រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ម្ចាស់គណនីហ្វេសបុក លី វណ្ណដា បានសុំទោសជាសាធារណៈចំពោះការផ្សព្វផ្សាយព័ត៌មានប្រឌិតពាក់ព័ន្ធនឹងការងារសន្តិសុខ

ដោយ អ៊ុក ពិស្តារចំនួនទស្សនា (28)

កាលពីថ្ងៃទី០៦ ខែវិច្ឆិកា ឆ្នាំ២០២០ ម្ចាស់គណនីហ្វេសបុកឈ្មោះ លី វណ្ណដា បានបង្ហោះផ្សព្វផ្សាយខ្លឹមសារថា “អ្នកគ្រប់គ្នាពេលយប់ឡើងស្ងាត់កុំជិះម៉ូតូតាមផ្លូវអង្គរកន្លែងលក់គំនូរ ព្រោះមានចោរនៅចាំស្ទាក់ប្លន់ម្តុំហ្នឹង”។ ក្រោយទទួលបានព័ត៌មាននេះ នៅថ្ងៃទី១០ ខែវិច្ឆិកា ឆ្នាំ២០២០ វេលាម៉ោង២០៖០០នាទី កម្លាំងប៉ុស្តិ៍បានចុះទៅដល់ទីតាំងផ្ទះរបស់ម្ចាស់គណនីហ្វេសប៊ុកឈ្មោះ លី វណ្ណដា មុខរបរអ្នកធ្វើនំពៀរលក់(អ្នកបង្ហោះ) មានទីតាំងនៅខាងលិចផ្សាលើភូមិ ដកពោធ៍ សង្កាត់ស្លក្រាម ក្រុងសៀមរាប ខេត្តសៀមរាប។ ក្នុងពេលសាកសួរពេលនោះ លោកស្រី បានអោយដឹងថានៅថ្ងៃកើតហេតុថ្ងៃទី០៦ខែវិច្ឆិកា ឆ្នាំ២០២០ វេលាម៉ោងប្រហែល២១៖៤០នាទី ពេលខ្លួនមិនបាននៅជាមួយប្ដីទេ ខ្លួនកំពុងនៅផ្ទះបានទទួលទូរសព្ទ័ពីប្ដីតាមរយៈលេខ ០១៥៨៨៥៨៤៨ ថា “មានគេតាមបងពីក្រោយ បងមើលតាមកញ្ចក់ឃើញគេកាន់កាំបិត គេជិះម៉ូតូគៀរផ្ដួលបង បងរត់ចូលក្នុងរបងព្រៃឧទ្យាន អាជ្ញាធរអប្សរា”។ នៅពេលលឺដូននេះខ្លួនមានការភ័យខ្លាច និងបានឆាតរកបងប្អូនអោយទៅជួយមើលប្ដី ។ ស្រាប់តែនៅវេលាម៉ោងប្រហែល ២៣៖៣០នាទីខ្លួនក៏បានឃើញប្ដីជិះម៉ូតូត្រលប់មកផ្ទះដោយសុវត្ថិភាព និងមិនមានរបួសស្នាមអ្វីទាំងអស់ ម៉ូតូក៏មិនមានខូចខាតអ្វីដែរ។តាមការបំភ្លឺរបស់បុរសជាប្តី ឈ្មោះ ស៊ាន វ៉ាន់នី ភេទប្រុស អាយុ២៧ឆ្នាំ មុខរបរជាងតោនឡាន (ការ៉ាស់ជាងម៉ៅផ្សាភូមិភាគ) បានបំភ្លឺថា៖ នៅថ្ងៃទី០៦ ខែវិច្ឆិកា ឆ្នាំ២០២០ខ្លួនបានផឹកស្រាបៀរហ្គេនប៊ឺគអស់ចំនួន១កេះកន្លះ គ្នា០៤នាក់ ក្រោយពីផឹករួចវេលាម៉ោង ២១៖៣៥នាទី ខ្លួនបានចេញពីការ៉ាស់ជួសជុលឡានជាងម៉ៅត្រលប់មកផ្ទះវិញដោយជិះម៉ូតូម៉ាក ហ្ស៊ូមឺអ៊ិច ព៌ណក្រហមជិះត្រឡប់មកផ្ទះវិញ ពេលជិះមកដល់ចំណុចមុខជាងគំនូរផ្លូវកូម៉ៃមានគុម្ពឫស្សីនៅពីមុខស្រាប់តែមានម៉ូតូពីរគ្រឿងជិះគ្នា០៤នាក់ជិះពីក្រោយ មានម៉ូតូ០១គ្រឿង ជិះវ៉ាមកខាងមុខ នៅពេលនោះខ្លួនបានបត់ចង្កូតទៅខាងកើតផ្លូវហើយផ្ដួលម៉ូតូរបស់ខ្លួនឯងដកសោះចុះរត់ចូលព្រៃឧទ្យាអង្គរតែម្ដង រួចហើយក៏បានតេមកប្រពន្ធអោយជួយ លុះក្រោយមកម៉ូតូទាំងពីរគ្រឿងនោះក៏ជិះហួសទៅបាត់ទៅ ទើបខ្លួនចេញមកក្រៅហើយបានជួបជាមួយជាងគំនូរ និងសមត្ថកិច្ចពីរនាក់ដែលខ្លួនស្គាល់ថាឯកសណ្ឋានប៉ូលីសអន្តរាគមន៍ បានធ្វើកំណត់ហេតុរូបគាត់នៅលើម៉ូតូ រួចខ្លួនក៏បានជិះម៉ូតូត្រឡប់ទៅផ្ទះ។តាមការស្រាវជ្រាវរបស់សមត្ថកិច្ច បានចុះទៅដល់កន្លែងកើតហេតុដែលជនរងគ្រោះចង្អុលបង្ហាញសួរបំភ្លឺជាងគំនូរបាននិយាយអោយដឹងថា(នៅថ្ងៃកើតហេតុអំឡុងម៉ោង២១ ទៅម៉ោង២២មិនមានករណីដូចដែលជនរងគ្រោះនិយាយទេ) កន្លែងកើតហេតុគឺ មានភ្លើងបំភ្លឺមិនដូចដែលឈ្មោះ លី វណ្ណដា បង្ហោះក្នុងបណ្តាញសង្គមហ្វេសប៊ុកនោះទេ ប្តីរបស់គាត់ក៍មិនបានដាក់ពាក្យបណ្តឹងនៅប៉ុស្តិ៍នគរបាលដែរ ហើយជាងគំនូរមិនបានលឺសម្លេងស្រែកអោយជួយនោះទេ។ក្រោយពីសមត្ថកិច្ចធ្វើការសាកសួរយ៉ាងច្បាស់លាស់សាមីខ្លួនសារភាពទទួលស្គាល់កំហុស និងសុំទោសជាសាធារណៈ ដែលខ្លួនបានបង្ហោះកន្លងមកពាក់ព័ន្ធនឹងករណីខាងលើនេះ នារសៀលថ្ងៃទី១១ ខែវិច្ឆិកា ឆ្នាំ២០២០ នៅស្នងការដ្ឋាននគរបាលខេត្តសៀមរាប។ រដ្ឋបាលខេត្ត សូមទទូចស្នើសុំឲ្យបងប្អូនប្រជាពលរដ្ឋ និងយុវជនទាំងអស់ សូមប្រើប្រាស់បណ្តាញសង្គមឲ្យបានត្រឹមត្រូវ កុំបំភ្លៃការពិត។ រដ្ឋបាលខេត្ត នៅតែបន្តយកចិត្តទុកដាក់ខ្ពស់ចំពោះសាធារណៈមតិ ដែលលើកឡើងនូវសំណូមពរ បញ្ហាប្រឈម ដោយមានមូលដ្ឋានច្បាស់ ដើម្បីរដ្ឋបាលខេត្ត មានលទ្ធភាពដោះស្រាយ និងឆ្លើយតបបានទាន់ពេលវេលា៕

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 6 ថ្ងៃមុន