នារសៀលថ្ងៃ ថ្ងៃចន្ទ ៦រោច ខែកតិ្តក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៤ ខែវិច្ឆិកា ឆ្នាំ២០២២ វេលាម៉ោង ១៤៖៣០ នាទី នៅបន្ទប់ប្រជុំវីឌីអូខនហ្វឺរិនរបស់រដ្ឋបាលខេត្តសៀមរាប លោក សុខ ថុល អភិបាលរងខេត្ត តំណាងឯកឧត្តម ទៀ សីហា អភិបាល នៃគណៈអភិបាលខេត្ត បានអញ្ជើញជួបសម្តែងការគួរសម និងពិភាក្សាការងារ ជាមួយលោកស្រី Judith REYNAUD អភិបាលរងក្រុង Fontainebleau ដោយមានការអញ្ជើញចូលរួមពី លោក នាយករងរដ្ឋបាលខេត្ត មន្ត្រីពាក់ព័ន្ធ និងប្រតិភូអមដំណើរ។ កិច្ចពិភាក្សានេះគឺដើម្បីបង្កើននៃការលើកកម្ពស់កិច្ចសហប្រតិបត្តិការរវាងក្រុង Fontainebleau និង រដ្ឋបាលខេត្តសៀមរាបឱ្យកាន់តែប្រសើរឡើងថែមទៀត។ នាឱកាសនោះដែលលោក សុខថុល អភិបាលរងខេត្ត ក៏បានថ្លែងអំណរគុណយ៉ាងជ្រាលជ្រៅចំពោះលោកស្រី Judith REYNAUD អភិបាលរងក្រុង Fontainebleau និងប្រតិភូអមដំណើរ ដែលបានចំណាយពេលវេលាដ៏មានតម្លៃអញ្ជើញចូលរួមក្នុងជំនួបពិភាក្សានាពេលនេះ៕