ថ្ងៃចន្ទ ទី១០ ខែតុលា ឆ្នាំ២០២២ ក្នុងសាលប្រជុំលេខ១ របស់រដ្ឋបាលខេត្តសៀមរាប បានរៀបចំកិច្ចប្រជុំប្រចាំខែ ដើម្បីត្រួតពិនិត្យនៃការអនុវត្តសកម្មភាពគម្រោងកិច្ចការពារកុមារ និងបញ្ហាប្រឈម ព្រមទាំងផែនការបន្ត ក្រោមអធិបតីភាព លោកជំទាវ ស៊ិន ណម សមាជិកក្រុមប្រឹក្សាខេត្ត និងជាប្រធានកិត្តិយសគម្រោងកិច្ចការពារកុមារខេត្ត និងលោកស្រី យូ សុភា អភិបាលរងខេត្ត តំណាងដ៏ខ្ពង់ខ្ពស់ឯកឧត្តមទៀ សីហា អភិបាលនៃគណៈអភិបាលខេត្តសៀមរាប និងមានការអញ្ញើញចូលរួមពី លោក ប្រធានមន្ទីរសង្គមកិច្ច មន្ត្រីទីចាត់ការផែនការ និងវិនិយោគ លោក លោកស្រីប្រធាន អនុប្រធានមន្ទីរ-អង្គភាពពាក់ព័ន្ធទាំងអស់។អង្គប្រជុំក៏បានស្តាប់របាយការណ៍វឌ្ឍនភាពនៃការអនុវត្តគម្រោងកិច្ចការពារកុមារខេត្ត ដោះស្រាយបញ្ហាប្រឈមប្រចាំខែរួច ក៏បានពិភាក្សាគ្នាដើម្បីដោះស្រាយបញ្ហាប្រឈមដែលអង្គប្រជុំបានរកឃើញកន្លងមក។ ជាមួយគ្នានេះ អង្គប្រជុំក៏បានដាក់ចេញផែនការអនុវត្តបន្តដល់គ្រប់ភាគីពាក់ព័ន្ធទាំងអស់ ដើម្បីធានាឱ្យការអនុវត្តគម្រោងនេះអនុវត្តដោយរលូន និងប្រកបដោយប្រសិទ្ធភាពខ្ពស់៕