![](https://asset.cambodia.gov.kh/provincial/sites/22/2023/07/358113669_606940288246968_4122951477749371833_n.jpg)
បន្ទាប់ពីអនុម័តលើរបៀបវារៈ និងសេចក្តីរាយការណ៍របាយការណ៍សង្ខេបរបស់ទីចាត់រដ្ឋបាលរួចមក សមាជិកក្រុមប្រឹក្សាខេត្ត ក៏បានលើកឡើងនូវបញ្ហាមួយចំនួន ពាក់ព័ន្ធប្រជាពលរដ្ឋមានអត្តសញ្ញាណប័ណ្ណ ហួសសុពលភាព និង ការធ្វើលិខិតបញ្ជាក់អត្តសញ្ញាណប័ណ្ណ សម្រាប់បម្រើឲ្យការបោះឆ្នោត (ឯ.អ ) ,ការដាក់ឈ្មោះព្រំប្រទល់រដ្ឋបាល ក្រុង ស្រុក ឃុំសង្កាត់ , បញ្ហាសុំបង្កើតវត្តថ្មីក្នុងតំបន់រមណីយដ្ឋានអង្គរ , បញ្ហាផ្លូវធ្វើស្អាត ត្រូវបានជីកកកាយ ធ្វើឲ្យខូចសោភណ្ឌភាពផ្លូវ ព្រមទាំងសុំឲ្យធ្វើការកែតម្រូវ នូវរាល់បញ្ហាប្រឈមលើកឡើងជាន់គ្នាដដែលៗ របស់មន្ទីរពាក់ព័ន្ធមួយចំនួន។
លោក នាក់ ណេរ៉ុន អភិបាលរងខេត្ត តំណាងឯកឧត្តម ទៀ សីហា អភិបាលនៃគណៈអភិបាល ខេត្តសៀមរាប បានគូសបញ្ជាក់ថា អាជ្ញាធរក្រុង ស្រុក បង្កើនយកចិត្តទុកដាក់ខ្ពស់ អំពីសុខមាភាពរបស់ប្រជាពលរដ្ឋ នៅក្នុង រដូវមានភ្លៀងធ្លាក់នេះ តែងតែបង្កឲ្យកើតមានជម្ងឺគ្រុនចាញ់ គ្រុនឈាម និង គ្រុនឈិក សំខាន់លើកុមារ ក៏ដូចមនុស្សគ្រប់វ័យផងដែរ ។ លោកក៏បានឯកភាពនូវរាល់ចំណុចដែលសមាជិកក្រុមប្រឹក្សាខេត្តលើកឡើង នៅក្នុងកិច្ចប្រជុំសាមញ្ញាលើកទី៥០ នេះ ក្នុងគោលដៅជម្រុញដល់អាជ្ញាធរ សមត្ថកិច្ច បង្កើនការយកចិត្តទុកដាក់ខ្ពស់ អំពីសោភណ្ឌភាព សន្តិសុខ សណ្តាប់ធ្នាប់នៅក្នុងក្រុង ស្រុក ឃុំសង្កាត់ ជូនដល់គ្រប់គណបក្សនយោបាយ ក្នុងពេលយុទ្ធនាការឃោសនាបោះឆ្នោតនេះ ។ ម៉្យាងទៀត ចំពោះការដាក់បង្ហាញនូវបង្គោលព្រំប្រទល់រដ្ឋបាលក្រុង ស្រុក ឃុំសង្កាត់ នោះជាការល្អ សម្រាប់បងប្អូនអ្នកធ្វើដំណើរឆ្លងកាត់ បានស្គាល់ច្បាស់អំពីភូមិសាស្ត្រ និង ដែនសមត្ថកិច្ចរដ្ឋបាលក្រុង ស្រុក ឃុំសង្កាត់ ដើមី្បបង្កានៅពេលមានហេតុការណ៍អ្វីកើត ឡើង ក្នុងការងាយស្រួលដល់សមត្ថកិច្ចចុះជួយអន្តរាគមន៍ បានទាន់ពេលវេលា ។
ឯកឧត្តម អ៊ាន ឃុន ប្រធានក្រុមប្រឹក្សាខេត្តសៀមរាប បានគូសបញ្ជាក់ពីការអនុវត្តកិច្ចការរបស់រដ្ឋបាលខេត្តសៀមរាប ទាំងលើកិច្ចការរដ្ឋបាល ,ទំនាក់ទំនង , សហប្រតិបត្តិការអន្តរជាតិ និង ការងារសន្តិសុខសណ្តាប់ធ្នាប់សាធារណៈ ការងារគ្រប់គ្រងគ្រោះ មហន្តរាយ និង ការដោះស្រាយបញ្ហាផ្សេងៗ ប្រចាំឆមាសទី១ ឆ្នាំ២០២៣ របស់រដ្ឋបាលខេត្តសៀមរាប ។ ឯកឧត្តមប្រធាន ក៏បានលើកនូវកិច្ចការសំខាន់ ដែលរដ្ឋបាលខេត្ត ក៏ដូចរដ្ឋបាលក្រុង ស្រុក , មន្ទីរ អង្គភាព ដែលត្រូវបន្តការអនុវត្តក្នុង ខែកក្កដា ឆ្នាំ២០២៣ ដោយបានសង្កត់ធ្ងន់ទៅលើបងប្អូនប្រជាពលរដ្ឋ ដែលមានអត្តសញ្ញាណប័ណ្ណ ផុតការបរិច្ឆេតហើយនោះ អាជ្ញាធរ ក្រុង ស្រុក ឃុំសង្កាត់ ត្រូវជម្រុញដល់បងប្អូន ទៅធ្វើលិខិតបញ្ជាក់អត្តសញ្ញាណប័ណ្ណ សម្រាប់បម្រើឲ្យការបោះឆ្នោត (ឯ.អ )។ ឯកឧត្តមក៏បានគូសបញ្ជាក់អំពីលទ្ធផល របស់(គ.ជ.ប) ខេត្តសៀមរាប បានចេញឯកសារបញ្ជាក់អត្តសញ្ញាណ(ឯ.អ) នៅតាម ឃុំ សង្កាត់ បានចំនួន ៣ពាន់៧៣៣នាក់ ។ ក្រោយពេលច្បាប់បោះឆ្នោតបានធ្វើវិសោធនកម្ម នឹងដាក់ឲ្យប្រើប្រាស់ទូទាំងប្រទេស ដូច្នេះមន្ត្រីរាជការ រួមទាំងក្រុង ស្រុក ឃុំសង្កាត់ ត្រូវអប់រំប្រជាពលរដ្ឋ ដែលមានឈ្មោះបោះឆ្នោត ឲ្យបានទៅបោះ ឆ្នោតគ្រប់ៗគ្នា ដើមី្បធានាបានសិទ្ធិស្របច្បាប់ ក្នុងនាមពលរដ្ឋកម្ពុជា៕