កាលពីព្រឹកថ្ងៃចន្ទ ៦រោច ខែកត្ដិក ឆ្នាំខាល ចត្វា ស័ក ព.ស២៥៦៦ ត្រូវនឹងថ្ងៃទី១៤ ខែវិច្ឆិកាឆ្នាំ២០២២ លោក ប៉ែន ​ប៊ុនធឿន អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្ត តំណាងលោក ទា គឹមសុទ្ធ ប្រធានមន្ទីរ ព្រមទាំងសហការី បានចូលរួមពិធីសំណេះសំណាល និងបានចែកពូជបន្លែ ជីសិរីរាង្គ ព្រមទាំងថ្នាំកសិកម្ម ជូនដល់កសិកររងគ្រោះដោយសារជំនន់ទឹកភ្លៀងរដូវវស្សាឆ្នាំ២០២២ នៅឃុំលាងដៃ ស្រុកអង្គរធំ ខេត្តសៀមរាប។ ពិធីនេះដែរមាន លោក ថាន់ អាន់ អភិបាលរងនៃគណៈអភិបាលស្រុកអង្គរធំ លោកស្រីមេឃុំលាងដៃ សមាជិកក្រុមប្រឹក្សាស្រុក ក្រុមប្រឹក្សាឃុំ និងលោក ណយ វ៉ាន់នេត ទូតសុឆន្ទៈតំណាងក្រុមហ៊ុនហ៊ុយ យន់ អេហ្រ្គីខលឈ័រ និងបុគ្គលិកក្រុមហ៊ុន ។ កសិកររងគ្រោះបានមកទទួលយកមានចំនួន១០០គ្រួសារ មកពី០៩ភូមិ នៃស្រុកអង្គរធំ ដែលក្នុង១គ្រួសារទទួលបានពូជបន្លែចំនួន៥មុខ និងជី១បេ។ កម្មវិធីនេះធ្វើឡើងនៅបរិវេណការិយាល័យកសិកម្ម ធនធានធម្មជាតិ និងបរិស្ថាន ភូមិភ្លង់ ឃុំលាង់ដៃ ស្រុកអង្គរធំ ខេត្តសៀមរាប ដោយថវិកាកម្មវិធីរបស់មន្ទីរកសិកម្ម រុក្ខាប្រមាញ់ និងនេសាទខេត្តឆ្នំា២០២២។