ព្រឹកថ្ងៃទី ២៣ ខែវិច្ឆិកា ឆ្នាំ ២០២២ វេលាម៉ោង ៨:00 នាទី នៅសល់ប្រជុំធំនៃសាលាខេត្តសៀមរាប មានកិច្ចប្រជុំក្រុមការងារបច្ចេកទេសគម្រោងការអនុវត្តពិធីសាស្ត្រទីក្រុងឆ្លាតវៃ ដើម្បីដោះស្រាយបញ្ហាទីក្រុងក្នុងខេត្តសៀមរាប ដោយមានការអញ្ជើញចូលរួមពី លោកស្រីអភិបាលរងក្រុងសៀមរាប លោក លោកស្រីប្រធានមន្ទីរពាក់ព័ន្ធ អាជ្ញាធរអប្សរា គ្រឹះស្ថានអង្គរ ស្នងការ មេបញ្ជាការរងកងរាជអាវុធហត្ថខេត្ត លោក លោកស្រីនាយកទីចាត់ការពាក់ព័ន្ធ និងក្រុមបញ្ញាវន្តដែលមកពីសាកលវិទ្យាល័យចំនួន ៤ សាកលវិទ្យាល័យជាតិគ្រប់គ្រង សាកលវិទ្យាល័យបច្ចេកវិទ្យាកម្ពុជាសាកលវិទ្យាល័យអាស៊ីអឺរ៉ុបនិង សកលវិទ្យាល័យសៅស៍អ៊ីសថ៍អេយសៀ ព្រមទាំងក្រុមការងារ JICA។បន្ទាប់ពីមតិស្វាគមន៍របស់ក្រុមការងារអ្នកជំនាញ JICA រួចមក ក្រុមក្រុមការងារបច្ចេកទេស ដែលបានមកពីសាកលវិទ្យាល័យ បានធ្វេីបង្ហាញ ស្តីពីលទ្ធផលនៃការពិភាក្សា ក្នុងសិក្ខាសាលាវិស័យសិក្សាធិការ បទបង្ហាញពីគោលការណ៍គ្រប់គ្រងទិន្នន័យ (JET) និងបទបង្ហាញពីបទពិសោធន៍ដែលទទួលបានពីការចូលរួមវគ្គបណ្ដុះបណ្ដាលនៅប្រទេសជប៉ុន (SRPA) ផងដែរ៕