នារសៀល ថ្ងៃព្រហស្បតិ៍ ០៨កើត ខែមិគសិរ ឆ្នាំខាល ចត្វាស័ក ព.ស២៥៦៦ត្រូវនឹងថ្ងៃទី ០១ ខែ ធ្នូ ឆ្នាំ២០២២លោក ឃឹម ហ្វីណង់ អភិបាលរង នៃគណៈអភិបាលខេត្តសៀមរាប តំណាងដ៏ខ្ពង់ខ្ពង់ ឯកឧត្តម ទៀ សីហា អភិបាលនៃគណៈអភិបាលខេត្ត អញ្ជើញចូលរួមបើកកម្មវិធី “ហាត់ការវិជ្ជាជីវៈតាមអាជីវកម្មសណ្ឋាគារ និងភោជនីយដ្ឋាន លើជំនាញការិយាល័យជួរមុខ គេហកិច្ច ម្ហូបអាហារ និងភេសជ្ជៈ” ក្រោមអធិបតីភាព ឯកឧត្តម ប៉ាក់ សុខុម រដ្ឋលេខាធិការក្រសួងទេសចរណ៍។ លោក អភិបាលរងខេត្ត ទន្ទឹមនឹងការងើបឡើងវិញជាបណ្តើរៗ នៃវិស័យទេសចរណ៍សម្រាប់ខេត្តសៀមរាបនេះគឺទាមទារឱ្យមានការបណ្តុះបណ្តាលនូវសមត្ថភាពជំនាញដល់បុគ្គលិក ដែលកំពុងបម្រើការក្នុងវិស័យទេសចរណ៍ ដែលវាជាមូលដ្ឋានយុទ្ធសាស្ត្រនៃការពង្រឹងគុណភាពសេវាកម្ម និងការផ្តល់សេវាប្រកបដោយសេចក្តីពេញចិត្តដល់ភ្ញៀវទេសចរ ជាពិសេសគឺបានបង្កើននូវផលិតភាពការងារ ពង្រឹងឧត្តមភាពប្រកួតប្រជែង ជំរុញការបង្កើតថ្មី និងភាពច្នៃប្រឌិតខ្ពស់សម្រាប់បុគ្គលិក។ ការបើកកម្មវិធីហាត់ការវិជ្ជាជីវៈតាមអាជីវកម្មសណ្ឋាគារ និងភោជនីយដ្ឋាន នាពេលនេះគឺពិតជាមានសារៈសំខាន់ និងភាពចាំបាច់ខ្លាំងណាស់សម្រាប់ទ្រទ្រង់ដល់វិស័យទេសចរណ៍ ដោយក្នុងរយៈពេលពីរឆ្នាំកន្លងមកនេះ បុគ្គលិកជំនាញដែលធ្លាប់បម្រើការក្នុងវិស័យទេសចរណ៍បានងាកទៅបម្រើការនៅក្នុងវិស័យផ្សេងដែលមិនមែនជាជំនាញរបស់ខ្លួន ដែលធ្វើឱ្យធនធានមនុស្សក្នុងវិស័យទេសចរណ៍បានទទួលរងនូវផលប៉ះពាល់យ៉ាងខ្លាំង ។ តាមរយៈកម្មវិធីអភិវឌ្ឍន៍ជំនាញនេះ គឺបានឆ្លុងបញ្ចាំងពីការត្រៀមខ្លួនយ៉ាងពេញលេញរបស់យើងទាំងអស់គ្នា ក្នុងការទទួលភ្ញៀវទេសចរដែលនឹងចូលមកទស្សនាក្នុងប្រទេសកម្ពុជា ក៏ដូចជាខេត្តសៀមរាបនាពេលខាងមុខ ជាពិសេសក្នុងឆ្នាំ២០២៣ ខាងមុខ ជាឆ្នាំដែលកម្ពុជានឹងធ្វើជាម្ចាស់ផ្ទះព្រឹត្តិការណ៍កីឡាស៊ីហ្គេម-អាស៊ានប៉ារ៉ាហ្គេម។ឆ្លៀតក្នុងឱកាសនោះ លោក អភិបាលរងខេត្តក៏បានសម្តែងនូវការថ្លែងអំណរគុណ ដោយមានការយកចិត្តទុកដាក់ពីរាជរដ្ឋាភិបាលកម្ពុជា ជាពិសេសដោយមានការចង្អុលបង្ហាញពីក្រសួងទេសចរណ៍ និងមានការគាំទ្រពីក្រសួង ស្ថាប័នពាក់ព័ន្ធនានា ព្រមទាំងមានកិច្ចសហប្រតិបត្តិការល្អជាមួយផ្នែកឯកជន និងដៃគូអភិវឌ្ឍន៍នានា រួមជាមួយនឹងការចូលរួមចំណែកគាំទ្រពីសំណាក់ប្រជាពលរដ្ឋនៅក្នុងខេត្តផ្ទាល់ ព្រមជាមួយនឹងការចូលរួមពីភ្ញៀវទេសចរជាតិ-អន្តរជាតិ បានធ្វើឲ្យវិស័យទេសចរណ៍ខេត្តសៀមរាប មានការអភិវឌ្ឍរីកចម្រើនពីមួយឆ្នាំទៅមួយឆ្នាំ និងបានចូលរួមចំណែកក្លាយជាវិស័យដ៏សំខាន់មួយរបស់រាជរដ្ឋាភិបាលកម្ពុជា ក្នុងការកាត់បន្ថយភាពក្រីក្រ និងជំរុញកំណើនGDP របស់ប្រទេសក្នុងរយៈពេលជាងពីរទសវត្សកន្លងមកនេះ។
ពិធីបើកកម្មវិធី “ហាត់ការវិជ្ជាជីវៈតាមអាជីវកម្មសណ្ឋាគារ និងភោជនីយដ្ឋាន លើជំនាញការិយាល័យជួរមុខ គេហកិច្ច ម្ហូបអាហារ និងភេសជ្ជៈ”
- 218
- ដោយ អ៊ុក ពិស្តារ
អត្ថបទទាក់ទង
-
កិច្ចប្រជុំពិភាក្សាពាក់ព័ន្ធនឹងការត្រៀមបម្រុង បង្ការ និងត្រៀមឆ្លើយតប គ្រោះមហន្តរាយទឹកជំនន់ក្នុងរដូវវស្សាឆ្នាំ២០២៤ នៅតាមបណ្តាភូមិសាស្ត្រ ក្រុង ស្រុក នៃខេត្តសៀមរាប
- 218
- ដោយ vannak
-
បើកវគ្គបណ្ដុះបណ្ដាលផ្នែកបដិសណ្ឋារកិច្ចផ្នែកបដិសណ្ឋាកិច្ច នៅខេត្តសៀមរាប
- 218
- ដោយ vannak
-
សេចក្តីប្រកាសព័ត៌មានស្តីពីឧបទ្ទេវហេតុគ្រោះធម្មជាតិខ្យល់កន្ត្រាក់ បណ្តាលឱ្យរលំដើមឈើមួយដើម សង្កត់រូបចម្លាក់មួយចំនួន និងប្រជាពលរដ្ឋឆ្លងកាត់នៅចំណុចខ្លោងទ្វារទន្លេអុំ ស្ថិតនៅភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប
- 218
- ដោយ vannak
-
រដ្ឋបាលខេត្តសៀមរាបចេញសេចក្តីណែនាំ ស្តីពីការអបអរសាទរការបើកការដ្ឋានសាងសង់ព្រែកជីកហ្វូណនតេជោ នៅថ្ងៃទី០៥ ខែសីហា ឆ្នាំ២០២៤
- 218
- ដោយ vannak
-
សេចក្តីជូនដំណឹងរបស់រដ្ឋបាលខេត្តសៀមរាប ស្តីពីការអបអរសាទរការបើកការដ្ឋានសាងសង់ព្រែកជីកហ្វូណនតេជោ នៅថ្ងៃទី០៥ ខែសីហា ឆ្នាំ២០២៤
- 218
- ដោយ vannak
-
អបអរសាទរព្រែកជីកហ្វូណនតេជោ ដែលនឹងត្រូវបើកការដ្ឋាន ជាផ្លូវការនៅថ្ងៃទី៥ ខែសីហា ឆ្នាំ២០២៤ នាពេលខាងមុខនេះ ក្រោមអធិបតីភាពដ៏ខ្ពង់ខ្ពស់ សម្តេចមហាបវធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា។
- 218
- ដោយ vannak
-
កម្រងវីដេអូរបស់ក្រុមការងារស្នងការនគរបាលខេត្តចុះធ្វេីអត្តសញ្ញាណប័ណ្ណសញ្ជាតិខ្មែរជូនបងប្អូនប្រជាពលរដ្ឋ និងសិស្សានុសិស្សនៅតាមសាលា
- 218
- ដោយ vannak
-
រដ្ឋបាលខេត្តចេញសេចក្តីណែនាំ ចំនួន ៣ចំណុច ស្តីពីការអបអរសាទរការបើកការដ្ឋានសាងសង់ព្រែកជីកហ្វូណនតេជោ នៅថ្ងៃទី០៥ ខែសីហា ឆ្នាំ២០២៤ ដែលជា សមិទ្ធផលប្រវត្តិសាស្ត្ររបស់កម្ពុជា ក្រោមម្លប់នៃសុខសន្តិភាព និងការអភិវឌ្ឍលើគ្រប់វិស័យ។
- 218
- ដោយ vannak
-
រដ្ឋបាលខេត្តសូមជូនដំណឹង ស្តីពីការអបអរសាទរការបើកការដ្ឋានសាងសង់ព្រែកជីកហ្វូណនតេជោ នៅថ្ងៃទី០៥ ខែសីហា ឆ្នាំ២០២៤ព័ត៌មានលម្អិតសូមអានសេចក្តីជូនដំណឹងដូចខាងក្រោម :
- 218
- ដោយ vannak
-
ពិធីជួបសម្តែងការគួរសមជាមួយក្រុមការងារអគ្គនាយកដ្ឋានអន្តោប្រវេសន៍ និងអគ្គនាយកដ្ឋានការងារ នៃក្រសួងការងារ និងបណ្តុះបណ្តាលវិជ្ជាជីវៈ ដេីម្បីចុះបំពេញការងារអធិការកិច្ច ហត្ថពលកម្មបរទេស
- 218
- ដោយ vannak