កាលពីថ្ងៃទី២១ ខែធ្នូ ឆ្នាំ២០២០ ឯកឧត្តម ទៀ សីហា អភិបាល នៃគណៈអភិបាលខេត្តបានដឹកនាំក្រុមការងារចុះពិនិត្យទីតាំង និងការរៀបចំដីធ្លីសម្រាប់បងប្អូនប្រជាពលរដ្ឋដែលរស់នៅលើដីចំណីស្ទឹងតាមបណ្តោយស្ទឹងសៀមរាបចាប់ពីស្ពាននាគរហូតដល់ស្ពានអង្គរដែលស្ថិតក្នុងសង្កាត់ស្លក្រាម ក្រុងសៀមរាប ដែលបានស្ម័គ្រចិត្តរុះរើសំណង់នៅតាមបណ្តោយស្ទឹងសៀមរាប។ ឯកឧត្តម អភិបាលខេត្តបានបញ្ជាក់ថា បងប្អូនប្រជាពលរដ្ឋ ដែលធ្វើការផ្លាប់ប្តូរទីតាំងនេះ ទទួលបានគោលនយោបាយដីទំហំ ២០ម៉ែត្រគុណនឹង ៣០ម៉ែត្រ ដែលស្ថិតក្នុងភូមិធម្មជាតិរុនតាឯក ឃុំឃុនរាម ស្រុកបន្ទាយស្រី។ ជាមួយគ្នានឹងការចុះពិនិត្យទីតាំងនេះ ឯកឧត្តម អភិបាលខេត្តបានណែនាំដល់ក្រុមការងារបច្ចេកទេសត្រូវធ្វើការបោះបង្គោលព្រំឱ្យបានត្រឹមត្រូវ ប្រព័ន្ធទឹក ភ្លើង និងរៀបចំហេដ្ឋារចនាសម្ព័ន្ធឱ្យសមស្របទៅតាមតម្រូវរបស់បងប្អូនប្រជាពលរដ្ឋ។ ក្នុងការទទួលគោលនយោបាយនេះ បងប្អូនប្រជាពលរដ្ឋមានការសប្បាយចិត្តនឹងការទទួលយកគោលនយោបាយនេះ និងបានថ្លែងអំណរគុណយ៉ាងជ្រាលជ្រៅចំពោះការយកចិត្តរបស់រាជរដ្ឋាភិបាលកម្ពុជា ដែលមានសម្តេចតេជោ នាយករដ្ឋមន្ត្រី និងថ្នាក់ដឹកនាំខេត្តដែលបានគិតគូរដល់ប្រជាពលរដ្ឋ។ ជាមួយគ្នានេះ ដោយស្ថានភាពបច្ចុប្បន្នដែលកំពុងធ្វើឱ្យវិបត្តិសេដ្ឋកិច្ចមានការធ្លាក់ចុះ បងប្អូនប្រជាពលរដ្ឋក៏បានសំណូមពរដល់រដ្ឋបាលជួយក្នុងការរុះរើ និងដឹកជញ្ជូនសំណង់របស់ពួកគាត់មកទីតាំងថ្មី។សម្មភាពនេះ គឺជាការចូលរួមពីប្រជាពលរដ្ឋក្នុងការអភិវឌ្ឍខេត្តសៀមរាបតាមរយៈការផ្តល់នូវហេដ្ឋារចនាសម្ព័ន្ធចំនួន ៣៨ខ្សែ និងការស្តារស្ទឹងសៀមរាបដែលជាអំណោយដ៏ថ្លៃថ្លារបស់សម្តេចតេជោ នាយករដ្ឋមន្ត្រី ដើម្បីលើកកម្ពស់សោភ័ណភាពក្រុងសៀមរាបឱ្យស័ក្កសមជាទីក្រុងវៃឆ្លាតនាពេលខាងមុខ។ ម៉្យាងទៀត ក៏ជាការទាក់ទាញភ្ញៀវទេសចរជាតិ និងអន្តរជាតិឱ្យមកទស្សនាឱ្យបានច្រើនកុះករបន្ទាប់ពីកូវីដបានចប់។រដ្ឋបាលខេត្តសៀមរាបក៏សូមថ្លែងអំណរគុណផងដែរ ចំពោះកាយវិកា ចូលរួមរបស់ប្រជាពលរដ្ឋក្នុងការអភិវឌ្ឍន៍ខេត្តសៀមរាបឱ្យមានសោភ័ណភាព និងក្លាយជាទីក្រុងវ័យឆ្លាតនាពេលអនាគត៕
បងប្អូនប្រជាពលរដ្ឋជាង៤០០គ្រួសារដែលរស់នៅតាមដងស្ទឹងសៀមរាបចាប់ពីស្ពាននាគទៅដល់ស្ពានអង្គរបានស្ម័គ្រចិត្តរុះរើសំណង់ទៅនៅទីតាំងថ្មី(ភូមិធម្មជាតិរុនតាឯក)ដែលរៀបចំដោយរដ្ឋបាលខេត្ត
- 1.2ពាន់
- ដោយ អ៊ុក ពិស្តារ
អត្ថបទទាក់ទង
-
បងប្អូនប្រជាពលរដ្ឋប្រមាណ ៥៥៣ ៧៩៤នាក់ មកទស្សនាកម្សាន្តពិធីបុណ្យទន្លេ លេីកទី៨ ឆ្នាំ២០២៤ នៅខេត្តសៀមរាបរយៈពេលបីថ្ងៃ
- 1.2ពាន់
- ដោយ vannak
-
រដ្ឋបាលខេត្តសូមថ្លែងអំណរគុណដល់ក្រុមហ៊ុនទាំង ៣ ដែលបានឧបត្ថម្ភទឹកសុទ្ធ និងភេសជ្ជៈដល់ខេត្ត
- 1.2ពាន់
- ដោយ vannak
-
សម្ដេចបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជណាចក្រកម្ពុជា អញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបេីកបុណ្យទន្លេលើកទី៨ នៅខេត្តសៀមរាប
- 1.2ពាន់
- ដោយ vannak
-
រដ្ឋបាលខេត្ត សហការជាមួយសមាគមន៍ចុងភៅកម្ពុជាខេត្តសៀមរាបបានដាក់បង្ហាញនំខ្មែរនាឱកាសបុណ្យទន្លេលេីកទី៨
- 1.2ពាន់
- ដោយ vannak
-
ពិធីក្រុងពាលីបុណ្យទន្លេលើកទី៨ ឆ្នាំ២០២៤ សម្រាប់ការបើកព្រឹត្តិការណ៍បុណ្យនៅក្នុងខេត្តសៀមរាប
- 1.2ពាន់
- ដោយ vannak
-
ព្រឹត្តិការណ៍កីឡារត់ប្រណាំង (Raid Amazones) លើកទី៤ នៅខេត្តសៀមរាប
- 1.2ពាន់
- ដោយ vannak
-
ជំនួបសម្តែងការគួសម និងការចុះហត្ថលេខាលេីលិខិតផ្តួចផ្តើមស្តីពីកិច្ចសហប្រតិបត្តិការលើគម្រោង K-City Network
- 1.2ពាន់
- ដោយ vannak
-
ផ្សាយផ្ទាល់៖ កម្មវិធីបច្ចុប្បន្នភាពសៀមរាបអង្គរ – ថ្ងៃសុក្រ ៦កើត ខែផល្គុន ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី១៥ ខែមីនា ឆ្នាំ២០២៤
- 1.2ពាន់
- ដោយ vannak
-
ពិធីសំណេះសំណាល និងពិភាក្សាការងារជាមួយប្រតិភូគណៈកម្មការអប់រំ យុវជន កីឡា ធម្មការ សាសនា វប្បធម៌ វិចិត្រសិល្បៈ និងទេសចរណ៍ (គណៈកម្មការទី៧) នៃរដ្ឋសភា
- 1.2ពាន់
- ដោយ vannak
-
ជំនួបសម្តែងការគួរសម និងពិភាក្សាការងារជាមួយក្រុមហ៊ុន ប៊ូខេនឯ.ក (BOUKEN Co., Ltd)។
- 1.2ពាន់
- ដោយ vannak