គនៅព្រឹកថ្ងៃទី០៧ ខែតុលា ឆ្នាំ២០២២នេះ លោកស្រី ម៉ននី រង្សី អភិបាលរងខេត្ត តំណាងឯកឧត្តម ទៀ សីហា អភិបាល នៃគណ:អភិបាលខេត្តសៀមរាប អញ្ជើញចូលរួមក្នុងសិក្ខាសាលាស្តីពី "ការផ្សព្វផ្សាយដាក់ឲ្យអនុវត្តផែនការសកម្មភាពជាតិ គាំពារ និងអភិវឌ្ឍកុមារតូច ២០២២-២០២៦" ក្រោមអធិបតីភាព​ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា និងជាប្រធានគណៈកម្មាធិការជាតិ គាំពារ និងអភិវឌ្ឍកុមារតូច និងមានការអញ្ជើញចូលរួមពី ប្រធាន អនុប្រធាន និងសមាជិក នៃគណៈកម្មាធិការជាតិ គាំពារ និងអភិវឌ្ឍកុមារតូច គណៈកម្មាធិការសម្របសម្រួលបច្ចេកទេសកុមារតូចតាមវិស័យ គណៈអភិបាលរាជធានី-ខេត្ត ប្រធានគ.ក.ស.ក រាជធានី-ខេត្ត មន្ទីរ-អង្គភាពពាក់ព័ន្ធ ថ្នាក់ដឹកនាំ និងមន្រ្តីអគ្គលេខាធិការដ្ឋាន គ.ជ.គ.ក និងដៃគូអភិវឌ្ឍន៍ពាក់ព័ន្ធនានា សរុបចំនួន ២៥០រូប ។សិក្ខាសាលានេះមានគោលបំណង ៖១.ផ្សព្វផ្សាយដាក់ឲ្យអនុវត្តផែនការសកម្មភាពជាតិស្តីពីការគាំពារ និងអភិវឌ្ឍន៍កុមារតូច២.យល់ដឹងពីផលប៉ះពាល់ និងសារៈសំខាន់នៃការវិនិយោគសម្រាប់ការគាំពារ និងអភិវឌ្ឍន៍កុមារតូច៣.ពង្រឹងយន្តការអនុវត្តបែបពហុវិស័យសម្រាប់ការគាំពារ និងអភិវឌ្ឍន៍កុមារតូចទាំងថ្នាក់ជាតិ និងថ្នាក់ក្រោមជាតិកម្មវិធីសិក្ខាសាលានេះរៀបចំនៅសណ្ឋាគារភ្នំពេញ រាជធានីភ្នំពេញ។