នាព្រឹកថ្ងៃពុធ ១២កើត ខែកត្ដិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៨ ខែតុលា ឆ្នាំ ២០២០ រដ្ឋបាលស្រុកជីក្រែង បានរៀបចំកិច្ចប្រជុំសាមញ្ញលើកទី១៧ អាណត្តិទី៣ របស់ក្រុមប្រឹក្សាស្រុកជីក្រែង ក្រោមអធិបតីភាព លោក យន់ ស៊ីភន ប្រធានក្រុមប្រឹក្សាស្រុកជីក្រែង និង លោក ពៅ ប៊ុនធឿន អភិបាល នៃគណៈអភិបាលស្រុកជីក្រែង ក្រៅពីនេះក៏មានការអញ្ជើញចូលរួមពី ឯកឧត្ដម លី ទឹង និង ឯកឧត្ដម ប៉ែន សេរី សមាជិកក្រុមប្រឹក្សាខេត្តសៀមរាប លោក លោកស្រី អភិបាលរង នៃគណៈអភិបាលស្រុក លោក លោកស្រី សមាជិក សមាជិកា ក្រុមប្រឹក្សាស្រុក លោកស្រី នាយករដ្ឋបាលស្រុក លោកមេបញ្ជាការ មេបញ្ជាការរងកងកម្លាំងប្រដាប់អាវុធទាំង ៣ប្រភេទ លោក លោកស្រី ប្រធាន អនុប្រធានការិយាល័យចំណុះជុំវិញរដ្ឋបាលស្រុក លោក លោកស្រី មេឃុំទាំង១២ ក្នុងស្រុក និងមន្រ្តីលេខាធិការដ្ឋានក្រុមប្រឹក្សាស្រុក ទាំងអស់សរុបចំនួន ៦៧រូប ស្រី ១០រូប។ ការរៀបចំកិច្ចប្រជុំនេះ ដេីម្បីពិនិត្យ និងពិភាក្សាលេីរបៀបវារៈដូចខាងក្រោម៖ ១.ពិភាក្សា និងអនុម័តលើសេចក្តីព្រាងកំណត់ហេតុប្រជុំសាមញ្ញលើកទី១៦។ ២.ពិនិត្យ ពិភាក្សា ការអនុវត្តការងារសម្រាប់ខែកន្លងមក និងពិនិត្យ ពិភាក្សា អនុម័តរបាយការប្រចាំខែតុលា ឆ្នាំ២០២០ របស់ការងារនៃរដ្ឋបាលស្រុក។ ៣.បញ្ហាផ្សេងៗ- ផ្សព្វផ្សាយសេចក្ដីសម្រេចស្ដីពីការបង្កើតគណៈកម្មាធិការ ថ្នាក់ក្រោមជាតិគ្រប់គ្រងទីជម្រាលស្ទឹងជីក្រែង។- ផ្សព្វផ្សាយសេចក្ដីសម្រេចស្ដីពីការបង្កើតគណៈកម្មាធិការ ថ្នាក់ក្រោមជាតិគ្រប់គ្រងទីជម្រាលស្ទឹងសៀមរាប។- ផ្សព្វផ្សាយសេចក្ដីសម្រេចស្ដីពីការបង្កើតគណៈកម្មាធិការ ថ្នាក់ក្រោមជាតិគ្រប់គ្រងទីជម្រាលស្ទឹងស្រែង។ផ្សព្វផ្សាយលិខិតបង្គាប់ការស្ដីពីការប្រគល់ភារកិច្ចជូនមន្រ្តីរាជការ នៃមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប។
