បន្ទាប់ពីស្ដាប់សេចក្ដីរាយការណ៍របស់ លោក ប្រធានមន្ទីរ ស្តីពីវឌ្ឍនភាពការងារប្រចាំខែកុម្ភៈ របស់មន្ទីរអភិវឌ្ឍន៍ជនបទខេត្តសៀមមរាបរួចមក ឯកឧត្តមរដ្ឋ ឯលេខាធិការ បានធ្វើការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់មន្ទីរនាពេលកន្លងមកសម្រេចបានលទ្ធផលយ៉ាងរលូនដូចការគ្រោងទុក។ ទន្ទឹមនឹងនេះ ឯកឧត្តមរដ្ឋលេខាធិការក៏បានពាំនាំនូវបណ្តាំសាកសួរសុខទុក្ខ ពីសំណាក់ ឯកឧត្តម ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ ជូនដល់ថ្នាក់ដឹកនាំ និងមន្រ្តីរាជការនៃមន្ទីរអភិវឌ្ឍន៍ជនបទខេត្តសៀមរាបទាំងអស់។
ជាលទ្ធផលអង្គប្រជុំបានឯកភាពគ្នា និងបេ្តជ្ញាចិត្ត ដូចតទៅ ៖
១).ខិតខំបន្តជំរុញអនុវត្តកម្មវិធីទាំង ៤ របស់ក្រសួងអភិវឌ្ឍន៍ជនបទ ឱ្យមានប្រសិទ្ធភាពខ្ពស់ ពិសេស ការងារ ODF នៅទូទាំងខេត្តឱ្យបានរួចរាល់មុនដំណាច់ឆ្នាំ ២០២៤។
២). ពង្រឹងកិច្ចសហការថ្នាក់ជាតិ និងថ្នាក់ក្រោមជាតិ ឱ្យបានជិតស្និទ្ធ ពិសេស ការងារផ្លូវជនបទ, ទឹកជនបទ, និងអនាម័យជនបទ ។ល។
៣).ចុះដល់រាល់ទីតាំងដែលមានបញ្ហាប្រឈម និងសម្របសម្រួលជាមួយភាគីពាក់ព័ន្ធទាំងអស់នៅនឹងកន្លែង ។
៣). សិក្សាដើម្បីកំណត់មុខសញ្ញានៅតាមបណ្តាភូមិមួយចំនួនដើម្បីត្រៀមលក្ខណៈរៀបចំធ្វើជាភូមិគំរូ។
៤).សម្របសម្រួលជាមួយមន្ទីរឧស្សាហ៍កម្ម វិទ្យាសាស្រ្ត បច្ចេកវិទ្យា និងនវានុវត្ត ដើម្បីងាយស្រួលគ្រប់គ្រង និងផ្គត់ផ្គង់ទឹកជនបទតាមប្រព័ន្ធទុយោ ឱ្យបានច្បាស់លាស់។
៥).សម្របសម្រួលជាមួយអាជ្ញាធរអប្សរាដើម្បីកំណត់ទីតាំងដែលអាចសាសង់បង្គន់អនាម័យឱ្យបានច្បាស់លាស់ ៕
+29
49Kho Sophanarith, Srey Viseth និង 47 នាក់ផ្សេងទៀត