នារសៀលថ្ងៃទី២៥ ខែមីនា ឆ្នាំ២០២៥ លោក សំកុល សុចិត្រា អភិបាលរងខេត្ត និងជាប្រធានគណៈកម្មាធិការសកម្មភាពកម្ចាត់មីនខេត្តសៀមរាប បានអញ្ជើញចូលរួមដឹកនាំកិច្ចប្រជុំបូកសរុបលទ្ធផលការងារប្រចាំឆ្នាំ២០២៤ និងលើកទិសដៅសម្រាប់អនុវត្តឆ្នាំ២០២៥ របស់គណៈកម្មាធិការសកម្មភាពមីនខេត្ត (PMAC) ដោយមានការអញ្ជើញចូលរួមពីអភិបាលនៃគណៈអភិបាលក្រុងស្រុកទាំង១៣ មន្ទីរអង្គភាពពាក់ព័ន្ធ តំណាងស្នងការ តំណាងកងរាជអាវុធហត្ថ តំណាងសឹករង តំណាងអាជ្ញាធរជាតិអប្សរា តំណាងយោធភូមិភាគទី៤ តំណាងកងពលធំលេខ២ និងប្រតិបត្តិករបោសសម្អាតមីន ចូលរួមសរុបជាង ៥០ នាក់ ដែលររៀបចំឡើងនៅសាលប្រជុំធំរដ្ឋបាលខេត្តសៀមរាប ។
ក្នុងឱកាសនេះដែរ លោក សំកុល សុចិត្រា ក៏បានលើកឡើងផងដែរថា បើទោះបីជាកម្ពុជាយើងបានជួបប្រទះនូវទុក្ខសោក ដោយសារបញ្ហាគ្រាប់មីនដែលបានបន្សល់ទុកពីភ្លើងសង្គ្រាមក៏ដោយ តែក្រោមការដឹកនាំប្រកបដោយកិត្តិបណ្ឌិតរបស់រាជរដ្ឋាភិបាលកម្ពុជា ដែលមានសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងដោយមានការជួយជ្រោមជ្រែងពីបណ្តារប្រទេសជាមិត្តព្រមទាំងអង្គការដៃគូអភិវឌ្ឍន៍នានាជាច្រើនមកដល់ពេលនេះឃើញថាគ្រាប់មីន និងសំណល់ជាតិផ្ទុះផ្សេងៗត្រូវបានធ្វើការបោសសម្អាតស្ទើតែនៅទូទាំងប្រទេស។
