ថ្ងៃទី៦ ខែ វិច្ឆិកា ឆ្នាំ២០២០ក្រុមការងារចម្រុះចុះរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យយានយន្តកែច្នៃខុសលក្ខណៈបច្ចេកទេស នៃមន្ទីរសាធារណការ និងដឹកជញ្ជូនខេត្ដសៀមរាបបានសហការជាមួយនគរបាលចរាចរណ៍ផ្លូវគោក សមត្ថកិច្ចប្រឆាំងបទល្មេីសគ្រឿងញៀន នៃស្នងការនគរបាលខេត្ដសៀមរាប កម្លាំងកងរាជអាវុធហត្ថ និងមន្ដ្រីជំនាញមូលដ្ឋាន ដែលដឹកនាំដោយលោក ពិន ប្រាកដ អភិបាលរងខេត្ត និងមានការចូលរួមពីលោក ជួត ច័ន្ទតារា អនុប្រធានមន្ទីរសក.ដជ.សរ ទទួលបន្ទុកបានបន្តចុះរឹតបន្តឹងអនុវត្តច្បាប់ចរាចរណ៍ផ្លូវគោកជាប្រចាំតាមដងផ្លូវជាតិលេខ៦ ក្នុងភូមិសាស្រ្ដភូមិគោកថ្មី ឃុំពួក ស្រុកពួក។ជាមួយនឹងប្រតិបត្តិការនេះដែរ ក្រុមការងារក៏បានធ្វើការត្រួតពិនិត្យរកសារធាតុញៀនចំពោះអ្នកបើកបរ ដើម្បីឱ្យការបើកបរមានស្មារតីក្នុងការប្រុងប្រយ័ត្នខ្ពស់ ម្យ៉ាងទៀត ក៏ជាកាត់ន្ថយគ្រោះថ្នាក់ចរាចរណ៍ដោយគ្រឿងញៀនផងដែរ។ ទន្ទឹមនឹងនេះ ក្រុមការងារត្រួតពិនិត្យយានយន្តទាំងឡាយណាដែលណាបានកែឆ្នៃខុសបច្ចេកទេស ដោយក្នុងនោះ កាត់ដែកដែលបានតចេញ ដោះភ្លើងដែលមានលក្ខណៈខុសបច្ចេកទេសផងដែរ។ក្នុងនាមរដ្ឋបាលខេត្ត ក៏ដូចជាក្រុមការងារសូមអំពាវដល់បងប្អូនប្រជាពលរដ្ឋទាំងអស់សូមចូលរួមគោរពច្បាប់ចរាចរណ៍ឱ្យបានខ្ជាប់ខ្ជួននិងរាល់ពេលបើកបរ ព្រមទាំងចេះអធ្យាស្រ័យយោគយល់គ្នាទៅវិញទៅមកក្នុងពេលបើកបរ ជាពិសេសសូមគោរពច្បាប់ចរាចរណ៍ទាំងអស់គ្នា ដើម្បីចូលរួមកាត់បន្ថយគ្រោះថ្នាក់ចរាចរណ៍៕