កម្មវិធីរត់ជាមួយសាយ ៤សែនជំហាន ដើម្បីរៃអង្គាសថវិកាជួយសង្គ្រោះជីវិតកុមារពីជំងឺមហារីកនៅក្នុងមន្ទីរពេទ្យកុមារអង្គរខេត្តសៀមរាប ដែលរៀបចំឡើងដោយបងប្អូនគ្រួសារខ្មែរយើងស្គាល់ឈ្មោះថា (សាយ) ជាតារាចម្រៀងដ៏មានឈ្មោះបោះសំឡេងនៅកម្ពុជា សហការជាមួយសហភាពសហព័ន្ធយុវជនកម្ពុជា បានធ្វើដំណើររត់ថ្មើជើងចំងាយប្រមាណ៣០៣គឺឡូម៉ែត្រ ក្នុងរយៈពេល៩ថ្ងៃចាប់ពីថ្ងៃទី២២ ខែតុលា ឆ្នាំ២០២២ ដល់ថ្ងៃទី៣១ ខែតុលាឆ្នាំ២០២២ ដោយចេញដំណើរពី សហភាពសហព័ន្ធយុវជនកម្ពុជា ស្នាក់ការរាជធានីភ្នំពេញ ឆ្ពោះមកកាន់ខេត្តសៀមរាប តាមបណ្តោយផ្លូវជាតិលេខ៦។ ការរត់នេះមកដល់ខេត្តសៀមរាបក៏មានកាទទួលស្វាគមន៍របស់លោក អ៉ឹង គឹមលាង អភិបាលរងខេត្ត តំណាងឯកឧត្តម ទៀ សីហា អភិបាលខេត្ត ដោយមានការចូលរួមពីថ្នាក់ដឹកនាំមន្ទីរ អាជ្ញាធរក្រុង ស្រុក និង សភាពសហព័ន្ធយុវជនកម្ពុជាខេត្ត ក្រុង ស្រុក ដើម្បីចូលរួមលើកទឹកចិត្តចំពោះ "សាយ" និងសហការី ក៏ដូចជាការចូលរួមជាមួយកម្មវិធី «៤សែនជំហាន ដើម្បីរយរៃអង្គាសថវិកាដើម្បីជួយសង្គ្រោះជីវិតកុមារពីជំងឺមហារីកនៅក្នុងមន្ទីរពេទ្យកុមារអង្គរ» ដើមី្បប្រមូលថវិកា ក្នុងការទ្រទ្រង់នូវសកម្មភាពនៃការព្យាបាលកុមារកម្ពុជា ដោយឥតគិតថ្ងៃ របស់មន្ទីរពេទ្យកុមារអង្គរ។ នាកឱកាសនោះដែរ លោក អ៉ឹង គឹមលាង ក៏បានធ្វើការថ្លែងអំណរគុណចំពោះការលះបង់របស់លោក អូន បឋម ដែលបានបង្កើតកម្មវិធីនេះឡើង ដើមី្បជាការក្រើនរំលឹកសតិស្មារតី របស់ជនរួមជាតិខ្មែរយើង ឲ្យមានស្មារតីចេះជួយគ្នា រួមសាមគ្គីគ្នា ក្នុងការទ្រទ្រង់ដល់ធនធានមនុស្ស សំខាន់ចំពោះសុខភាពកុមារ ដែលជាទំពាំងស្នងប្ញសី្សនៃអនាគតប្រទេសជាតិ។ លោកបានបន្ដថា សកម្មភាពរបស់លោកនឹងអាចក្លាយជាគំរូសម្រាប់យុវជនកម្ពុជាដទៃទៀត ក្នុងការរួមចំណែកតបស្នងចំពោះប្រទេសជាតិ ទៅតាមលទ្ធភាពរៀងៗខ្លួន។ ព្រោះប្រជាពលរដ្ឋម្នាក់ៗនៅក្នុងសង្គមជាតិ គួរចូលរួមចែករំលែកដោះស្រាយបញ្ហាមិនថាតូចឬធំ រក្សាឲ្យបាននូវការរួបរួមគ្នា ដើម្បីភាពរីកចម្រើនទាំងអស់គ្នា ដែលកុមារនៅកម្ពុជាអាចទទួលបាន ឱកាសដូចៗគ្នា ក្នុងការលូតលាស់ប្រកបដោយសុខភាពបរិបូណ៌ និងក្លាយជាធនធានមនុស្សដ៏ល្អសម្រាប់ការអភិវឌ្ឍប្រទេសជាតិ ។ លោកបានបញ្ជាក់ថា ការផ្ដល់មូលនិធិដល់មន្ទីរពេទ្យកុមារអង្គរ ទោះតិចក្ដីឬច្រើនក្ដី គឺពិតជាទង្វើសប្បុរសធម៌ បង្កប់ទៅដោយអត្ថន័យនិងក្ដីមេត្តាដ៏សម្បើមសម្រាប់ជីវិតកុមារនៅកម្ពុជាយើង។សូមបញ្ចាក់ផងដែលថា កម្មវិធីរត់ជាមួយសាយ ៤សែនជំហាន ដើម្បីរៃអង្គាសថវិកាដើម្បីជួយសង្គ្រោះជីវិតកុមារពីជំងឺមហារីកនៅក្នុងមន្ទីរពេទ្យកុមារអង្គរខេត្តសៀមរាប ដែលរៀបចំឡើងដោយ លោក អូន បឋម (សាយ) បានប្រគល់ថវិការជូនដល់មន្ទីរពេទ្យកុមារអង្គរខេត្តសៀមរាបនាព្រឹកនេះបានចំនួនជាង៦ម៉ឺនដុល្លារសហរដ្ឋអាមេរិក ហើយក្នុងកម្មពិធីរៃអង្គាសថវិកាដើម្បីជួយសង្គ្រោះជីវិតកុមារពីជំងឺមហារីកនៅក្នុងមន្ទីរពេទ្យកុមារអង្គរខេត្តសៀមរាបនេះដែល លោក អូន បឋម (សាយ) សូមអំពាវនាវដល់បងប្អូនប្រជាពលរដ្ឋក្នុងប្រទេសកម្ពុជាមេតាបន្តជួយឧបត្ថមថវិការរហូតដល់ថ្ងៃទី៣១ ខែធ្នូ ឆ្នាំ២០២២ ផងដែរ៕
ថ្នាក់ដឹកនាំខត្តសៀមរាបទទួលស្វាគមន៍ការរត់ជាមួយសាយប្រមូលថវិកាបានជាង ៦ម៉ឺនដុល្លារ ប្រគល់ជូនមន្ទីរពេទ្យកុមារអង្គរខេត្តសៀមរាប
- 332
- ដោយ អ៊ុក ពិស្តារ
អត្ថបទទាក់ទង
-
គណៈប្រតិភូជាន់ខ្ពស់រដ្ឋសភា នៃប្រទេសហុងគ្រី បានអញ្ជេីញមកទស្សនកិច្ចជាផ្លូវការក្នុងខេត្តសៀមរាប
- 332
- ដោយ vannak
-
រដ្ឋបាលខេត្តសូមជូនដំណឹងស្តីពីការរៀបចំពិធីបុណ្យមាឃបូជា ព.ស.២៥៦៨ គ.ស.២០២៥
- 332
- ដោយ vannak
-
ឯកអគ្គរដ្ឋទូតអូស្ត្រាលីប្រចាំកម្ពុជាធ្វើដំណើរទស្សនកិច្ចការអនុវត្តការងារគណនេយ្យភាពសង្គម នៅស្រុកសូទ្រនិគម
- 332
- ដោយ vannak
-
រដ្ឋបាលខត្តសូមជូនដំណឹងស្តីពីការរៀបចំកែលម្អសួនតេជោសន្តិភាព ប៉ែកខាងលិច ដើម្បីត្រៀមរៀបចំព្រឹត្តិការណ៍ អង្គរសង្ក្រាន្ត ឆ្នាំ២០២៥ ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំម្សាញ់ សប្តស័ក ពុទ្ធសករាជ២៥៦៩ ក្នុងក្រុងសៀមរាប ខេត្តសៀមរាប
- 332
- ដោយ vannak
-
មន្ទីរព័ត៌មានខេត្តសៀមរាប អំពាវនាវដល់សាធារណជនទាំងអស់ ចូលរួមទប់ស្កាត់ជនក្លែងបន្លំជាអ្នកសារព័ត៌មាន ឬជនឆ្លៀតឱកាសជ្រកក្រោមអង្គភាពសារព័ត៌មាន ដើម្បីស្វែងរកផលប្រយោជន៍ផ្ទាល់ខ្លួនតាមរូបភាពផ្សេងៗ
- 332
- ដោយ vannak
-
សេចក្តីប្រកាសព័ត៌មាន ស្ដីពីលទ្ធផលសន្និបាតបូកសរុបលទ្ធផលការងារប្រចាំឆ្នាំ២០២៤និងលើកទិសដៅការងាឆ្នាំ២០២៥របស់រដ្ឋបាលខេត្តសៀមរាប
- 332
- ដោយ vannak
-
ជំនួបសម្ដែងការគួរសម និងពិភាក្សាការងាររវាងថ្នាក់ដឹកនាំរដ្ឋបាលខេត្ត ជាមួយ លោក Narut Soontarodom អគ្គកុងស៊ុលព្រះរាជាណាចក្រថៃ ប្រចាំខេត្តសៀមរាប
- 332
- ដោយ vannak
-
ជំនួបសម្ដែងការគួរសម និងពិភាក្សាការងាររវាងថ្នាក់ដឹកនាំរដ្ឋបាលខេត្ត ជាមួយឯកឧត្តម ឯកអគ្គរដ្ឋទូតអូស្ត្រាលី ប្រចាំព្រះរាជាណាចក្រកម្ពុជា
- 332
- ដោយ vannak
-
កិច្ចប្រជុំគាំទ្របច្ចេកទេស និងពិនិត្យមើលដំណើរការនៃការគ្រប់គ្រងហិរញ្ញវត្ថុក្នុងការអនុវត្តគម្រោងសមាហរណកម្មគណនេយ្យភាពសង្គមទៅក្នុងប្រព័ន្ធរដ្ឋបាលថ្នាក់ជាតិ និងថ្នាក់ក្រោមជាតិ ដំណាក់កាលទី២
- 332
- ដោយ vannak
-
រដ្ឋបាលខត្តចេញសេចក្តីណែនាំចំនួន ៩ចំណុច ស្តីពីវិធានការទប់ស្កាត់ និងកាត់បន្ថយការបំពុលខ្យល់សាធារណៈ នៅក្នុងភូមិសាស្ត្រខេត្តសៀមរាប
- 332
- ដោយ vannak