រដ្ឋបាលខេត្តសៀមរាប សូមជូនដំណឹងដល់សាធារណៈជន សិស្ស និស្សិត មន្រ្តីរាជការ និងកងកម្លាំងប្រដាប់អាវុធ ខេត្តសៀមរាប ជ្រាបថា៖ សាកលវិទ្យាល័យឥន្ទ្រវិជ្ជា បានផ្ដល់អាហារូបករណ៍ក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ចំនួន ៥០០កន្លែង ដល់រដ្ឋបាលខេត្តសៀមរាប ដើម្បីផ្តល់ជូនដល់ប្រជាពលរដ្ឋក្រីក្រ មន្រ្តីរាជការ និងកងកម្លាំងប្រដាប់អាវុធនៅក្នុងខេត្តសៀមរាប សម្រាប់ឆ្នាំសិក្សា២០២២-២០២៣ ក្នុងគោលបំណងចូលរួមចំណែកជាមួយរាជរដ្ឋាភិបាលកម្ពុជា ក្នុងការអភិវឌ្ឍធនធានមនុស្សនៅកម្ពុជា។ ចំពោះសាធារណៈជន សិស្ស និស្សិត មន្ត្រីរាជការ និងកងកម្លាំងប្រដាប់អាវុធ ដែលមានចំណាប់អារម្មណ៍ ទទួលអាហារូបករណ៍ខាងលើ អាចធ្វើការជ្រើសរើសជំនាញណាមួយដែលមាននៅក្នុងតារាង និងបំពេញពាក្យ ស្នើសុំអាហារូករណ៍ រួចបញ្ជូនមកការិយាល័យកសាងសមត្ថភាព នៃទីចាត់ការគ្រប់គ្រងធនធានមនុស្ស សាលា ខេត្តសៀមរាប ឱ្យបានមុនថ្ងៃទី១៦ ខែកុម្ភៈ ឆ្នាំ២០២៣។សូមបញ្ជាក់៖ សម្រាប់ព័ត៌មានលំអិតពាក់ព័ន្ធនឹងការបង់ថ្លៃអាហារូបការណ៍ ១០០% និង ៥០% ដែលត្រូវជាប់កាតព្វកិច្ចរដ្ឋបាលរបស់សាកលវិទ្យាល័យឥន្ទ្រវិជ្ជា សូមទាក់ទងលេខទូរសព្ទអ្នកកាន់កម្មវិធីសិក្សារបស់សាកលវិទ្យាល័យឥន្ទ្រវិជ្ជា ០១២ ៥១៤៣២១