![](https://asset.cambodia.gov.kh/provincial/sites/22/2023/10/394591453_679008194373510_9048999568102203732_n-1024x682.jpg)
ឯកឧត្តម ទ្រី ឬទ្ធា អគ្គនាយកស្ដីទីនៃវិទ្យាស្ថានជាតិស្ថិតិ បានបកស្រាយអំពីសារៈសំខាន់នៃសិក្ខាសាលា កសាងសមត្ថភាពក្នុងគោលបំណងបប្រៀបការយល់ដឹង និងការរៀបចំផែនការសកម្មភាព ដើម្បីសម្រេចបានគោលដៅយុទ្ធសាស្ត្រ ផែនការសកម្មភាពចម្បងៗមួយចំនួន ត្រូវបានដាក់ចេញក្នុងផែនការសកម្មភាពសម្រាប់អនុវត្តការវាស់ វែងសូចនាករ SDG និងក្របខណ្ឌការងារសម្រាប់ប្រមូលទិន្នន័យត្រូវបានកំណត់ និងលទ្ធផលរំពឹងទុកដែលត្រូវសម្រេច ឱ្យបាននោះគឺការបង្កើត និង អភិវឌ្ឍន៍ប្រព័ន្ធកម្មវិធីថ្នាលទិន្នន័យសម្រាប់រាយការណ៍ និងផ្សព្វផ្សាយទិន្នន័យសូចនាករ SDG/CSDG ព្រមទាំងសូចនាករអភិវឌ្ឍន៍ជាតិផ្សេងៗ។ លោក សុខ ថុល អភិបាលរងខេត្ត បានថ្លែងនូវការគាំទ្រចំពោះការរៀបចំបើកសិក្ខាសាលានេះឡើង ដើម្បីអភិវឌ្ឍន៍សមត្ថភាពមន្រ្តី នៅរដ្ឋបាលថ្នាក់ក្រោមជាតិ ដែលរួមមានមន្រ្តីនៃក្រសួង មន្ទីរ ស្ថាប័ន ដែលពាក់ព័ន្ធនៅក្នុងខេត្ត ជាពិសេស មន្រ្តីនៃមន្ទីរផែនការខេត្តទាំង០៥ ក្នុងការលើកកម្ពស់ចំណេះដឹង ដើម្បីចូលរួមអនុវត្តការងារបានល្អប្រសើរ ។ ឯកឧត្តម បញ្ជាក់ថា ផែនការយុទ្ធសាស្ត្រជាតិ គឺជាផែនការស្នូល ដែលរាជរដ្ឋាភិបាលកម្ពុជា រៀបចំឡើង ក្នុងក្របខ័ណ្ឌគោលនយោ បាយអភិវឌ្ឍន៍សេដ្ឋកិច្ច សង្គមកិច្ច យ៉ាងសំខាន់ស្របតាមយុទ្ធសាស្ត្របញ្ចកោណ ដំណាក់កាលទី១ នៃរាជ រដ្ឋាភិបាល នីតិកាលទី៧ នៃរដ្ឋសភា ក្នុងកម្មវិធីនយោបាយរបស់រាជរដ្ឋាភិបាលកម្ពុជាអាណត្តិថ្មី ។ លោកក៏បានណែនាំដល់សិក្ខាកាមទាំងអស់ ដែលបានចូលរួមសិក្ខាសាលានេះ នឹងទទួលបាននូវចំណេះដឹងថ្មីបន្ថែមទៀត អំពីការចងក្រងទិន្នន័យសម្រាប់សូចនាករ នៃគោលដៅអភិវឌ្ឍន៍ប្រកបដោយចីរភាព។
ឯកឧត្តម លី ចាន់សុភក្តី បានគូសបញ្ជាក់ពី ផែនការយុទ្ធសាស្ត្រអភិវឌ្ឍន៍ជាតិ គឺ ជាផែនការស្នូលរបស់រាជរដ្ឋាភិបាលកម្ពុជា ដែលបានរៀបចំឡើងគ្របដណ្តប់លើគ្រប់វិស័យ និងក្របខ័ណ្ឌគោល នយោបាយអភិវឌ្ឍន៍សេដ្ឋកិច្ច-សង្គមកិច្ច ស្របតាមយុទ្ធសាស្ត្របញ្ចកោណដំណាក់កាលទី១ នៃរាជរដ្ឋាភិបាលអាណត្តិ ទី៧ ដែលបានចែងក្នុងកម្មវិធីគោលនយោបាយរបស់រាជរដ្ឋាភិបាលកម្ពុជាក្នុងអាណត្តិថ្មី ជាមួយនឹងការប្តេជ្ញាចិត្តក្នុង ការអនុវត្តរបៀបវារៈឆ្នាំ២០៣០ សម្រាប់ការអភិវឌ្ឍប្រកបដោយចីរភាពរបស់អង្គការសហប្រជាជាតិ ពោលគឺគោល ដៅអភិវឌ្ឍន៍ប្រកបដោយចីរភាព (SDGs)។ ក្នុងគោលបំណងដើម្បីសម្រេចគោលដៅរួម នៃផែនការយុទ្ធសាស្ត្រ អភិវឌ្ឍន៍ជាតិកម្ពុជា (NSDP) និងគោលដៅអភិវឌ្ឍន៍ប្រកបដោយចីរភាព (SDG) ដែលមានចំនួន ១៧គោលដៅ ១៦៩ ចំណុចដៅ និង២៣២សូចនាករ តាមរយៈក្របខ័ណ្ឌ SDG ជាសាកលនេះ ក្រសួងផែនការត្រូវបានប្រគល់ភារកិច្ច ដោយប្រមុខរាជរដ្ឋាភិបាលកម្ពុជា មានតួនាទីស្នូលដឹកនាំសម្របសម្រួលនៅក្នុងដំណើរការធ្វើមូលដ្ឋានីយកម្ម SDG ទៅក្នុងបរិបទនៃកម្ពុជា និងដើម្បីឱ្យស្របទៅតាមកម្មវិធីនយោបាយសំខាន់ៗ ដែលបានកំណត់នៅក្នុងយុទ្ធសាស្ត បញ្ចកោណរបស់រាជរដ្ឋាភិបាលកម្ពុជា។ បច្ចុប្បន្នសម្រាប់គោល ដៅអភិវឌ្ឍន៍ប្រកបដោយចីរភាពកម្ពុជា (CSDG) គឺយើងមានចំនួន១៨គោលដៅ (ដោយបន្ថែមគោលដៅមួយរបស់កម្ពុជា ស្តីពីការបញ្ចប់ផលប៉ះពាល់ដោយសារ មីន និងសំណល់ជាតិផ្ទុះពីសង្គ្រាម និងជំរុញការសង្គ្រោះជនរងគ្រោះ) មានចំនួន ៨៨ចំណុចដៅ និង១៤៨សូចនាករ សម្រាប់គាំទ្រការសម្រេចគោលដៅទាំង១៨ នេះ។
តាមរយៈសិក្ខាសាលាកសាងសមត្ថភាពដ៏មានសំខាន់នេះ ឯកឧត្តមអនុរដ្ឋលេខាធិការក្រសួងផែនការ សង្ឃឹមយ៉ាងមុតមាំថានឹងមានការខិតខំធ្វើការរួមគ្នាជាប្រព័ន្ធ និងរៀនសូត្របទពិសោធន៍រវាងអ្នកចូលរួមពីបណ្ដ មន្ទីរ-សា្ថប័នពាក់ព័ន្ធ ថែមទាំងបានយល់ដឹងកាន់តែទូលំទូលាយអំពី ចរិកលក្ខណៈរបស់សូចនាករ ភាពសំខាន់របស់ ម៉េតាទិន្នន័យ បានស្វែងយល់ពីប្រព័ន្ធកម្មវិធីថ្នាលទិន្នន័យសម្រាប់រាយការណ៍សូចនាករអភិវឌ្ឍន៍ជាតិ (CAMSTAT) និងប្រព័ន្ធកម្មវិធីថ្នាលទិន្នន័យសម្រាប់ផ្សព្វផ្សាយសូចនាករគោលដៅអភិវឌ្ឍន៍ប្រកបដោយចីរភាព (Open SDG) ៕