រសៀលថ្ងៃព្រហស្បតិ៍១២រោច ខែកត្ដិក ឆ្នាំជូត ទោស័កព.ស២៥៦៤ ត្រូវនឹងថ្ងៃទី១២ ខែវិច្ឆិកា ឆ្នាំ២០២០ លោក ពិន ប្រាកដ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប បានដឹកនាំកិច្ចប្រជុំពិភាក្សាពាក់ព័ន្ធនឹងវិធានការការពារ បង្ការ និងទប់ស្កាត់ការរីករាលដាលនៃជំងឺកូវីដ១៩ នៅក្នុងខេត្តសៀមរាប ដោយមានការចូលរួមពីលោក លោកស្រី អភិបាល នៃគណៈអភិបាលក្រុង ស្រុក ប្រធានមន្ទីរ អង្គភាពជុំវិញខេត្ត។បន្ទាប់ពីស្តាប់របាយការណ៍និងពិភាក្សាគ្នារួចមក លោក ពិន ប្រាកដ អភិបាលរងខេត្ត បានធ្វើការណែនាំនូវវិធានការ និងផែនការមួយចំនួនដូចជា ៖- លោក លោកស្រី អភិបាលក្រុង ស្រុក ត្រូវបន្ដផ្សព្វផ្សាយដល់អាជ្ញាធរឃុំ សង្កាត់ ភូមិ ឱ្យណែនាំផ្សព្វផ្សាយដល់បងប្អូនប្រជាពលរដ្ឋកាត់បន្ថយការជួបជុំគ្នា និងរៀបចំមណ្ឌលចត្ដាឡីស័កដោយសហការជាមួយមន្ទីរសុខាភិបាល - កងកំលាំងប្រដាប់អាវុធទាំងអស់ត្រូវការពារសន្ដិសុខ សណ្ដាប់ធ្នាប់ ទីកន្លែងចត្ដាឡីស័កដោយឈរលើគោលការណ៍របស់ក្រសួងសុខាភិបាល- រដ្ឋបាលក្រុង ស្រុក ត្រូវធ្វើការណែនាំដល់គណៈកម្មការផ្សារ និងម្ចាស់អាជីវកម្មគ្រប់ប្រភេទឱ្យណែនាំដល់អាជីវករ ឬបុគ្គលិករបស់ខ្លួន អំពីការរក្សាគម្លាត សុវត្ថិភាពសង្គម គម្លាតបុគ្គលិក ព្រមទាំងសម្អាតទីតាំងផ្សារឱ្យបានជាប់ជាប្រចាំ- មន្ទីរសុខាភិបាលខេត្ត ត្រូវរៀបចំផែនការត្រៀមគ្រប់ពេលវេលា ដូចជា ក្រុមគ្រូពេទ្យ សម្ភារផ្សេងៗ និងទីតាំងចត្ដាឡីស័ក - មន្ទីរទេសចរណ៍ខេត្ត និងមន្ទីរវប្បធម៌និងវិចិត្រសិល្បៈខេត្តត្រូវសហការជាមួយអាជ្ញាធរមូលដ្ឋាន សមត្ថកិច្ចបន្ដចុះត្រួតពិនិត្យតាមដានទីតាំងអាជីវកម្មដ្ឋានផ្សេងៗ និងបិទកន្លែងមួយចំនួនតាមការណែនាំរបស់ក្រសួងទេសចរណ៍ និងក្រសួងវប្បធម៌ និងវិចិត្រសិល្បៈ- មន្ទីរការងារ និងបណ្ដុះបណ្ដាលវិជ្ជាជីវៈខេត្ត បន្ដតាមដានស្ថិតិពលករចំណាកស្រុកដែលទៅតាមមណ្ឌលចត្ដាឡីស័ក ឱ្យបានត្រឹមត្រូវតាមការណែនាំរបស់ក្រសួងសុខាភិបាល- មន្ទីរ អង្គភាពត្រូវផ្សព្វផ្សាយដល់មន្ត្រីរបស់ខ្លួនឱ្យមានវិធានការការពារខ្លួន និងក្រុមគ្រួសារតាមការណែនាំរបស់ក្រសួងសុខាភិបាល និងពិនិត្យលទ្ធភាពកាត់បន្ថយកិច្ចប្រជុំនានា - មន្ទីរពាណិជ្ជកម្មខេត្តសហការជាមួយស្នងការនគរបាលខេត្តចុះត្រួតពិនិត្យពាក់ព័ន្ធការត្រួតពិនិត្យទំនិញផ្សេងៗ ដែលមានការលក់ឡើងថ្លៃខុសប្រក្រតី- មន្ទីរអប់រំ យុវជន និងកីឡាខេត្តត្រូវណែនាំផ្សព្វផ្សាយដល់គ្រឹះស្ថានរដ្ឋ និងឯកជនទាំងអស់ឱ្យរៀបចំអនុវត្តតាមសេចក្ដីណែនាំរបស់ក្រសួងសុខាភិបាលឱ្យបានម៉ឺងម៉ាត់បំផុត រួមទាំងកម្មវិធីប្រកួតកីឡាផ្សេងៗ - សាខាធនាគារជាតិសៀមរាប ត្រូវណែនាំផ្សព្វផ្សាយដល់គ្រឹះស្ថានធនាគារ ឫមីក្រូហិរញ្ញវត្ថុត្រូវរៀបចំអនុវត្តតាមសេចក្ដីណែនាំរបស់ក្រសួងសុខាភិបាលឱ្យបានម៉ឺងម៉ាត់បំផុត - មន្ទីរព័ត៌មានខេត្តត្រូវបន្ដការផ្សព្វផ្សាយឱ្យបានគ្រប់រូបភាព តាមវិទ្យុ ទូរទស្សន៍ និងប្រព័ន្ធផ្សព្វផ្សាយផ្សេងៗទៀត ដើម្បីបង្កើនការយល់ដឹងដល់បងប្អូនប្រជាពលរដ្ឋបន្ថែមទៀត។រដ្ឋបាលខេត្តក៏សូមអំពាវនាវដល់ប្រជាពលរដ្ឋទាំងអស់ត្រូវចូលរួមសហការនិងអនុវត្តតាមការណែនាំរបស់រាជរដ្ឋាភិបាល ក្រសួងសុខាភិបាល និងស្ថាប័នពាក់ព័ន្ធទាំងអស់ ដើម្បីចូលរួមទប់ស្កាត់ការរីករាលដាលទៅក្នុងសហគម ពិសេសសូមបងប្អូនត្រូវពាក់ម៉ាសនិងសម្អាតដៃដោយលាងនឹងអាកុល ជែលសម្លាប់មេរោគ និងសាប៊ូឱ្យបានញឹកញាប់៕
