រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

រដ្ឋបាលស្រុកក្រឡាញ់ បានចែកម៉ាសជូនប្រជាពលរដ្ឋ និងអាជីវករលក់ដូរនៅក្នុងផ្សារក្រឡាញ់ និងផ្សារកំពង់ថ្កូវ ដើម្បីចូលរួមការពារ និងទប់ស្កាត់ជំងឺកូវីដ-១៩

ដោយ អ៊ុក ពិស្តារចំនួនទស្សនា (113)

ម៉ាសដែលជាអំណោយរបស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា តាមរយៈសាលាខេត្តសៀមរាប ត្រូវបានផ្ដល់ជូនរដ្ឋបាលស្រុកក្រឡាញ់ ដើម្បីចែកបន្ដជូនប្រជាពលរដ្ឋ និងអាជីវករលក់ដូរនៅក្នុងផ្សារក្រឡាញ់ និងផ្សារកំពង់ថ្កូវ ដើម្បីចូលរួមការពារ និងទប់ស្កាត់ជំងឺកូវីដ-១៩ ដែលបានរីករាលដាលចូលសហគមន៍។នៅព្រឹកថ្ងៃទី០៤ ខែធ្នូ ឆ្នាំ២០២០នេះ ក្រុមការងាររដ្ឋបាលស្រុកដឹកនាំដោយលោក ឃុត សំអាត ប្រធានក្រុមប្រឹក្សាស្រុក និងលោក សុខ ណារ៉េត អភិបាលរងស្រុកតំណាងលោកស្រី ម៉ននី រង្សី អភិបាលនៃគណៈអភិបាលស្រុកក្រឡាញ់ ដោយមានការចូលរួមពីមន្រ្តីរាជការ កងកម្លាំង និងលោក ហេង គឹមចុង ប្រធានសហភាពសហព័ន្ធយុវជនកម្ពុជា ស្រុក និងសហការី បានដឹកនាំក្រុមការងារចុះចែកម៉ាសជូនអាជីវករលក់ដូរនៅក្នុងផ្សារ និងប្រជាពលរដ្ឋដែលធ្វើដំណើរតាមដងផ្លូវ ដែលមិនបានពាក់ម៉ាស។ ជាមួយគ្នានេះក្រុមការងារ ក៏បានក្រើនរំលឹកដល់ប្រជាពលរដ្ឋទាំងអស់ ត្រូវតែបង្កើននូវការប្រុងប្រយ័ត្នខ្ពស់បន្ថែមទៀត ដោយអនុវត្តតាមការណែនាំរបស់ក្រសួងសុខាភិបាល រក្សាគម្លាតសុវត្ថិភាព ពាក់ម៉ាស លាងសម្អាតដៃឱ្យបានញឹកញាប់ដោយទឹកស្អាត/សាប៊ូ/អាល់កុល/អាល់កុលជែល ដើម្បីជៀសផុតពីជំងឺកូវីដ-១៩។សូមបញ្ជាក់ជូនថា ម៉ាសដែលរដ្ឋបាលស្រុកក្រឡាញ់ ប្រើប្រា​ ស់និងចែកជូនប្រជាពលរដ្ឋក្នុងស្រុកនាពេលនេះ គឺជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា ផ្ដល់ជូនសាលាខេត្តសៀមរាប ហើយរដ្ឋបាលខេត្តបានផ្ដល់ជូនរដ្ឋបាលស្រុកក្រឡាញ់ ដើម្បីចែកបន្ដជូនប្រជាពលរដ្ឋ ដើម្បីចូលរួមការពារ និងទប់ស្កាត់ជំងឺកូវីដ-១៩៕

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 3 ម៉ោងមុន