រដ្ឋបាលខេត្តសៀមរាប

Siemreap Administration
ស្វែងរក

កិច្ចប្រជុំរៀបចំសោភ័ណភាព សណ្តាប់ធ្នាប់ និងរបៀបរៀបរយសាធារណៈបណ្តាញខ្សែកាបអាកាសក្នុងក្រុងសៀមរាប

  • 3
  • ដោយ vannak

នាថ្ងៃទី២៨ ខែមីនា​ ឆ្នាំ២០២៥​ នៅសាលប្រជុំធំសាលាខេត្ត​ លោក​ ង៉ូវ​ សេងកាក់ បានដឹកនាំកិច្ចប្រជុំរៀបចំសោភ័ណភាព សណ្តាប់ធ្នាប់ និងរបៀបរៀបរយសាធារណៈបណ្តាញខ្សែកាបអាកាសក្នុងក្រុងសៀមរាប ដែលមានការចូលរូមពីមន្ទីរ អង្គភាពពាក់ព័ន្ធ។

លោក​ សុខ​​ សីហា​ ប្រធានមន្ទីរប្រៃសណីយ៍ និងទូរគមនាគមន៍ខេត្តបានរាយការណ៍អំពីខ្សែផ្លូវដែលត្រូវរៀបចំសរុប​ ១៩ខ្សែផ្លូវ​ ហេីយក្រុមការងារនឹងចុះរៀបចំមុនចូលឆ្នាំ​ មាន​ ៣ខ្សែផ្លូវ​ និង​ ១៦ខ្សែផ្លូវនឹងត្រូវចុះរៀបចំនៅក្រោយចូលឆ្នាំ។

លោក​ ង៉ូវ​ សេងកាក់​ អភិបាលរងខេត្តបានណែនាំដល់មន្ទីរ​ អង្គភាពពាក់ព័ន្ធទាំងអស់ត្រូវសហការអនុវត្តការរៀបចំនេះឱ្យល្អ​ និងមានរបៀបរៀបរយ​ ដេីម្បីធ្វេីឱ្យក្រុងសៀមរាបរបស់យេីងមានសោភ័ណកាន់តែប្រសេីរឡេីងថែមទៀត។ ទន្ទឹមនេះ​ លោកក៏បានស្នេីដល់ក្រុមហ៊ុន​ ក៏ដូចជាប្រជាពលរដ្ឋត្រូវចូលរួមសហការជាមួយក្រុមការងារ​ ដេីម្បីឱ្យការរៀបចំនេះប្រព្រឹត្តទៅបានរលូនតាមការគ្រោងទុក។

អត្ថបទទាក់ទង