបានរៀបចំកិច្ចប្រជុំពិភាក្សានិងសិក្សាហេដ្ឋារចនាសម្ព័ន្ធបំពង់ផ្លូវកាប្លិ៍អុបទិកទូរគមនាគមន៍ក្នុងក្រុងសៀមរាប ដឹកនាំកិច្ចប្រជុំដោយ ឯកឧត្តម ជា មានិត រដ្ឋលេខាធិការក្រសួងប្រៃសណីយ៍និងទូរគមនាគមន៍និងជាប្រធានក្រុមប្រឹក្សាភិបាលទូរគមនាគមន៍កម្ពុជា ព្រមទាំងមានការអញ្ជើញចូលរួមពីលោកស្រី យូ សុភា អភិបាលរងខេត្តសៀមរាប និងដោយមានការចូលរួមពីសំណាក់ ឯកឧត្តម ប្រតិភូរាជរដ្ឋាភិបាលទទួលបន្ទុកអគ្គនាយក ទូរគមនាគមន៍កម្ពុជា លោកប្រធានក្រុមសម្របសម្រួល(ក្រសួងដែនដី) លោក ប្រធានមន្ទីររៀបចំដែនដីនគរូបនីយកម្មសំណង់ និងសុរិយាដីខេត្ត និងអស់លោក តំណាងមន្ទីរសាធារណៈការខេត្ត ស្នងការនគរបាលខេត្ត ព្រមទាំងតំណាងក្រុមហ៊ុនខ្សែកាបអង្គរនិងក្រុមហ៊ុនដែលមានការពាក់ព័ន្ធអញ្ជើញចូលរួមផងដែរ ។ ជាមួយគ្នានេះ អង្គប្រជុំបានធ្វើការលើកយកប្រធានបទទីក្រុងឆ្លាតដែលមាន ចំនួន៤ចំណុចមកពិភាក្សាទៅលើ ៖១/ ហេដ្ឋារចនាសម្ព័ន្ធបំពង់ផ្លូវកាប្លិ៍ឌីជីថល,២/ អ៊ីនធឺណិត ល្បឿនលឿន 5G & Public wifi ៣/ កាម៉េរ៉ាសុវត្ថិភាព និងទី៤/ មជ្ឈមណ្ឌលទិន្នន័យខ្នាតតូច ។ ក្នុងនោះ ឯកឧត្តម ជា ម៉ានិត រដ្ឋលេខាធិការក្រសួងប្រៃសណីយ៍និងទូរគមនាគមន៍និងជាប្រធានក្រុមប្រឹក្សាភិបាលទូរគមនាគមន៍កម្ពុជា បានមានប្រសាសន៍ថា នាពេលនេះគឺយើងផ្តោតលើផែនការការងារ ដើម្បីរៀបចំជាយុទ្ធសាស្រ្តសម្រាប់អនុវត្ត និង ការគ្រប់គ្រងទូរគមនាគមន៍កម្ពុជា ដោយបានពិភាក្សាយ៉ាងហ្មត់ចត់ និងយកចិត្តទុកដាក់ខ្ពស់ ប្រកបដោយភាពទទួលខុសត្រូវ ដើម្បីសម្រេចបាននូវគោលដៅរបស់ទូរគមនាគមន៍កម្ពុជានាពេលអនាគតទៅលើវឌ្ឍនភាពការងារសាងសង់ហេដ្ឋារចនាសម្ព័ន្ធផ្លូវកាប្លិ៍អុបទិក នៅលើផ្លូវ៣៨ខ្សែដែលនិង ចាប់ផ្តើមស្ថាបនា និងកែលម្អឡើងវិញ នៅក្រុងសៀមរាបនាពេលឆាប់ៗខាងមុខនេះ ។ ឯកឧត្តម ជា មានិត បានបន្តថា ខេត្តសៀមរាបនឹងមានផ្លូវខ្វាត់ខ្វែងក្នុងលក្ខណៈជាទីក្រុងវ័យឆ្លាត(Smart City) នាពេលខាងមុខនេះ ហើយចំពោះខ្សែផ្លូវ ដែលត្រូវស្ថាបនា និងកែលម្អឡើងវិញទាំងអស់នឹងត្រូវធ្វើឱ្យក្លាយទៅជាផ្លូវដែលមានមេត្រីភាព ជាមួយវប្បធម៌ ប្រវត្តិសាស្រ្ត និងទេសចរណ៍ ហើយក៏ត្រូវស្របតាមរូបសាស្រ្តទីក្រុងដែរ។ ម្យ៉ាងទៀត ផ្លូវទាំងអស់នេះ ក៏ត្រូវគិតគូជាប្រព័ន្ធ និងលើគ្រប់ទិដ្ឋភាព ដូចជា ប្រព័ន្ធលូទឹកកខ្វក់ លូទឹកភ្លៀង ចិញ្ចើមផ្លូវ ផ្លូវថ្មើរជើង ផ្លូវសម្រាប់ជនពិការភាព ផ្លូវជិះកង់ ចំណតរថយន្ត ប្រព័ន្ធបំភ្លឺផ្លូវសាធារណៈ ផ្លាកសញ្ញានិងគំនូសចរាចរណ៍ ប្រព័ន្ធកាមេរ៉ាសុវត្ថិភាព អាងចម្រោះទឹក កខ្វក់ និងការធ្វើសួនច្បារដាំដើមឈើជាដើម៕
ហេដ្ឋារចនាសម្ព័ន្ធបំពង់ផ្លូវកាប្លិ៍អុបទិកទូរគមនាគមន៍ក្នុងក្រុងសៀមរាបខេត្តសៀមរាបនឹងត្រូវរៀបចំឱ្យបាត់ពីលើអាកាសនៅក្នុងពេលដំណើរការសាងសង់ផ្លូវ ៣៨ខ្សែ
- 563
- ដោយ អ៊ុក ពិស្តារ
អត្ថបទទាក់ទង
-
កិច្ចប្រជុំគណៈកម្មាធិការគ្រប់គ្រងមណ្ឌលអភិវឌ្ឍន៍ធនធានមនុស្សខេត្តសៀមរាប
- 563
- ដោយ vannak
-
ប្រឡងគំនូរយុវជនកាកបាទក្រហមកម្ពុជា ដេីម្បីអបអរសាទរខួបលើកទី១៦១ ទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា ២០២៤
- 563
- ដោយ vannak
-
ជំនួបពិភាក្សាការងាររវាងថ្នាក់ដឹកនាំខេត្តសៀមរាប និងប្រតិភូខេត្ត Hiroshma នៃប្រទេសជប៉ុន
- 563
- ដោយ vannak
-
មន្ទីរវប្បធម៌ និងវិចិត្រសិល្បៈ នឹងរៀបចំប្រារព្ធទិវាវប្បធម៌ជាតិ ថ្នាក់ខេត្ត នៅថ្ងៃពុធ-សុក្រ ៣រោច-៥រោច ខែផល្គុន ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី២៧-២៩ ខែមីនា ឆ្នាំ ២០២៤ ខាងមុខនេះ ក្រោមប្រធានបទ “យុវជនដើម្បីវប្បធម៌ជាតិ”មន្ទីរវប្បធម៌ និងវិចិត្រសិល្បៈ មានកិត្តិយសសូមគោរពជម្រាបជូនដំណឹងដល់ ឯកឧត្តម លោកជំទាវ អ្នក ឧកញ៉ា លោកឧកញ៉ា លោក លោកស្រី និងអ្នកនាងកញ្ញា ដែលរស់នៅខេត្តសៀមរាបទាំងអស់មេត្តា ចូលរួមអបអរសាទរ ខួបលើកទី២៦ ទិវាវប្បធម៌ជាតិ ៣មីនា ឆ្នាំ២០២៤។ ព័ត៌មានលម្អិតសូមអានសេចក្តីអំពាវនាវ ដូចខាងក្រោម៖
- 563
- ដោយ vannak
-
បងប្អូនប្រជាពលរដ្ឋប្រមាណ ៥៥៣ ៧៩៤នាក់ មកទស្សនាកម្សាន្តពិធីបុណ្យទន្លេ លេីកទី៨ ឆ្នាំ២០២៤ នៅខេត្តសៀមរាបរយៈពេលបីថ្ងៃ
- 563
- ដោយ vannak
-
រដ្ឋបាលខេត្តសូមថ្លែងអំណរគុណដល់ក្រុមហ៊ុនទាំង ៣ ដែលបានឧបត្ថម្ភទឹកសុទ្ធ និងភេសជ្ជៈដល់ខេត្ត
- 563
- ដោយ vannak
-
សម្ដេចបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជណាចក្រកម្ពុជា អញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបេីកបុណ្យទន្លេលើកទី៨ នៅខេត្តសៀមរាប
- 563
- ដោយ vannak
-
រដ្ឋបាលខេត្ត សហការជាមួយសមាគមន៍ចុងភៅកម្ពុជាខេត្តសៀមរាបបានដាក់បង្ហាញនំខ្មែរនាឱកាសបុណ្យទន្លេលេីកទី៨
- 563
- ដោយ vannak
-
ពិធីក្រុងពាលីបុណ្យទន្លេលើកទី៨ ឆ្នាំ២០២៤ សម្រាប់ការបើកព្រឹត្តិការណ៍បុណ្យនៅក្នុងខេត្តសៀមរាប
- 563
- ដោយ vannak
-
ព្រឹត្តិការណ៍កីឡារត់ប្រណាំង (Raid Amazones) លើកទី៤ នៅខេត្តសៀមរាប
- 563
- ដោយ vannak