កាលពីថ្ងៃចន្ទ១៣រោច ខែកក្ដិក ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី២១ ខែវិច្ឆិកា ឆ្នាំ ២០២២ លោក ហ៊ុន រស្មី ប្រធានការិយាល័យនីតិកម្មកសិកម្ម តំណាងលោកប្រធានមន្ទីរកសិកម្មរុក្ខាប្រមាញ់ និងនេសាទខេត្តសៀមរាប​ ព្រមទាំងសហការី បានចូលរួមក្នុងកម្មវិធីចែកថ្នាំកម្ចាត់ស្មៅស្រូវ និងបានណែនាំបច្ចេកទេសប្រើប្រាស់ប្រកបដោយសុវត្ថិភាព និងប្រសិទ្ធភាពដល់ប្រជាពលរដ្ឋរងគ្រោះដោយទឹកជំនន់ ១០០ គ្រួសារ នៅឃុំល្វា ស្រុកពួក និងឃុំសំបួរ ស្រុកក្រឡាញ់ ចំនួន១០០គ្រួសារ​ ដោយមានការចូលរួមពីសំណាក់លោក អភិបាលរងនៃគណៈអភិបាលស្រុក លោកមេឃុំ លោកប្រធានការិយាល័យកសិកម្ម ធនធានធម្មជាតិ និង បរិស្ថាន និងអង្គភាពពាក់ព័ន្ធ ក្រោមកិច្ចសហការរវាងមន្ទីរកសិកម្ម រុក្ខាប្រមាញ់ និងនេសាទខេត្ត និងក្រុមហ៊ុនយូធីក្រប ប្រឺថេកសិន។សូមបញ្ជាក់ផងដែរថារហូតមកទល់ពេលនេះមន្ទីរកសិកម្មរុក្ខាប្រមាញ់ និងនេសាទខេត្តសៀមរាប សហការ ជាមួយក្រុមហ៊ុនយូធីក្រប ប្រឺថេកសិន បានចុះចែកអំណោយថ្នាំស្មៅដល់កសិករដែលរងគ្រោះដោយទឹកជំនន់ និងប៉ះពាល់ដោយជំងឺ covid 19 កន្លងមកក្នុងខេត្តសៀមរាប ចំនួន ០៥ ក្រុង-ស្រុក រួមមាន ស្រុកជីក្រែងចំនួន ៣០០ គ្រួសារ ស្រុកសូទ្រនិគមចំនួន ៣០០គ្រួសារ ក្រុងសៀមរាប ១០០គ្រួសារ ស្រុកពួក ២០០គ្រួសារ និងស្រុកក្រឡាញ់ចំនួន ១០០ គ្រួសារ សរុបចំនួន ១ ០០០គ្រួសារ។រដ្ឋបាលខេត្តក៏សូមថ្លែងនូវអំណរគុណយ៉ាងជ្រាលជ្រៅចំពោះក្រុមហ៊ុនយូធីក្រប ប្រឺថេកសិន ដែលបានឧបត្ថម្ភគាំទ្រថ្នាំកម្ចាត់ស្មៅ​ និងមន្ត្រីបច្ចេកទេសមន្ទីរកសិម្ម​ រុក្ខាប្រមាញ់​ និងនេសាទខេត្តដែលបានផ្តល់បច្ចេកទេសព្រមទាំងសុវត្ថិភាពប្រេីប្រាស់ដល់ប្រជាពលរដ្ឋផងដែរ៕