តាមរយៈការស្ទង់មតិរបស់គេហទំព័រទេសចរណ៍ Time Out ដ៏ល្បីល្បាញរបស់អង់គ្លេស ដែលបានធ្វើទៅលើទីក្រុងប្រមាណ ២ម៉ឺន លើពិភពលោក ដោយអនុញ្ញាតឲ្យអ្នកជំនាញក្នុងតំបន់ និង ទេសចរណ៍ផ្តល់ចំណាត់ថ្នាក់ ចំពោះទីតាំង ដើរកម្សាន្ត ម្ហូបអាហារ វប្បធម៌ និង សហគមន៍។ចំណាត់ថ្នាក់ Time Out ត្រូវបានផ្សាយបន្តដោយ CNN ផងដែរ ដោយមានការសរសេររៀបរាប់ពីសកម្មភាពទេសចរណ៍គួរធ្វើនៅ ភូមិវត្តបូព៌ ដោយពួកគេអាចចំណាយពេលមួយថ្ងៃក្នុងការដើរកម្សាន្តនៅភូមិដ៏សែនមនោរម្យមួយនេះ ដើម្បីទទួលបានបទពិសោធន៍ដំណើរកម្សាន្តថ្មីនៅកម្ពុជា។ ក្នុងបញ្ជីចំណាត់ថ្នាក់ទីតាំង ដ៏សែន មនោរម្យទាំង ៥១លើពិភពលោកប្រចាំឆ្នាំ២០២២ (The 51 Coolest Neighborhoods in the World) Time Out បានដាក់ ភូមិវត្តបូព៌ ស្ថិតនៅលំដាប់ទីបី បន្ទាប់ពីទីតាំង Colonia Americana ក្រុង Guadalajara ប្រទេសម៉ិកស៊ិក និង Cais do Sodre ក្រុងលីស្បោន ប្រទេសព័រទុយហ្គាល់។ចុងក្រោយនេះ គេហទំព័រទេសចរណ៍ Time Out ដ៏ល្បីល្បាញរបស់អង់គ្លេស បានចាត់ថ្នាក់ ភូមិវត្តបូព៌ទាំងមូល ក្នុងចំណោមទីតាំង ដ៏សែនមនោរម្យបំផុតទាំង ៥១លើ ពិភពលោក។ កក្តានេះ គឺជាការចូលរួម និងការយកចិត្តទុកដាក់ដ៏ធំធេងពីសំណាក់អាជ្ញាធរមូលដ្ឋាន និងប្រជាពលរដ្ឋដែលរស់នៅក្នុងភូមិវត្តបូព៌ សង្កាត់សាលាកំរើក ក្រុង សៀមរាប ខេត្តសៀមរាប។តាមរយៈការវាយតម្លៃ ជាមោទកភាព និងកិត្តិយសសម្រាប់ប្រជាពលរដ្ឋនៅភូមិវត្តបូព៌ រដ្ឋបាលសង្កាត់សាលាកំរើក និងខេត្តសៀមរាបទាំងមូល។ មិនតែប៉ុណ្ណោះ នេះជាការទាក់ទាញភ្ញៀវទេសចរណ៍ជាតិ អន្តរជាតិ ចូលមកទស្សនាខេត្តសៀមរាប កាន់ច្រើនបន្ថែមទៀត។ ប្រភព៖ សារព័ត៌មានថ្មីៗ